Eberhard IV. vu Wirttebärg

Us der alemannische Wikipedia, der freie Dialäkt-Enzyklopedy
(Witergleitet vun Eberhard IV. (Württemberg))
Dialäkt: Undermarkgreflerisch

Dr Eberhard IV., gnännt „dr Jinger“, (* 23. Augschte 1388; † 2. Juli 1419 z Woeblenga) isch Grof vu Wirttebärg vu 1417 bis 1419 gsii.

Läbe[ändere | Quälltäxt bearbeite]

Dr Eberhard IV. isch dr Suhn vum Grof Eberhard III. un dr Antonia Visconti gsii. Am 13. Novämber 1397 isch er mit dr Henriette vu Mömpelgard verlobt wore, speteschtens anne 1407 sin si ghyrote gsii. Dr Henriette isch di eltscht Dochter vum Heinrich vu Mömpelgard gsii, wu anne 1396 gstorben isch. Dur d Eh vu dr Henriette mit em Eberhard IV. isch d Grofschaft Mömpelgard wirttebärgisch wore.

Dr Eberhard IV. het ab 1407 z Wirttebärg mitregiert, ab 1409 zämme mit syre Frau au in dr Grofschaft Mömpelgard. Noch em Dod vum Eberhard III. am 16. Mai 1417 het er d Regierig in ganz Wirttebärg ibernuu. Wun er am 2. Juli 1419 gstorben isch, sin syni Sihn, di spetere Grofe Ludwig I. un Ulrich V., erscht sibe un sechs Johr alt gsii. Wäge däm isch e Vormundschaftsregierig yygsetzt wore us dr Henriette un bis zue 32 wirttebärgische Reet.

Chinder[ändere | Quälltäxt bearbeite]

Mit syre Gliebte Agnes vu Dagersheim het dr Eberhard IV. no ne baar Chinder ghaa[1], unter anderem:

  • Antonia vu Dagersheim, ∞ Konrad Lyher, Kanzler z Stuegert.
  • Anna vu Dagersheim, ∞ Hans Ferg, gnännt Vergenhans,

Fueßnote[ändere | Quälltäxt bearbeite]

  1. Hansmartin Decker-Hauff et al., Die Universität Tübingen von 1477 bis 1977 in Bildern und Dokumenten. 500 Jahre Eberhard-Karls-Universität Tübingen. Beiträge zur Geschichte der Universität Tübingen 1477-1977. Tübingen: Attempto Verlag, 1977, Stammtafel S. 24f.

Weblink[ändere | Quälltäxt bearbeite]

 Commons: Eberhard IV. – Sammlig vo Multimediadateie
  • Eberhardus V. in Zedlers Universallexikon, Band 8, Spalte 49 f.