Verwall

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Verwall (-gruppe)
Verwall im Sidweschte vu Eschtrych

Verwall im Sidweschte vu Eschtrych

Blick vum Hoche Riffler no Sidweschte iber s Verwall bis zum 232 km eyt ewäge Wiisshorn

Blick vum Hoche Riffler no Sidweschte iber s Verwall bis zum 232 km eyt ewäge Wiisshorn

Höchst Gipfel Hoche Riffler (3.168 m ü. A.)
Lage Vorarlberg/Tirol, Eschtrych
Deil vo Zäntrali Oschtalpe
Iideilig noch AVE: 28
Trimmel: 2140
PdA: Ce-11d
SOIUSA: 15.VI.C
Koordinate 47° 2′ N, 10° 11′ OKoordinate: 47° 2′ N, 10° 11′ O
Gstei Oschtalpins Krischtalli, chl. Dail Nerdligi Chalchalpe
Alter vom Gstei Präkambrium

ff

S Verwall isch e Gebirgsgruppe vu dr zäntrale Oschtalpe z Eschtrych. Si lyt in dr Bundesländer Vorarlberg un Tirol, zwische Bludaz un Landeck. Dr Tiroler Aadail isch nume wenig greßer wie dr Vorarlberger.

S Verwall isch e Gebirg, wu fir dr durschnittli Bärgwanderer un Bärgstyger seliguet gaignet isch. Im Gegesatz zum Nochbergebirg Silvretta isch d Verwallgruppe nume wenig verglätscheret. E Netz vu Hechewäg macht mehdägigi Ture vu Hitte zue Hitte megli. Verschideni Gipfel, wu alli z Tirol stehn, rage iber d Dreidöuserdmetergränze ufe. Vyl vu dr Gipfel hän aigeni Forme. Vor allem dr Dail, wu z Vorarlberg lyt, zaichne si mit syne Naturschutzbiet dur e greßeri Urspringligkait un Ainsamkait uus. Dr Tiroler Dail het bishär kai Schutzstatus.

Geologisch ghert d Gruppe zur oschtalpine Krischtallinzone, dr usserscht Nordweschtdail zue dr Nerdlige Chalchalpe.

Nochbergebirgsgruppe[ändere | Quälltäxt bearbeite]

S Verwall gränzt im Nordweschte an s Lechquällegebirg, im Nordoschte an d Lechtaler Alpe, im Sidoschte an d Samnaungruppe, im Side an d Silvretta un im Weschte an s Rätikon.

Umgränzig[ändere | Quälltäxt bearbeite]

Im Norde bildet s Kloschtertal d Gränze vu Bludaz bis Stuben am Arlberg. Vu dert goht s iber dr Arlbergpass in s Stanzer Tal bis uf Wiesberg. Dert dräffe d Fliss Rosanna un Trisanna ufenander. D Gränze im Sidoschte bildet s Paznaun vu Wiesberg bis uf Galtür. Im Side wird s Verwall abgränzt dur d Linie zwische Galtür, em Zeinisjoch un Partenen. Im Sidweschte verlauft d Gränze am Montafon lang zwische Partenen un Bludaz.

Dr Arlbergpass verbindet s Verwall mit dr Lechtaler Alpe. S Zeinisjoch isch d Verbindig zur Silvretta.

Däler mit uusgläsene Däler, wu aagränze:

Untergruppe[ändere | Quälltäxt bearbeite]

D Gränze zwische dr boode glych große Untergruppe verlauft vu Nord no Sid dur s Verwalltal, s Dal vu dr obere Rosanna, wu em Geburg dr Name gee het un wu vu Norde här, vum Oschtaastig zum Arlberg, dur d Gruppe schnydet (RosannaschluchtSchönverwallOchsental), iber s Muttenjoch in s ober Paznaun. Si dailt also s Dreieck vu dr Verwallgruppe in nomol zwai Dreieck.

Di Weschtli Verwallgruppe (Weschtverwall), zum große Dail z Vorarlberg, mit em Hauptchamm Nord–Sid am Verwalltal lang, un Näbechämm no Weschte gege s Montafon, umfasst, grob vu Nordwescht no Sidoscht:

  • Itonskopfgruppe
  • Iisetaler Gruppe
  • Kalteberggruppe
  • Drosberggruppe
  • Hochjochstock
  • Madererkamm
  • Valschavielkamm
  • Fluhgruppe

Di Eschtli Verwallgruppe (Oschtverwall), ganz z Tirol, mit em Hauptchamm am Paznaun lang un Näbechämm no Norde gege s Kloschtertal, umfasst, primär vu Wescht no Oscht:

  • Fasulkamm
  • Karkopfgruppe
  • Faselfadgruppe
  • Kuchenspitzgruppe
  • Kartellgruppe
  • Seßladgruppe
  • Welskogelgruppe
  • Rifflergruppe
  • Rendlgruppe

D Landesgränze verlauft am Hauptchamm, em weschtlige Chamm vum Verwalltal, d Oschtabdachig vu dr Gruppe isch tirolisch.

Gipfel[ändere | Quälltäxt bearbeite]

In däre sortierbare Lischt findet mer alli Dreidöuserder vu dr Verwallgruppe:

Rang Bild Gipfel Hechi
(m)
Gebirgs­gruppe Dominanz Scharte­hechi Erscht­bstygig
1 Hoher Riffler.JPG Hoher Riffler 3.168 m ü. A. Rifflergruppe 23,8 km
→ Stammerspitze
1326 m
↓ Zeinisjoch
Skriptfehler: Ein solches Modul „Sort/cellDate“ ist nicht vorhanden.
Josef Anton Specht & Franz Pöll
2 Kuchenspitze von Westen.jpg Kuchenspitze 3.148 m ü. A. Kuchenspitzgruppe 13 km
→ Hoher Riffler
578 m
↓ Lattejoch
Skriptfehler: Ein solches Modul „Sort/cellDate“ ist nicht vorhanden.
Andreas Madlener & Julius Volland
3 Küchlspitze vom Karkopf gesehen.jpg Küchlspitze 3.147 m ü. A. Kuchenspitzgruppe 0,8 km
→ Kuchenspitze
132 m
↓ Scharte zur Kuchenspitze
Skriptfehler: Ein solches Modul „Sort/cellDate“ ist nicht vorhanden.
Vermessungsingenieure
4 Hoher Riffler.JPG Blankahorn 3.129 m ü. A. Rifflergruppe 0,3 km
→ Hoher Riffler
ca. 60 m
↓ Scharte zum Hohen Riffler
5 Saumspitz Seespitz.jpg Seeköpfe 3.061 m ü. A. Kartellgruppe 2,6 km
→ Küchlspitze
309 m
↓ Rautejöchli
6 Verwall Patteriol.jpg Patteriol 3.056 m ü. A. Fasulkamm 2,8 km
→ Kuchenspitze
462 m
↓ Scharte zum Vertinespleiskopf
Skriptfehler: Ein solches Modul „Sort/cellDate“ ist nicht vorhanden.
Vermessungsingenieure
7 Saumspitz Seespitz.jpg Saumspitze 3.039 m ü. A. Kartellgruppe 0,7 km
→ Seeköpfe
198 m
↓ Schneidjöchli
8 Hoher Riffler.JPG Kleiner Riffler 3.014 m ü. A. Rifflergruppe 0,3 km
→ Blankahorn
ca. 30 m
↓ Scharte zum Hohen Riffler
9 DSCN8109 Kleiner und Großer Patteriol vom Silbertaler Winterjöchle.jpg Horn 3.003 m ü. A. Fasulkamm 0,3 km
→ Patteriol (Südschulter)
ca. 80 m
↓ Scharte zum Patteriol

Im Verwall git s iber 220 Gipfel, wu ne Name hä nun e Hechekote. Chänne duet mer vor allem die (gornet no dr Hechi):

Bässe un Ibergäng[ändere | Quälltäxt bearbeite]

Ußer dr ufzellte Bäss, wu d Verwallgruppe mit dr Nochbergruppe verbinde, git s innerhalb vu dr Verwallgruppe kai Ibergang, wu mer mit em PKW cha driber fahre.

Turistisch wichtigi Ibergäng sin u. a.

  • Verbellner Winterjöchl (Standort vu dr Haalbrunner Hitte, 2.308 m ü. A.). Die Iberquerig wird vylmol mit em Mountainbike gmacht, d Reder mien nume ne churz Stuck e gäche Stich am Änd vum Schönverwalltal draitr wäre.
  • Silbertaler Winterjöchl (1.945 m ü. A., Ibergang vum Schönverwalltal ins Silbertal)
  • Schafbichljoch (2.636 m ü. A., Ibergang vum Fasultal ins Paznauntal, Verbindigswäg Konschtanzer HitteFriedrichshafener Hitte)
  • Kuchenjoch oder Kuchenjöchli (2.730 m ü. A., Ibergang vum Schönverwalltal ins Moostal, Verbindigswäg Konschtanzer HitteDarmstädter Hitte, Apethekerwäg)
  • Doppelseescharte (2.786 m ü. A., Ibergang vum Moostal ins Paznauntal, Advokatewäg)

Naturschutz: Vogelschutzbiet Verwall[ändere | Quälltäxt bearbeite]

S Verwall isch e Natura-2000-Biet (AT3412000). S Areal, wu as Europäischs Vogelschutzbiet nominiert woren isch, umfasst ca. 120 km² (12.057 ha) in Aadail vu dr Gmaine Klösterle, Silbertal, St. Gallenkirch un Gaschurn. S Natura-2000-Biet isch im Rame vun em Mediationsverfahren – mit Uusnahm vum Gmaibiet vu Silbertal – bfrischtet 1995–2004 zum Naturschutzbiet erklert wore (Lgbl. 47/99), voreb s in e Europaschutzbiet umgwandlet woren isch.[1]

S Natura-2000-Biet Verwall lyt zwische ca. 1.500 un 2.900 m. D Arte, wu mer dert cha finde un un wu no dr Vogelschutzrichtlinie Aahang 1 schitzenswärt sin, sin Alpeschneeheun, Urhuen, Birkhuen, Haselhuen, Schwarzspächt, Dreizächespächt, Grauspächt, Staiadler, Wanderfalk, Uhu, Raufueßchuz, Spatzechuz un Nyndeter – dodermit findet mer dert fascht d Helfti vu dr z Vorarlberg haimische Arte, wu no dr Richtlinie unter Europaschutz falle.[2]

Innerhalb vum Vogelschutzbiet Verwall lyt s Biet Wiegensee, no dr Fauna-Flora-Habitat-Richtlinie uusgwise (AT3413000, 65 ha). Sidweschtli vum Verwall un Wiegensee isch en ander Europaschutzbiet, s FFH-Biet Schuttflure Tafamunt (AT3422000, 68 ha). Baidi bilde d Sidweschthaale vu dr Versalspitze.

Turismus[ändere | Quälltäxt bearbeite]

Im Winter lyt d Verwallgruppe in un zwische dr große Schybiet Schruns-Tschagguns im Montafon, St. Anton am Arlberg un Ischgl im Paznaun. Im Summer isch s in dr hochalpine Region zwische Arlberg un Silvretta dergege ne wenig rueiger – d Verwallgruppe wird vu Wanderer un Bärgstyger gärn brucht. Zeh Alpeverainshitte biete Unterchumft. Dr hochalpin Wanderer findet e dicht Netz an guet uusböuene un markierte Hechewäg.

Dr blant Böu vun ere Sässelliftaalag ("Skischaukel") zwische dr Schybiet St. Anton am Arlberg un Kappl, wu dr Verwall-Hauptchamm im Beraich vum Malfontal iberquert hätt, isch ‚Ändi 2018 nao lange juristische Ussenandersetzige vum Bundesverwaltigsgricht untersait wore. D Juschtiz het dr Schutz vu dr Natur in däm zum Dail nonig erschlossene Gländ hecher gwärtet wie turistischi Inträsse.[3]

Hitte[ändere | Quälltäxt bearbeite]

In dr Verwallgruppe het s zeh Hitte vum Alpeverain. Di hegschtgläge Hitte, eine Biwakschachtle fir vier Lyt, isch d Kieler Wätterhitte uf 2.809 m ü. A. Di hegschtgläge gwirtschaftet Hitte isch d Darmstädter Hitte uf 2.384 m ü. A. Di grescht Hitte mit rund 140 Schlobplätz isch d Haalbrunner Hitte. Acht vu dr zeh Hitte ligen in ere Hechi vu iber 2.300 m ü. A., also dytli iber dr Waldgränze.

Di maischte vu däne Alpeverainshitte (sibe) sin Stitzpunkthitte vu dr Verwall-Rundi.

Hechewäg[ändere | Quälltäxt bearbeite]

D Hechewäg mache s megli dur d Verwallgruppe z wandere, ohni ass mer ins Dal mueß abe. D Wäg, wu zum Dail rächt aaspruchsvoll sin un zue dr schenschte in dr ganze Alpe zelle, verlaufe zmaischt unterhalb vu dr Gipfelmassiv un biete fir dr Notfall an vyl Stelle (Not-)Abstiig ins Dal.

  • Peter-Bruckmann-Wäg: Konschtanzer HitteHaalbrunner Hitte
  • Friedrichshafener Wäg: Haalbrunner HitteFriedrichshafener Hitte
  • Georg-Prasser-Wäg: Rundwanderwäg um d Friedrichshafener Hitte
  • Hoppe-Seyler-Wäg: Darmstädter HitteNiederelbehitte
  • Kieler Wäg un Rifflerwäg: NiederelbehitteEdmund-Graf-Hitte
  • Ludwig-Dürr-Wäg: Friedrichshafener HitteDarmstädter Hitte
  • Reidlenger Wäg: KaltenberghitteKonschtanzer Hitte
  • Sepp-Jöchler-Wäg: Darmstädter HitteNiederelbehitte
  • Stubener Wäg: KaltenberghitteReidlenger Hitte
  • Wormser Wäg: Wormser HitteHaalbrunner Hitte

Transalp[ändere | Quälltäxt bearbeite]

Dur s Verwall fiere au zwoo wichtigi Transalp-Rute, wu im Summer Hufe Mountainbiker druf fahre:

  • d Joe-Rute, erschlosse un publiziert 1995,
  • d Albrecht-Rute, erschlosse un publiziert 2005.

Die Rute, wu e baar Dagesetappe umfasse, sin as Färnradwäg au europäischi Alpeniberquerige, wu vu Bayern zum Gardasee fiere.

Literatur[ändere | Quälltäxt bearbeite]

  • Deutscher und Österreichischer Alpenverein: Die Erschliessung der Ostalpen (Band II, 1894)
  • Peter Pindur, Roland Luzian, Andreas Weiskopf: Alpenvereinsführer Verwallgruppe, Bergverlag Rother, 10. Auflage, 2005, ISBN 3-7633-1251-X
  • Alpenvereinskarten: Blatt 28 Verwallgruppe, 1:50.000, 2010. Blatt 28/2 Verwallgruppe-Mittleres Blatt, 1:25.000, 2009.
  • Kompass: WK 41 Silvretta-Verwallgruppe, 1:50.000, 2009.
  • freytag & berndt: WK 372 Arlberggebiet, Paznaun, Verwallgruppe, 1:50.000.

Weblink[ändere | Quälltäxt bearbeite]

 Commons: Verwall – Sammlig vo Multimediadateie

Fueßnote[ändere | Quälltäxt bearbeite]

  1. Mediationsverfahren Natura-2000-Gebiet Verwall. In: rosinak.co.at. Rosinak & Partner, Amt der Vorarlberger Landesregierung, abgruefen am 7. Juli 2012 (2000–2002).
  2. Natura-2000-Schutzgüter. In: Das Land Vorarlberg im Internet vorarlberg.at · Natur- und Umweltschutz → Daten & Fakten. Amt der Vorarlberger Landesregierung, abgruefen am 19. November 2012.
  3. Deutscher Alpenverein e.V. (DAV): Skischaukel St. Anton - Kappl gestoppt - Natur - Deutscher Alpenverein (DAV). Abgruefen am 2. Juli 2020.


Information icon.svg Dä Artikel basiert uff ere fräie Übersetzig vu dere Version vum Artikel „Verwall“ vu de dütsche Wikipedia. E Liste vu de Autore un Versione isch do z finde.