Mörschwil

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Mörschwil
Wappe vo Mörschwil
Basisdate
Staat: Schwiiz
Kanton: St. Galle (SG)
Wahlchrais: Rorschachw
BFS-Nr.: 3214i1f3f4
Poschtleitzahl: 9402
Koordinate: 749119 / 25920047.4666639.41667550Koordinaten: 47° 28′ 0″ N, 9° 25′ 0″ O; CH1903: 749119 / 259200
Höchi: 550 m ü. M.
Flächi: 9,83 km²
Iiwohner: 3583 (31. Dezämber 2017)[1]
Website: www.moerschwil.ch
Bahnhof vo Mörschwil

Bahnhof vo Mörschwil

Charte
BodeseeUnterer BurgweierMannenweierBuebenweierChrüzweierWenigerweierRütiweierSchlossweierÖschtrychKanton Appezäll UsseroodeKanton Appezöll InneroodeKanton Appezöll InneroodeKanton Appezöll InneroodeWaalchrais SanggaleKanton ThurgauKanton ThurgauWaalchrais SanggaleWaalkrais RhyntlBerg SGBerg SGGoldach SGMörschwilRorschachRorschacherbärgSteinach SGThal SGTübachUndereggeCharte vo Mörschwil
Iber des Bild
w

Mörschwil isch ä politischi Gmeind im Kanton St. Gallä i dä Schwiiz.

Geographii[ändere | Quälltäxt bearbeite]

S Bsundere a de Gmeind isch, dass si uus viel losä Weiler zämägsetzt isch – dementsprechänd chlii isch de Dorfchern. D Gmeind, wo ursprünglich zum Bezirk Rorschach ghört hät, isch jetzt im Wahlkreis Rorschach. S Gmeindegebiet schlüsst sich unmittelbar as öschtlichi End vo de Stadt St. Gallä aa und breitet sich Richtig Bodäsee uus. S Gebiät wird vo beidnä Siitä vo dä zwei Flüssli Goldach und Steinach iigschlossä.
Nachbuurgmeindä sind Berg, Steinach, Tübach, Goldach, Undereggä, St.Gallä und Wittäbach.

Gschicht[ändere | Quälltäxt bearbeite]

D Ortschaft, wo als Maurini villare 811 gschichtlich s'erschte Mol erwähnt worde isch, befindet sich nordöstlich vo dä Stadt St. Gallä und isch au en Vorort devo. I de Mitti vom 19. Johrhundert sind ufgrund vom Gsetz zur Bekämpfig vo de Heimatlosigkeit jenischi Familiä iibürgeret wordä. D Gemeind hät sich i dä letschtä Johrä von ärä landwirtschaftlich gprägte Struktur zun ärä klassischä Vorortsgmeind entwicklet.
Tüpischi Zeichä för da sind:

  • än enorms Bevölkerigswachstum vo 1990 bis 2004 vo 34.9 Prozänt
  • än gringe Usländerateil mit rund 7 Prozänt
  • tüfstä Stürfuess im Kanton St. Gallä mit 215 % (Joor 2005)
  • gueti Abindig a d Stadt St. Gallä mit änärä eigenä Buslinie 11
  • Infrastrukturä sind uf d Stadt usgrichtet: kei Sekundarschuel, kei Badi usw.

Wirtschaft[ändere | Quälltäxt bearbeite]

Uf em Gmeindsgebiet vo Mörschwil isch e Cholegruebe wo früehner zum Chohlenabbau gnutzt wordän isch.
Me hät früeh agfange, d'Wirtschaft z'fördere, so dass sich Mörschwil nöt zunere Schlofgmeind entwicklet. Än Erfolg vo derä Politik isch zum Bispiil d'Aasidlig vo dä Modellisebahnfirma HAG oder vo dä Firma Fenster Dörig. Aber au zahlriichi anderi Gwerbsbetriib sind z Mörschwil.

Verchehr[ändere | Quälltäxt bearbeite]

Mörschwil hät en Bahof a de SBB-Linie vo Sanggalle uf Rorschach und meereri Busshaltestelle a de Linie 11, wo vo Sanggalle obenabe chunnt, dors Dorf fahrt und wider zrugg i Stadt goot. Es git aber au Linie, wo i Richtig Tübach noch Horn an Bodesee oder öber Goldach in Rorschacherbärg fahrid.

Mit eme Autobahnaaschluss am Zuebringer A1.1 uf Arbon und öber d Autobahnverzwiigig Meggähuus isch Mörschwil au a d A1 (Samagrete-Gämf) aabunde.

Schuelä[ändere | Quälltäxt bearbeite]

Z Mörschwil gits ä Privatgymnasium mit rund 110 Schüälerinnä und Schüäler und mit eidgenössischä Matura-Anerkennig. Vo 1924-2007 ischs s Gymnasium Unteri Waid vom Orden vo de Patres vo La Salette gführt wordä. Hüt sind die meistä Lehrchräft Laie, da haisst, Lüüt, wo nöd im Orde sind. Im August 2007 hät ä zivili Trägerschaft d Schuel überno. Die chlii Schuäl giltät als sehr wältoffä und isch bekannt für di guät Füerig dur engagierti Lehrchräft. S Gymnasium und s Untergymnasium isch offä für Maitli und Buebä vo allnä Konfessionä; d Ufnahmebedingingä sind di glichä wie diä vom Kanton St. Gallä.

Weblink[ändere | Quälltäxt bearbeite]

 Commons: Mörschwil – Sammlig vo Multimediadateie

Fuessnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.



Information icon.svg Dä Artikel basiert uff ere fräie Übersetzig vum Artikel „Mörschwil“ vu de dütsche Wikipedia.

E Liste vu de Autore un Versione isch do z finde.