Plassäub
| Plasselb | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Seisa |
| BFS-Nr.: | 2300 |
| Poschtleitzahl: | 1737 |
| Koordinate: | 585710 / 176026 |
| Höchi: | 856 m ü. M. |
| Flächi: | 18.11 km² |
| Iiwohner: | 1038 (31. Dezämber 2022)[1] |
| Website: | www.plasselb.ch |
 ds Dorf Plassälb | |
| Charte | |
 | |
Plassäub (amtlich Plasselb, Fryburger Patois ) isch e Gmiin im Seisabezirk vam Kanton Frybùrg i de Schwyyz.
Geografii
[ändere | Quälltäxt bearbeite]S Dorf Plassäub ligt 11 Kilometer südöschtlech vo dr Kantonshauptstadt Fryburg, am Taal vo dr Ärgera mid em Plassäubschlund. En Deil vom Gmiinsbann isch i de Fryburger Voralpe und goot bis zum Bärg La Berra. Zu Plassäub ghöre d Wiiler und Sidlige Neuhuus, Birchi-Hubu, Spitu-Vorsatz und Muelers. Va de Gmiinflechi si 38,2 % landwirtschaftlichi Flechi, 55,7 % Waud, 3,6 % Sidligsflechi ù 2,5 % schüschtigi Flechi.[2] Nachpuurgmiine va Plassäub si Plaffeie, Val-de-Charmey, La Roche, Le Mouret, St. Silvester ù Giffers.
Gschicht
[ändere | Quälltäxt bearbeite]Dr Ortsname chunt im Joor 1236 s erschte Mol in ere Urkunde vor aus plana silva (das heisst üf Dütsch ebene Wald). Spööter schribt me Plannaseyva (1324), Blanselp (1364), Plasselb (1445) oder Plannasewa (1472).
Sid em 1486i hed Plassäub zu de Alte Landschaft va Fryburg ghört, und sid 1798 isch s e Gmiin vam Kanton Fryburg.
Yywoner
[ändere | Quälltäxt bearbeite]Quela: Bundesamt für Statistik 2005[3]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 327 | 300 | 355 | 394 | 407 | 467 | 509 | 508 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 518 | 560 | 676 | 671 | 648 | 732 | 913 | 980 |
De Uusländeraateel isch 2010 bi 10,7 % gläge.[2]
Religion
[ändere | Quälltäxt bearbeite]81,3 % va de Yywoner si im Jaar 2000 römisch-katholisch gsii, 7,8 % evangelisch-reformiert.[2]
Sprochgeografii
[ändere | Quälltäxt bearbeite]Bi de Vouchszelig 2000 hii va de 980 Yywoner 93,2 % Tüütsch aus Hùùptspraach aaggää, 2,2 % Franzöösisch ù 4,6 % anderi Spraache.[2] Plassälb ghört zum dütschsproochige Deil vom Kanton Fryburg. S Dorf ligt a de Sproochgränze va däm alemannische Tialäkt zum Gebiet vam Frankoprovenzaalische, wa de Fryburger Patois und hüt au Französisch gredt wird.
Weblink
[ändere | Quälltäxt bearbeite]
Commons: Plasselb – Sammlig vo Multimediadateie- Website va de Gmiin Plassäub
- Eveline Seewer: Plasselb. In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
