San Felipe (Texas)
| San Felipe San Felipe de Austin | |
|---|---|
 S' Poschtàmt vu San Felipe. | |
| D Làg vu San Felipe ìn Texas | |
 | |
| Basisdate | |
| Gründig: | 1824 |
| Staat: | USA |
| Bundesstaat: | Texas |
| County: | |
| Koordinate: | 29° 48′ N, 96° 6′ W |
| Zitzone: | Central Standard Time (UTC−6) |
| Iiwohner: | 747 (Stand: 2010) |
| Bevölkerigsdichti: | 34,5 Iiwohner je km² |
| Flechi: | 22,42 km² (ca. 9 mi²) davon 21,65 km² (ca. 8 mi²) Land |
| Höchi: | 47 m |
| Poschtleitzahl: | 77473 |
| Vorwahl: | +1 979 |
| FIPS: |
48-65372 |
| GNIS-ID: | 1346329 |
| Website: | townofsanfelipe.net |
| Dialäkt: Mìlhüüserdiitsch |
San Felipe (änglisch [ˌsæn fᵻˈliːp], àui bekànnt àls San Felipe de Austin) ìsch a Stàdt ìm Austin County ìm Bundesstààt Texas ìn da Verainigta Schtààta. Dr Ort ìsch àm Ààfang vum 19. Johrhundert dr Zentrum gsìì vu dr Bsiadlung vum Stephen F. Austin, em „Vàter vun Texas“. Ànna 2010 hàt d’ Stàdt hàt 747 Iiwohner ghàà.
d’ geogràfischa Làg
[ändere | Quälltäxt bearbeite]San Felipe befìndet sìch àm wäschtlischa Ufer vum Fluss Brazos. D’ Stàdtgrenze lìgt südlich vu dr Interstate 10. Dr Stephen F. Austin State Park ìsch ìm Norda vum Schtàdtgebiat. D’ Stàdt Sealy lìgt 3 km wäschtlich vu San Felipe.
Noh-n-em Àmerikànischa Zänsüsbüro hàt d’ Stàdt San Felipe a Gsàmtflächa vu 22.42 km², dervo ìsch 21.65 km² Lànd- un 0.77 km² Wàssergebiata.
d’ Gschìcht
[ändere | Quälltäxt bearbeite]Àb 1823 hàt dr John McFarland a Fähra uf em Fluss Brazos bewìrtschàftet. Ìm Schpotjohr 1823 han dr Stephen F. Austin un dr Felipe Enrique Neri, em Baron vu Bastrop da Ort gwählt àls Mìttelpunkt fìr d' anglo-àmerikànischa Bsiadlung ìm Texas. D’ Schtàdt ìsch offiziell ànna 1824 grìnda worra, unter em Nàmma San Felipe de Austin. Dr James (Jack) Cummins hàt ma àls ärschter Bìrgermeischter ernannt. Z’ San Felipe hàt ma àui d’ Texas Rangers grìnda.
D’ hàuipta Gschaftsstrooss, d’ Calle Commercio, hàt ma vor 1828 bàuia. Ìn dara Zitt hàt d’ Schtàdt äbb 30 Hiiser ghàà, drunter mìndeschtens aina Fàchwarkhüss. Dr Austin un si Sekretär, dr Samuel May Williams, han ìn’ma Holzhiisla gwohnt, uf dr Schtàdtplàtz. Ànna 1835 hàt d’ Schtàdt meh àls 600 Iwohner zehlt. Noh San Antonio ìsch San Felipe dr zweitwìchtìgschta Hàndelszäntrum vum Texas gsìì.
D’ Texas-Versàmmlunga vu 1832 un 1833 han ìm Rothüs vu San Felipe stàttgfunda; doo hàt ma d’ Unàbhangigkait vum Mexiko ärfordert. Bi dr „Consultation“ vum 3. Novamber 1835 z’ San Felipe hàt ma d’ Texanischa Revolüzion organisiart. San Felipe ìsch d’ Hàuiptstàdt gsìì vu dr provìsorischa Regiarung vum Texas, bis züa dr Convention vu 1836. Ìm März 1836 ìsch San Felipe vu texanischa Truppa àzunda un dernoh vu dr mexikànischa Àrmee ärowert worra. D’ Texaner han d’ Schtàdt wìdder uffbàuia, àwer San Felipe hàt sina Wìchtigkait verlora.
d’ Bevelkerung
[ändere | Quälltäxt bearbeite]| Johr | 1880 | 1890 | 1900 | 1910 | 1920 | 1930 | 1940 | 1950 | 1960 | 1970 | 1980 | 1990 | 2000 | 2010 | 2019[1] |
|---|---|---|---|---|---|---|---|---|---|---|---|---|---|---|---|
| Iiwohner[2] | 156 | 177 | 241 | 206 | 451 | 313 | 305 | 296 | 367 | 422 | 532 | 618 | 868 | 747 | 825 |
Bi dr Volkszehlung vu 2000 hàt San Felipe 868 Iiwohner zehlt, wo ìn 312 Hüshàlta un 234 Fàmìlia vertailt gsìì sìn, mìt a Bevelkerungsdìcht vu 40.0 Iwohner je km². 60.83% vu da Iwohner sìn Wissa, 34.56% sìn Àfroàmerikàner, 0.35% sìn Indiàner, 3.00% vu àndra Volksstàmma un 1.27% vu zwei odder meh Volksschtàmma gsìì. D Hispanoàmerikàner (odder Latinos) vu àlla Volksschtàmma sìn 3.26% vu dr Bevelkerung gsìì. 27.8% vu da Iiwohner sìn jenger àls 18 Johra un 14.3% älter àls 65 Johra gsìì. S’ Mediànikumma vu da Hüshàlta ìsch 38 203 $ gsìì. Domìt sìn 9.1% vu da Iiwohner unter em Àrmüatsschwälla gsìì, drunter 16.0% vu da Iiwohner ìwer 65 Johra.
d’ Kültürärbschàft
[ändere | Quälltäxt bearbeite]-
Schtàtüta vum Stephen F. Austin àm San Felipe de Austin State Historic Site -
San Felipe de Austin -
San Felipe de Austin Cemetery àm San Felipe de Austin State Historic Site -
San Felipe de Austin State Historic Site -
Nohbìld vu’ma Holzhiisla àm San Felipe de Austin State Historic Site -
J.J. Josey General Store àm San Felipe de Austin State Historic Site -
Historic Hill House àm Park Road -
Firwarkschtàtt vum San Felipe-Frydek Volunteer Fire Department
2016-1.jpg)
Lüag àui
[ändere | Quälltäxt bearbeite]Literàtür
[ändere | Quälltäxt bearbeite]- Charles Christopher Jackson: San Felipe de Austin, TX. In: Handbook of Texas Online. Texas State Historical Association, abgruefen am 25. November 2020 (änglisch).
- San Felipe, Texas, United States. In: Encyclopædia Britannica. 2012 (englisch, britannica.com [abgerufen am 25. November 2020]).
Externa Links
[ändere | Quälltäxt bearbeite]
Commons: San Felipe, Texas – Sammlig vo Multimediadateie- Offiziella Websitta (änglisch)
Ainzelnohwiisa
[ändere | Quälltäxt bearbeite]- ↑ Population and Housing Unit Estimates. United States Census Bureau, 24. Mai 2020, abgruefen am 27. Mai 2020 (änglisch).
- ↑ Census of Population and Housing. In: census.gov. Abgruefen am 4. Juni 2015 (änglisch).
|
Dä Artikel basiert uff ere fräie Übersetzig vu dere Version vum Artikel „San_Felipe,_Texas“ vu de änglische Wikipedia. E Liste vu de Autore un Versione isch do z finde. |