Taafersch
| Taafersch | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Seise |
| BFS-Nr.: | 2306 |
| Poschtleitzahl: | 1712 |
| UN/LOCODE: | CH TAF |
| Koordinate: | 582996 / 184896 |
| Höchi: | 651 m ü. M. |
| Flächi: | 8.37 km² |
| Iiwohner: | 7805 (31. Dezämber 2022)[1] |
| Website: | www.tafers.ch |
 Schuelhuus vo Taafersch | |
| Charte | |
 | |
Taafersch (amtlich Tafers; franzöösisch Tavel; Freiburger Patois ) isch e politeschi Gmeind und dr Hauptort vom Seisebezirk im Kanton Friburg.
Geografii
[ändere | Quälltäxt bearbeite]S Gebiet vo dr Gmeind goot vom Friburger Vorort Schönbärg em Galteragrabe noo zum Hügel Maggebärg und is Taal vom Bach Taverna. Im Dorfzäntrum isch d Chrüzig vo de Kantonsstroosse vo Friburg uf Schwarzeburg und vo Düdinge uf Plaffeie.
Gschicht
[ändere | Quälltäxt bearbeite]Dr Name vo Taafersch isch s erschte Mol ane 1150 i dr Form Tabernis erwäänt, d Pfarrchile, wo s Patrozinium vom Sankt Martin het, scho ane 1148.
Uf em Hügel näbem Dorf ligge d Ruine vo dr Stammburg vo de Maggebärger, emene bedütende Friburger Adelsgschlächt usem Middelalter.[2]
Die alti Pfarrgmeind Taafersch isch ane 1831 bis 1832 i d Gmeinde Taafersch, Auterschwüu, Santantoni und Santursche ufdeilt worde.
Sid 1885 het Taafersch es Spital, wo hüt eis vo de föif Hüüser vom Friburger Spital HFR isch.[3][4]
Yywoner
[ändere | Quälltäxt bearbeite]Quela: Bundesamt für Statistik 2005[5]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 589 | 583 | 745 | 776 | 909 | 964 | 1280 | 1267 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 1436 | 1463 | 1570 | 1621 | 2021 | 2263 | 2324 | 2627 |
De Uusländeraateel isch 2010 bi 11,2 % gläge.[6]
Religion
[ändere | Quälltäxt bearbeite]77,7 % va de Yywoner si im Jaar 2000 römisch-katholisch gsii, 11,2 % evangelisch-reformiert.[6]
Spraach und Tialäkt
[ändere | Quälltäxt bearbeite]Bi de Vouchszelig 2000 hii va de 2627 Yywoner 89,9 % Tüütsch aus Hùùptspraach aaggää, 4,5 % Franzöösisch ù 5,6 % anderi Spraache.[6]
De seislertüütsch Tialäkt va Taafersch ghöört zum Hööjschtalemannisch.
Lüüt
[ändere | Quälltäxt bearbeite]- Walter Henzen (1895–1967), Germanischt
- Christian Schmutz (* 1970), Journalischt, Schriftsteller und Tieläktoloog
- Urs Schwaller (* 1952), Politiker, Verwaltigsrootspresidänt
Weblink
[ändere | Quälltäxt bearbeite]
Commons: Tafers – Sammlig vo Multimediadateie- Website vo dr Gmeind Taafersch
- Peter F. Kopp: Tafers In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ M. Boschung: Die Maggenberger und ihre Burgen. 1995.
- ↑ Gschicht vom Spital Taafersch
- ↑ J. Aebischer: Gedenkschrift zum 100jährigen Bestehen des Bezirksspitals St. Josef. Taafersch 1970.
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 6,0 6,1 6,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
