Vorderasiatische Archäologie

Us der alemannische Wikipedia, der freie Dialäkt-Enzyklopedy
Ä Leu vo Babylon

Die Vorderasiatischi Archäologii befasst sich mit de alte Kulture vom Middlere Oschde mit dr Uusnahm vo Ägypte wo sich d Ägyptologii drmit befasst. Im wäsentliche si das d Gebiet vo dr hütige Türkei, em Irak, Syrie, Libanon, Jordanie, Iran und Israel. Randgebiet wie Armenie, Arabie und sogar Nordweschtindie zele mänggisch au drzue. Ihre Ziitruum foht a in dr Neue Schteiziit, em Neolithikum, und isch z Änd mit dr arabische Eroberig. Was elter isch ghört zur Ur- und Früehgschicht.

Die Vorderasiatischi Archäologii schdoht in änger Verbindig zur biblische Archäologii wo d Siidligs- und Kulturgschicht vo dr Region Kanaan-Paleschtina-Israel erforscht und zur Altorientalistik (oder Assyriologii), wo sich meh mit de Schbrooche beschaftiget as mit materielle Sache.

S Kärngebiet vo dr Vorderasiatische Archäologii isch Mesopotamie, s Land zwüsche de Flüss Tigris und Euphrat, wo sich eini vo de eltischte Hochkulture vo dr Menschheit, wo d Keilschrift erfunde worden isch und s Rad, bildet het.

Völker wo sich die Vorderasiatischi Archäologii drmit befasst[ändere | Quälltäxt bearbeite]