Binningen

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Binningen
Wappe vo Binningen
Basisdate
Staat: Schwiiz
Kanton: Basel-Landschaft (BL)
Bezirk: Arlesheimw
BFS-Nr.: 2765i1f3f4
Poschtleitzahl: 4102
Koordinate: 609643 / 26474247.5333387.566682292Koordinaten: 47° 32′ 0″ N, 7° 34′ 0″ O; CH1903: 609643 / 264742
Höchi: 292 m ü. M.
Flächi: 4.43 km²
Iiwohner: i15'121 (31. Dezämber 2015)[1]
Website: www.binningen.ch
Charte
Dütschland Dütschland Frankriich Kanton Aargau Baselbiet Kanton Solothurn Kanton Solothurn Bezirk Laufe Bezirk Liestal Aesch BL Allschwil Arlise Biel-Bängge Binige Birsfälde Bottmige Ettige Münchestai Muttez Oberwil BL Pfeffige Riinech Schönebuech TherwilCharte vo Binningen
Iber des Bild
ww
Dialäkt: Baaseldütsch

Binnige (offiziell Hochdütsch: Binningen) isch e politischi Gmeind im Bezirk Arlese im Kanton Basel-Landschaft in dr Schwiiz.

Geographii[ändere | Quälltäxt bearbeite]

Binnige lit im Leimedal uf 292 m ü.M. und isch die letzti Gmeind am Fluss Birsig, bevor dä z Basel in Rhii fliesst. Sini Nachbergmeinde si im Süde Bottmige, im Südweste Oberwil, im Weste Allschwil und im Norde und Oste d Stadt Basel. Binnige het en änge Kontakt zur Stadt und isch beliebt as Wohngegend. D Flechi vom Gmeindigebiet bedreit 4.43 km², drvo si 68% Siedlige, 23% Landwirtschaftszone und 9% Wald.

Wappe[ändere | Quälltäxt bearbeite]

Uf eme silbrige Grund isch e schwarze Pfahl mit drei silbrige Stärn

S Gmeindiwappe goht uf s Familiewappe vo dr Basler Familie «vo Binnige», wo vo 1292 bis 1300 bezügt isch, zrugg. Es isch im Jahr 1921 vo dr Gmeind überno worde.

Gschicht[ändere | Quälltäxt bearbeite]

Zwüschen em 11. und em 14. Johrhundert daucht dr Name vo dr Gmeind in verschiidene Variante uf, z.B. as «Binnengin» oder as «Biningin». Im Johr 2004 het Binnige die eltisti Nennig vom Ortsname in ere Urkund us em Johr 1004 mit eme grosse Fest under em Motto: "Botz 1000" gfiirt.

Bevölkerig[ändere | Quälltäxt bearbeite]

33% vo dr Bevölkerig si reformiert und 27% römisch-katholisch. Dr Usländeradeil bedrait 20.4%.

Bevölkerigsentwicklig[2]
Johr 1585 1774 1815 1850 1900 1950 1970 2000
Iiwohner 25 325 627 1’229 5’135 7’846 15’344 13’977
Restaurant Schloss Binnige

Sehnswürdigkeite[ändere | Quälltäxt bearbeite]

  • s Schloss Binnige, en ehemoligs Weiherschloss, wo im 13. Jahrhundert baut worden isch, es ghört dr Iiwohnergmeind und isch sit 1870 e Beiz
  • d Chille zu St. Margarethe uf em Margarethehügel
  • s Holeeschloss vo 1550
  • s Restaurant Neubad, en ehemoligs Badhuus us em Johr 1765
  • s Ortsmuseum
  • d Monteverdi Car Collection, s grösst Schwiizer Autimuseum

Kultur[ändere | Quälltäxt bearbeite]

Sit 1993 verastaltet dr Verein „Comitato - Arte & Cultura Binningen/Bottmingen“ d Kunstusstellig "Arte". Si findet jede Herbst statt und het sich von ere lokale zun ere Usstellig mit internationaler Bedeiligung und themenbezogene Sonderusstellige entwigglet.

Sport[ändere | Quälltäxt bearbeite]

Sport wird in dr Gmeind ganz gross gschriibe. S Hallebad Spiigelfäld isch e Dräffpunggt für Jung und Alt und bietet näben em normale Schwümme zahlriichi anderi Sportmöglichkeite aa. Es git vili Verein für divärsi Sportarte. Dr SC Binnige isch wohrschiinlig dr bekanntist Schuttklub im Leimedal. Dr Handballclub HB Blau Boys Binningen ghört zsämme mit dn Partnerverein us Oberwil und Therwil zu de grösste Verein in dr Nordwestschwiiz. Under em Label HSG Leimedal si die interregionale Team ufgfüehrt. Au d Liichtathletik-Riige Binnige bietet qualitativ hochstehends Training a.

Persönlichkeite[ändere | Quälltäxt bearbeite]

  • Curt Goetz (1888–1960), Schauspiiler, Schriftsteller, Dreihbuechautor und Regisseur; het siiner Autobiographii „Die Memoiren des Peterhans von Binningen“ gsait.
  • Otto Brunner, Schwiizer Kommunist und Bataillonskommandeur im Spanischei Bürgerchrieg, z Binnige uf d Wält cho
  • Otto Abt (1903–1982), Moler, z Binnige uf d Wält cho
  • Peter Monteverdi (1934–1998), Autobauer, z Binnige uf d Wält cho
  • René C. Jäggi (* 1948), Undernähmer, läbt z Binnige
  • Claude Janiak (* 1948), Awalt, Politiker (Sozialdemokratische Partei der Schweiz), Nationalrotspräsident 2006
  • Claude Cueni (* 1956), Schriftsteller, läbt z Binnige
  • Griot, eigetlig Mory Kondé, e Rapper, z Binnige ufgwachse
  • Florian Senn, Musiker und Bandmitglied bi de Lovebugs, z Binnige ufgwachse
  • Thomas Rechberger, Musiker und Bandmitglied bi de Lovebugs, z Binnige ufgwachse

Fuessnote[ändere | Quälltäxt bearbeite]

  1. Statistik Schweiz – STAT-TAB: Ständige und Nichtständige Wohnbevölkerung nach Region, Geschlecht, Nationalität und Alter (Ständige Wohnbevölkerung)
  2. Historisches Lexikon der Schweiz

Weblink[ändere | Quälltäxt bearbeite]

 Commons: Binnige – Sammlig vo Multimediadateie


Information icon.svg Dä Artikel basiert uff ere fräie Übersetzig vum Artikel „Binningen“ vu de dütsche Wikipedia.

E Liste vu de Autore un Versione isch do z finde.