Orkester

Us der alemannische Wikipedia, der freie Dialäkt-Enzyklopedy
Hops zue: Navigation, Suech
S Filharmonische Orkester Rotterdam

En Orkester (altgriechὀρχήστρα orchēstra ‚Danzblatz‘, d. h. e halbrunde Blatz vor dr Büüni vom ene griechische Theater, won e Koor druf danzt het) isch en Instrumentalansambel, wo gröösser besetzt isch und zum Kennzäiche het, ass mindestens äinzelni Stimme meerfach („koorisch“) bsetzt si. Im Beriich vo dr klassische Muusig underschäidet mä s grooss bsetzte Sinfoniiorkester vom chläinere Kammerorkester. Es git au Orkester, wo nume us Instrumänt von ere bestimmte Gattig bestään, z. B. Bloosorkester, Striichorkester, Zupforkester oder s indonesische Gamelan. Dschääs-Orkester und äänligi Formazioone vo dr Danz- und Underhaltigsmuusig wärde mäistens as Big Bänd bezäichnet.

Simfoniiorkester[ändere | Quälltäxt bearbeite]

Simfoniiorkester: die tüpischi Ufstellig vo de Äinzelstimme

S Simfoniiorkester isch dr üüblig Klangkörper zum Orkesterwärk vo öbbe dr zwäite Helfti vom 18. Joorhundert aa z spiile.

D Stimme vo de Striicher si meerfach bsetzt (z. B. Berliner Philharmoniker: 23 ersti Wioline, 20 zwäiti Wioline, 16 Bratsche, 13 Tschelli, 11 Kontrabäss), stöön de andere Instrumäntegrubbe gegen[ber, wo solistisch bsetzt si.

D Instrumänt si uf em Podium noch ere bestimmte Ornig ufgstellt. Die sogenannti amerikanischi Ufstellig isch hützudags üüblig, es git aber au Orkester, wo in dr Dütsche Ufstellig spiile, bsundrigs im Raame vo dr historische Ufführigsbraxis. Bis am Aafang vom 20. Joorhundert isch die dütschi Sitzorni gängig gsi.

Litratuur[ändere | Quälltäxt bearbeite]

  • Peter Raabe: Stadtverwaltung und Chorgesang, Rede bei einem Chorkongress in Essen (1928), in: Peter Raabe: Kulturwille im deutschen Musikleben, Kulturpolitische Reden und Aufsätze, Räägeschburg, 1936, S. 26-41.
  • Malte Korff (Hrsg.): Konzertbuch Orchestermusik 1650–1800. Breitkopf und Härtel, Wisbaade 1991, ISBN 3-7651-0281-4.
  • Nina Okrassa: Peter Raabe – Dirigent, Musikschriftsteller und Präsident der Reichsmusikkammer (1872–1945), Köln 2004, ISBN 3-412-09304-1.
  • Orchester, Spezialensembles und Musiktheater. In: Deutscher Musikrat (Hrsg.): Musik-Almanach. Daten und Fakten zum Musikleben in Deutschland, Bd. 7 (2007/08), 2006, S. 733–823, ISSN 0930-8954.
  • Gerald Mertens: Kulturorchester, Rundfunkensembles und Opernchöre, Deutsches Musikinformationszentrum 2014 (Volltext; PDF; 471 kB)
  • Arnold Jacobshagen: Musiktheater, Deutsches Musikinformationszentrum 2013 (Volltext; PDF; 594 kB)
Information icon.svg Dä Artikel basiert uff ere fräie Übersetzig vum Artikel „Orchester“ vu de dütsche Wikipedia.

E Liste vu de Autore un Versione isch do z finde.