Rätikon

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
E Charte vom Rätikon

Dr Rätikon isch e Bärggruppe vo den Oschtalpe. Er stoot uf de Piet vo Öschtrych, Liechteschtei und dr Schwiiz.

Numen im Südoschte hangt die Bärgwält mit em ene anderen Alpemassyv zäme, mit dr Silvrettagruppe. Uf de andere Syyten sind rings umme Rätikon grossi Tääler: Im Weschte s Bündner Rhintl und im Nordweschte s Sanggaller Rhintl, im Süüde lyt s Prättigä, und uf dr Nordoschtsyte sind es par Vorarlbärger Tääler mit em Montafon und em Walgau.

Vom Rhintl bis ad Silvretta het dr Rätikon die grössere Bärgstöck und Gipfel:

  • Drüü Schwöschtere
  • Alpspitz (mit em Bärgwääg Fürschtesteig)
  • Naafkopf-Falknis-Kette
  • Galinachopf und Ochsechopf
  • Falknis
  • Fundelchopf
  • Panüelerchopf
  • Schesaplana / Alpschtei
  • Brandner Mittagspitz
  • Sassaunagroot
  • Chirchlispitz
  • Druseflue
  • Sulzflue
  • Schijeflue
  • Schoofbärg
  • Sarotlagroot
  • Madrisa

Im Rätikon het’s es par Bärghüüser vom Schwiizer Alpeklub, vom Düütsche Alpeveräin, vom Öschtrychischen Alpeveräin, vo de Naturfründ Öschtrych und em Liechteschteiner Alpeveräin:

  • d Douglasshütte
  • d Fäldkircherhütte
  • s Huus Matschwitz
  • d Heinrich-Hueter-Hütte
  • d Lindauer Hütte
  • d Madrisahütte
  • d Mannheimer Hütte
  • d Oberzalimhütte
  • d Sarotlahütte
  • s Schwoobehuus uf der Tschengla
  • d Tilisunahütte
  • d Totalphütte
  • s Bärghuus Gamperdona
  • d Gafadurahütte
  • d Pfälzerhütte
  • d Enderlinhütte
  • d Schesaplanahütte
  • d Carschinahütte
  • s Bärghuus Sulzflue
  • s Bärghuus Alperösli

Dure Rätikon laufe divärsi Wanderwääg, öppe

  • dr root Wääg vo dr Via Alpina
  • dr Grüen Wääg vo dr Via alpina
  • d Rätikontuur
  • dr Prättiger Höhewääg
  • dr Grooss Walserwääg und dr Bündner Walserwääg

Gäbegi Lücke zum dur s Pirg duregoo sind öppe:

  • s Barthümeljoch
  • s Cavelljoch
  • Schwiizertoor
  • dr Gruobepass
  • dr Sarotlapass
  • S Sankt Antönier- oder Gargällerjoch
  • s Schlappynerjoch

D Bärge vom Rätikon sind vor allem us Chalchgschtei.

Weblink[ändere | Quälltäxt bearbeite]

 Commons: Rätikon – Sammlig vo Multimediadateie