Ulrich III. vu Wirttebärg

Dialäkt: Undermarkgreflerisch

Dr Ulrich III. (* zwische 1286 un 1296; † 11. Juli 1344) isch vu 1325 bis 1344 Grof vu Wirttebärg gsii.

Dr Ulrich isch scho in dr Regierigszyt vu syym Vater Grof Eberhard I. stark in d Bolitik yybunde gsii. Anne 1319 het er mit em Chenig Friedrich em Schene ne Bindnisverdrag uusghandlet. Des Bindnis het er no syym Amtsaadritt 1325 wider erneiert, noodäm sich Wirttebärg zwischedure uf d Syte vum Ludwig IV. gwägslet isch. Dr Ludwig un dr Friedrich hän zue sällere zyt alli zwee Aaspruch uf d Herrschaft im Ryych ghoobe. Dur d Uussehnig vu dr beede isch s em Ulrich megli gsii, au noch em Dod vum Friedrich anne 1330 äng mit em Ryych verbunde z blyybe. Des un syy regionali Bindnis- un Erwärbsbolitik hän derzue stark byydrait, dass dr Ulrich s wirttebärgisch Territorium in syre Regierigszyt het chenne dytli vergreßere. Näbe verschidene Erwärbige im Elsass sin vor allem dr Chauf vu Dibenge anne 1342 un d Belähnig mit Merkgreanenge dur dr Chaiser Ludwig dr Bayer anne 1336 z nänne.

Dr Ulrich isch mit dr Sophie vu Pfirt ghyrote gsii. Sihn us däre Eh sin dr Grof Eberhard II. dr Greiner un Grof Ulrich IV.

Literatur

• Wilfried Schöntag: 2.0.13 Ulrich III. In: Sönke Lorenz, Dieter Mertens, Volker Press (Hrsg.): Das Haus Württemberg. Ein biographisches Lexikon. Stuttgart 1997, S. 29–30, ISBN 3-17-013605-4.

Weblink

 Commons: Ulrich III. – Sammlig vo Multimediadateie

Vorgänger Eberhard I.

Grof vu Wirttebärg 1325–1344

Nochfolger Ulrich IV. un Eberhard II.

Dä Artikel basiert uff ere fräie Übersetzig vu dere Version vum Artikel „Ulrich_III._(Württemberg)“ vu de dütsche Wikipedia. E Liste vu de Autore un Versione isch do z finde.