Stainach SG
| S SG im Lemma isch s offiziell Chürzel vom Kanton Sanggale und wird bruucht, zum Verwächslige mit Yträäg vom Name Steinach vermyde, wo öppis anders meined. |
| Stainach | |
|---|---|
 | |
| Basisdate | |
| Staat: | Schwiiz |
| Kanton: | St. Galle (SG) |
| Wahlchrais: | Rorschach |
| BFS-Nr.: | 3217 |
| Poschtleitzahl: | 9323 |
| UN/LOCODE: | CH STE |
| Koordinate: | 750281 / 262937 |
| Höchi: | 400 m ü. M. |
| Flächi: | 4,52 km² |
| Iiwohner: | 3583 (31. Dezämber 2022)[1] |
| Website: | www.steinach.ch |
| Charte | |
 | |
Stainach (amtlech Steinach) isch e politeschi Gmaind im Waalkrais Rorschach im Schwizer Kanton Sanggale.
Geografi
[ändere | Quälltäxt bearbeite]S Dorf liit am Bodesee südöschtlich vo Arbon. S Dorfzäntrum isch nööch bi de Mündig vom Fluss Stainach in Bodesee.
Stainach ghört zum Iizugsgebiet vo de Stadt Sanggale, wo s wirtschaftli und kulturäll Zäntrum vo de Region bildet.
D Noochbergmainde sind Arbon im Norweschte, Bèèrg im Weschte, Mörschwil im Süde, Tübach und Horn im Oschte. Arbon und Horn ghöred zum Thurgau, di andere sind Sanggaller Gmainde.
Gschicht
[ändere | Quälltäxt bearbeite]S Dorf isch ane 769 im Zämehang mit de Rückfüerig vom Liichnam vom Hailige Otmar vo de Insle Wärd bi Eschez z erst Mol erwäänt wore. En Urkund vo 782 erwäänt im Dorf e Landschänkig a s Chloschter Sanggale. 1459 isch d Vogtei Stainach a d Stadt Sanggale abtrete wore, wo 1473 s Gredhuus baue loo het.
Währed de Helvetik vo 1798 bis 1803 het Stainach zum Kanton Säntis ghört, denoo zum nöi gründete Kanton Sanggale. Vu 1803 bis 1832 sind au di benachbarte Ort Tübach und Bärg Täil vo de Gmaind Stainach gsii – 1833 sind all drüü sälbständig wore.[2][3]
Weblingg
[ändere | Quälltäxt bearbeite]
Commons: Stainach – Sammlig vo Multimediadateie- Offizielli Website vo de Gmaind Stainach
- Peter Müller: Steinach SG In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Steinach Artikel im Historische Lexikon vo de Schwiz, abgruefe am 19. Jänner 2018
- ↑ Steinach macht sich selbständig under Geschichte uf de Website vo de Gmaind, abgruefe am 19. Jänner 2018
