Schola Cantorum Basiliensis

Dr Sitz vo dr Läitig und vom Sekretariat vo dr Schola Cantorum Basiliensis an dr Lienertstrooss 6

Dialäkt: Baseldütsch

D Schola Cantorum Basiliensis isch e Muusighoochschuel z Baasel und as Hoochschuel für Alti Muusig Däil vo dr Fachhoochschuel Nordwestschwiz. Si isch an dr Lienerdstrooss 6 z Baasel dehäi.

D Schuel

An dr Schuel studiere öbbe zwäihundert Lüt us vile verschidnige Länder in zwäi Abdäilige, Middelalter/Rönessans und Rönessans/Barock/Klassik, wo d Muusig vom 9. bis zum 16., respektiv vom 16. bis zum früeje 19. Joorhundert behandle.

Zu de Leerchreft ghöre u. a. dr Kauntertenor Andreas Scholl, dr Dirigänt Andrea Marcon und d Tschembaliste Jörg-Andreas Bötticher und Jesper Bøje Christensen.

Vo 2013 bis 2015 isch dr Pedro Memelsdorff dr Läiter vo dr Schola Cantorum Basiliensis gsi.

Gschicht

D Schuel isch 1933 vom Paul Sacher (1906–1999) as e brivats „Leer- und Forschigsinstidut“ für Alti Muusig gründet worde. Dr Tschellist und Gambist August Wenzinger (1905–1996) und d Giigere und Muusigpedagogin Ina Lohr (1903–1983) häi vo Aafang aa e groosse Iifluss ghaa uf s Instidut und daas het die Alti-Muusig-Beweegig brägt. 1954 isch d Schola Cantorum Basiliensis in d Muusigakademii vo dr Stasdt Baasel integriert worde. 1999 isch s Instidut zur Hoochschuel für Alti Muusig worde. Für d Absolvänte vo dr Schola Cantorum Basiliensis isch 1999 s Barockorchester La Cetra gründet worde.

Im Joor 2008 het d Schola Cantorum Basiliensis iir 75-jöörigs Gründigsjubileum gfiirt. Zu däm Aalass isch dr Bildband Wunderkammer Alte Musik – Die Schola Cantorum Basiliensis mit Fotene vom A.T. Schäfer entstande.

Litratuur

• Wunderkammer Alte Musik – Die Schola Cantorum Basiliensis. Edition Braus: Heidelberg 2008, ISBN 978-3-89466-278-3

Weblingg

• D Website vo dr Schola Cantorum Basiliensis
• Liste vo de Dozierende

Fuessnoote

Dä Artikel basiert uff ere fräie Übersetzig vu dere Version vum Artikel „Schola_Cantorum_Basiliensis“ vu de dütsche Wikipedia. E Liste vu de Autore un Versione isch do z finde.

47.5552797.586013