Hartmann I. vu Wirttebärg

Us der alemannische Wikipedia, der freie Dialäkt-Enzyklopedy
(Witergleitet vun Hartmann I. (Württemberg))
Dialäkt: Undermarkgreflerisch

Dr Hartmann I. (* um 1160; † um 1240) isch Grof vu Wirttebärg gsii.

D Brieder Hartmann I. un Ludwig III. hän sich alli zwee glychzytig „Grof vu Wirtebärg“ gnännt, wäge däm cha mer dervu uusgoh, dass si d Grofschaft zämme verwaltet hän. Si sin beedi Sihn vum Grof Ludwig II gsii. Urkundli gnännt wäre beedi bim Chenig Otto IV. uf rhynische, schwebische un fränkische Pfalze. Dr Hartmann isch mit em Otto au uf Rom zue däm syre Chaiserchrenig un wird mehfach as Zyyg in dr vum Chaiser z Italie ufgstellte Urkunde gnännt. No dr Hebig vum Friedrich II. vu Staufe zum Chenig un Chaiser het er sich mit syym Brueder dr Staufer zuegwändet: Beedi sin em Friedrich un sym Suhn un Mitchenig Heinrich (VII.) bi wichtige Rychsverhandlige byygstande.

Dr Hartmann het syy Territorialbolitik dur d Hochzyt mit ere Erbdochter vu dr Grofe vu Verenge uf Oberschwobe uusgrichtet. Är het dert Gieter erworbe, wu bis ums Johr 1200 im verengische, derno aber im wirttebärgisch-grienengische Bsitz vorchemme, z. B. Altshause, d Burg Alt-Verenge, Rächt z Eschach un d Grofschaft vum eschtlige Apphagau.

Literatur[ändere | Quälltäxt bearbeite]

  • Dieter Mertens: Hartmann (I.). In: Sönke Lorenz, Dieter Mertens und Volker Press (Hrsg.): Das Haus Württemberg. Ein biographisches Lexikon. Kohlhammer, Stuttgart 1997, ISBN 3-17-013605-4, S. 10–11


Dä Artikel basiert uff ere fräie Übersetzig vu dere Version vum Artikel „Hartmann_I._(Württemberg)“ vu de dütsche Wikipedia. E Liste vu de Autore un Versione isch do z finde.