S Basler Neubad Quardier
| Dialäkt: Baseldütsch |
S Neubad isch e Stadtdeil vo dr Schwiizer Stadt Basel. Es handlet sech um en inoffizielli, aber allgemein bruchti Quardierbezeichnig und het keini offizielle Gränze. Deil drvo si im offizielle Bachlätte und dr Räscht im Gotthälf Quardier. Es lit um e Neuwiilerblatz zwüsche dr Französische Bahn, dr Wanderstrooss und de Gränze zu de Baselbieter Gmeinde Allschwil und Binnige. Dr Stadtdeil isch brägt vom ene hoche Adeil vo Eifamiliereijehüüser und het scho in de 1920er Johr e Näbezäntrumscharakter gha.
Dr Name
[ändere | Quälltäxt bearbeite]Dr Name stammt vom historische Hotel Neubad, wo eigetlig scho uf em Land z Binnige stoht. Scho im 17. Johrhundert het s e wichtigi lokali Bedütig as Bad und as stadtnoochs Usflugsziil gha, au wenn s Bad kei Heilwasser bote het.
|
Dä Artikel basiert uff ere fräie Übersetzig vu dere Version vum Artikel „Neubad_(Basel)“ vu de dütsche Wikipedia. E Liste vu de Autore un Versione isch do z finde. |
