Sesvennagruppe

Sesvennagruppe
Ibersichtscharte vu dr Sesvennagruppe Ibersichtscharte vu dr Sesvennagruppe
Höchst Gipfel	Piz Sesvenna (3'204 m ü. M.)
Lage	Graubünde (Schwyz) / Sidtirol (Italie) / Tirol (Eschtrych)
Deil vo	Zäntralalpe
Iideilig noch	AVE 29
Koordinate, (CH)	46° 42′ N, 10° 24′ O (826437 / 176361)46.710.43204

fff

f1

p5

D Sesvennagruppe isch e Gebirgsgruppe in dr zäntrale Oschtalpe. Aadail hän d Länder Eschtrych mit em Bundesland Tirol, d Schwyz mit em Kanton Graubünde un Italie mit dr Provinz Sidtirol.

Rund zwai Drittel vu dr Untergruppe sin uf em Schwyzer Staatsbiet, un wäre dert Region Unterengadin-Münschtertal oder au Münschtertaler Alpe gnännt. Nume ne chlaine Ecke im Nordoschte bi Nauders isch z Eschtrych.

Umgränzig un Nochber-Gebirgsgruppe

Dr Name vu dr Untergruppe, iri Definition as Untergruppe vu dr Zäntralalpe vu dr Oschtalpe un iri Umgränzig orientiere si an dr AVE, wo no orografische Kriterie definiert:

• Im Norde un Weschte bildet dr Inn (Unterengadin) d Gränze vum Finstermünzpass (zwische Pfunds un Nauders) duruuf ibier Susch zur Silvretta
• Der Inn vu Susch bis Zernez zue dr Albula-Alpe
• Im Sidweschte zur Ortlergruppe un dr Livignio-Alpe bilde s Val da Spöl, s Val Ova dal Fuorn un s Val Müstair d Gränze. Baidi Däler wäre dur dr Ofepass mitenander verbunde. S Münschtertal fiert de Gränze im Side bis in Vinschgau bi Glurns. Dr Ofenpass stellt d Verbindig vu dr Sesvennagruppe mit dr Ortler-Alpe här.
• Zwische Glurns un em Finschtermünzpass bildet s Obervinschgau mit em Reschenpass d Gränze im Oschte. Dr Reschenpass verbindet d Sesvennagruppe mit dr Ötztaler Alpe.

In dr Schwyz un im italienischsprochige Ruum sin anderi Yydailige gängig:

• Dr Schwyzer Alpe-Club (SAC) dailt dr Schwyzer Alpedail, au där Dail, wu in dr Oschtalpe lyt, primer an dr Kantonsgränze lang. D Alpedail z Graubünde wäre Bündner Alpe gnännt. Die wäre no wyter unterdailt. S Biet, wu do bschribe isch, haißt Unterengadin-Münschtertal.S umfasst nume dr Schwyzer Aadail an dr Sesvennagruppe, goht aber uf Schyizer Boden iber die uuse un umfasst au Dail vu dr Ortler-Alpe, wu uf Schwyzer Bode sin (Monte Cavallaccio, Pizzo della Forcola/Stilfserjoch, Umbrailpass), un au Dail vu dr Livigno-Alpe (Monte Sumbraida).
• Dr Club Alpino Italiano (CAI) dailt d Alpe in syre Yydailig, wu offiziäll fir Italie giltet, in relativ großi Untergruppe uf. S Biet vu dr Sesvennagruppe ghert doderno zue dr Alpi Retiche (Rätische Alpe). Des isch aber im Verglych mit dr Untergruppe vu dr AVE e risegroßi Gruppe. Si goht vum Splügepass un Timmelsjoch bis zum Inntal un em Addatal.

Gipfel

Piz Lischana vu Nordweschte

Dr hegscht Gipfel isch dr Piz Sesvenna (3'204 m ü. M.), wu dr Gruppe dr Name gee het. Anderi wichtigi Gipfel sin:

• Piz Pisoc (3'174 m ü. M.)
• Piz Tavrü (3'167 m ü. M.)
• Piz Plavna Dadaint (3'166 m ü. M.)
• Piz Nuna (3'124 m ü. M.)
• Piz Zuort (3'119 m ü. M.)
• Piz Lischana (3'105 m ü. M.)
• Piz Cristanas (3'092 m ü. M.)
• Piz Starlex (3'075 m ü. M.)
• Piz S-chalambert Dadaint (3'031 m ü. M.)
• Piz Nair (3'010 m ü. M.)
• Fernerspitz (2.954 m s.l.m.)
• Piz Rasass (2.941 m s.l.m.)
• Elferspitze (2.926 m s.l.m.)
• Föllakopf (2.878 m s.l.m.)
• Piz Lad (2'808 m ü. M.)

Schutzbiet

Schwyzer Nationalpark

Dr Schwyzer Nationalpark umfasst greßeri Dail vu dr Sesvennagruppe. In dr Schwyz het s zurzyt nume ai Nationalpark. Mit syne Randberaich isch er as Schwyzerische Nationalpark un Randbiet as Landschaft vu nationaler Bedytig Nr. 1915 erfasst.

Turismus

Hitte

Lischanahitte

Im italienische Dail vu dr Sesvennagruppe git s ai Alpeverainshitte:

• Sesvennahitte: Hechi: 2256 m, gwirtschaftet im Summer Mitti Juni bis Ändi Oktober un im Winter vu Ändi Februar bis Mitti Mai, 78 Matratzelager, Winterruum mit 6 Lager uffig, Dalort: Schlinig be Mals im Vinschgau, Mer brucht vu Schlinig ufe zue dr Hitte 1,75 Stund.

Im Schwyzer Dail vu dr Sesvennagruppe het s e anderi Hitte:

• Lischanahitte/Chamanna Lischana: Hechi 2500 m, gwirtschaftet im Summer vu Aafangs Juli bis Aafangs Oktober, 42 Matratzelager, Dalort: Scuol im Unterengadin, Mer brucht rund 4 Stund ufe zue dr Hitte.

Färn-/Wytwanderwäg

D Via Alpina, Wytwanderwäg iber d Gränze mit fimf Dailwäg dur di ganzen Alpe, verlauft au dur d Sesvennagruppe. Dr Rot Wäg vu dr Via Alpina verlauft mit zwoo Etappe dur d Sesvennagruppe:

• Etappe R67 verlauft vu Scuol im Unterengadin uf S-charl
• Etappe R68 verlauft vu S-charl uf Taufers

Weblink

 Commons: Sesvennagruppe – Sammlig vo Multimediadateie

Fueßnote

Dä Artikel basiert uff ere fräie Übersetzig vu dere Version vum Artikel „Sesvennagruppe“ vu de dütsche Wikipedia. E Liste vu de Autore un Versione isch do z finde.