Simon Vatré

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
d Doorff Vendlincourt us der Luft gseh, es Bild vo anne 1950

Der Simon Vatré isch e Schwiizer Lexikograaf. Me weiss vo sym Lääbe nid vill, ussert, dass er am 2. Juli 1888 z Vendlincourt uf d Wält choo und am 4. Septämber 1972 gstorben isch. Vendlincourt isch es Doorff im Nordoschte vo Pruntrut, a der Landesgränze vo der Schwiiz zu Frankrych.

Der Vatré het es eigets Wörterbuech vo der Mundart, wo men im Elsgau redt, zämegstellt. S Patois vo dere Regioon rund um Pruntrut isch e Teil vo der Grafschäftler Sprooch, wo zum Areaal vo der Langues d’oïl ghöört. Em Vatré sys Buech, wo drinn d Elsgauer Dialäktwörter mit der französische Bedüütig erkläärt wärde, heisst Glossaire des patois de l’Ajoie et des régions avoisinantes. Anne 1947 het die jurassischi Kulturgselschaft Société jurassienne d’émulation em Vatré sys Wäärch mit emene Vorwort vom Jules Surdez usegää.

Der Simon Vatré isch im 1955 nöi gründete Comité central jurassien de la défense du patois der eerscht Presidänt gsi.

Der Vatré het au über d Gschicht vo sym Doorff gschribe.

Wäärch[ändere | Quälltäxt bearbeite]

  • Glossaire des patois de l’Ajoie et des régions avoisinantes. Pruntrut 1947.
  • Histoire de Vendlincourt. 1943.

Literatur[ändere | Quälltäxt bearbeite]

Weblink[ändere | Quälltäxt bearbeite]