Waclaw Orlikowsky

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Waclaw Orlikowsky (au Wazlaw Orlikowsky u. ä., * 8. Novämber 1921 as Grigori Podlesny z Charkow (Russland, hüte Ukraine), † 25. Juni 1995 z Baasel) isch e Ballettmäister gsi.

Lääbe und Wärk[ändere | Quälltäxt bearbeite]

Dr Orlikowsky isch as Soon vom Appolinarius Podlesnz und dr Maria geb. Zibina uf d Wält cho. Er het e Ballettusbildig bim Viktor Sulima und bim Wladimir Preobrajensky gmacht. Vo 1939 bis 1945 isch er Dänzer z Charkow, Tiflis und Lembärg (hüte Lwiw, Ukraine) gsi. 1952 bis 55 isch Ballettmäister im dütsche Ooberhuuse gsi.

Z Baasel[ändere | Quälltäxt bearbeite]

1955 isch er as Ballettmäister uf Baasel choo und het alli Dänzer entloo, wil si nid guet gnueg für sini Aasprüch gsi si. Mit dr nöije Drubbe het er mit sine Inszenierige, wo in dr Dradizioon vom klassische Danz gstande si, in dr ganze Schwiz groosse Erfolg gha und 1960 e Driumf bi de Berliner Festwuche iigspiilt. S Baasler Ballett isch internazional bekannt worde. Die äigeständige Klassikerinterpretazioone vo Schlüsselwärk us em 20. Joorhundert und d Uruffüerige si as s Baasler Ballettwunder in d Gschicht iigange. Er isch nit nume e wersierte Choreograf gsi, sondern vor allem e groosse Theatermaa und Büünimagier, wo z Baasel au Opere und Operette inszeniert het.

1966 bis 71 het er an dr Wiener Staatsopere gschafft und vo 1975 bis 1990 z Graz und isch au en internazionaale Gastchoreograf gsi. Er het as erste z Dütschland 1955 dr ganz «Schwaanesee» iistudiert und die dradizionelle und zitgenössische russische Handligsballett populär gmacht. So isch dr «Schwaanesee» z Baasel in dr erste Säsong elläi 51 Mol ufgfüert worde.

En Uswaal vo sine Ballettuffüerige[ändere | Quälltäxt bearbeite]

  • Schwanensee Muusig vom Pjotr Iljitsch Tschaikowski
  • Giselle, Muusig vom Adolphe Adam,
  • Dornröschen, Muusig vom Pjotr Iljitsch Tschaikowski
  • Der Nussknacker, Muusig vom Pjotr Iljitsch Tschaikowski
  • Daphnis und Chloë, Muusig vom Joseph-Maurice Ravel
  • La Valse, Muusig vom Joseph-Maurice Ravel
  • Der Feuervogel, Muusig vom Igor Fjodorowitsch Strawinski
  • Petruschka, Muusig vom Igor Fjodorowitsch Strawinski
  • Der wunderbare Mandarin, Muusig vom Béla Bartók
  • Amphion, Muusig vom Arthur Honegger
  • Romeo und Julia, Muusig vom Sergei Sergejewitsch Prokofjew
  • Cinderella, Muusig vom Sergei Sergejewitsch Prokofjew
  • Die steinerne Blume, Muusig vom Sergei Sergejewitsch Prokofjew
  • Der Pagodenprinz, Muusig vom Benjamin Britten
  • Die Fontäne (Die Quelle von Bachtschisseraj), Muusig vom Boris Wladimirowitsch Assafjew
  • Dorian Gray – today, Muusig vom Max Lang (Uuruffüerig)
  • Fünf Etagen, Muusig vom Henri Sauguet (Uuruffüerig)
  • Peer Gynt, Muusig vom Edvard Grieg (Uuruffüerig)

Wärk[ändere | Quälltäxt bearbeite]

  • Das klass. Ballett - mein Leben, 1998, (mit eme Wärkverzäichnis)

Litratuur[ändere | Quälltäxt bearbeite]

  • S. Enkelmann, Ballett in Basel, 1962
  • Andreas Kotte (Hg), Theaterlexikon der Schweiz, Chronos Verlag Züri 2005, 1356 f.

Kwelle[ändere | Quälltäxt bearbeite]