Ludwig III. vu Wirttebärg

Us der alemannische Wikipedia, der freie Dialäkt-Enzyklopedy
(Witergleitet vun Ludwig III. (Württemberg))
Zur Navigation springen Zur Suche springen

Ludwig III. (* 1166; † um 1241) isch Grof vu Wirttebärg gsii. Är isch wahrschyns mit ere Dochter vum Grof Adalbert III. vu Dillenburg, wu kai Name vun ere iberliferet isch.

D Brieder Hartmann I. un Ludwig III. hän sich alli zwee glychzytig „Grof vu Wirtebärg“ gnännt, wäge däm cha mer dervu uusgoh, dass si d Grofschaft zämme verwaltet hän. Si sin beedi Sihn vum Grof Ludwig II gsii. Urkundli gnännt wäre beedi bim Chenig Otto IV. uf rhynische, schwebische un fränkische Pfalze.

Mer cha dervu uusgoh, dass sich immer ain vu beede im Stammtland ufghalte het, derwylscht dr ander als mit em Chaiser uf Raise im Rych un uf Italie gange isch. Dr Ludwig het anne 1194 bi dr Eroberig vu Sizilie dur dr Chaiser Heinrich VI. mitgmacht. Dr Hartmann isch mit em Otto uf Rom zue däm syre Chaiserchrenig am 4. Oktober 1209. No dr Hebig vum Friedrich II. vu Staufe zum Chenig un Chaiser het sich dr Ludwig mit syym Brueder dr Staufer zuegwändet: Beedi sin em Friedrich un sym Suhn un Mitchenig Heinrich (VII.) bi wichtige Rychsverhandlige byygstande.

Literatur[ändere | Quälltäxt bearbeite]

  • Dieter Mertens: Hartmann (I.) In: Sönke Lorenz, Dieter Mertens, Volker Press (Hrsg.): Das Haus Württemberg. Ein biographisches Lexikon. Kohlhammer, Stuttgart 1997, ISBN 3-17-013605-4, S. 11


Information icon.svg Dä Artikel basiert uff ere fräie Übersetzig vu dere Version vum Artikel „Ludwig_III._(Württemberg)“ vu de dütsche Wikipedia. E Liste vu de Autore un Versione isch do z finde.