Albula-Alpe
| Albula-Alpe | |
|---|---|
 | |
| Höchst Gipfel | Piz Kesch (3'418 m ü. M.) |
| Lage | Graubünde, Schwyz |
| Iideilig noch | AVE: 65 SOIUSA: 15.II |
| Koordinate | 784567 / 169365 |
D Albula-Alpe sin e Dail vu dr Rätische Alpe un lige im Schwyzer Kanton Graubünde. D Gebirgsgruppe lyt nerdli vum Inn zwische Septimerpass un Flüelapass. Dr hegscht Gipfel isch dr Piz Kesch (3'418 m ü. M.).
Iber d Albula-Alpe fiere dr Julierpass un dr Albulapass. Dur d Gebirgsgruppe fahrt d Albulabahn.
Abgränzig
[ändere | Quälltäxt bearbeite]D Albula-Alpe lige in dr weschtlige Oschtalpe. No dr AVE wird d Gruppe eso abgränzt:[1]
- zue dr Plessur-Alpe im Nordweschte vu Tüüfakhaschta an dr Landwasser lang bis uf Tafaas
- zue dr Silvretta im Nordoschte vu Tafaas an dr Linie Flüelabach – Flüelapass – Susasca – Susch im Unterengadin
- e churz Stuck vu Susch bis Zernez gränzt an d Sesvenna-Gruppe aa
- im Sidoschte zue dr Livigno-Alpe un dr Bernina-Alpe dur s Oberengadin bis iber dr Malojapass uf Casaccia im eberschte Bergell
- im Sidweschte zue dr Oberhalbsteiner Alpe iber dr Septimerpass ins Oberhalbstein bis Tüüfakhaschta
Wichtigi Gipfel
[ändere | Quälltäxt bearbeite]
| Gipfel | Hechi (Meter) |
|---|---|
| Piz Kesch | 3'418 m ü. M. |
| Piz Calderas | 3'397 m ü. M. |
| Piz Julier | 3'380 m ü. M. |
| Piz d’Err | 3'378 m ü. M. |
| Piz Ela | 3'339 m ü. M. |
| Piz Üertsch | 3'267 m ü. M. |
| Piz Ot | 3'246 m ü. M. |
| Piz Vadret | 3'229 m ü. M. |
| Tinzehorn | 3'173 m ü. M. |
| Piz Lagrev | 3'165 m ü. M. |
| Piz Mitgel | 3'159 m ü. M. |
| Schwarzhorn | 3'146 m ü. M. |
| Chüealphorn | 3'078 m ü. M. |
| Hoch Ducan | 3'063 m ü. M. |
| Piz Nair | 3'057 m ü. M. |
| Piz Forun | 3'052 m ü. M. |
| Älplihorn | 3'006 m ü. M. |
Wasserschaide
[ändere | Quälltäxt bearbeite]Dr Alpehauptkamm verlauft dur d Gruppe im Side vum Septimer- (Rhy-Po) zum Malojapass (Donau-Po). Derzwische lyt dr Pass Lunghin, e Dreifachschaidpunkt, wu d Wasserschaide Rhy-Donau (im Beraich vu däre Gruppe zwische Hinterrhy un Inn) zum Julierpass abzwyge duet. Vu dert uus chunnt s Wasser also zur Nordsee, zum Schwarze Meer un zum Mittelmeer.
Weblink
[ändere | Quälltäxt bearbeite]
Commons: Albula-Alpe – Sammlig vo Multimediadateie- Albula-Alpe bi GeoFinder.ch
- Webcam, bergruf.de
Fueßnote
[ändere | Quälltäxt bearbeite]
|
Dä Artikel basiert uff ere fräie Übersetzig vu dere Version vum Artikel „Albula-Alpen“ vu de dütsche Wikipedia. E Liste vu de Autore un Versione isch do z finde. |