Mundarttage Bad Bellingen
D Mundartdääg Bad Bellinge finde syter anne 2010 all Johr z Bellige am e Wuchenänd im Friejohr statt.
Grindet wore sin d Mundartdäg vu dr Ulrike Ebinger-Zöld (1949-2016). Si het all Johr bekannti Mundartchinschtler us dr Region uf Bellige yyglade, vu Siddytschland, us em Elsass un us dr Schwyz. Wu d Ebinger-Zöld chrank woren isch, sin d Mundartdäg 2016 vu dr Gmai abgsait wore. Noch em Dod vu dr Ebinger-Zöld im Juli 2016 isch s nit sicher gsii, eb des Mundartwuchenänd nomol stattfindet. Im Mai 2017 het d Gmai aber wider e Wuchenänd unter em Titel „Mundarttage“ veraastaltet.
Ufdrätte sin im Lauf vu dr Johr unter anderem d Liliane Bertolini, s Duo Karl David un Martin Lutz, d Ulrike Derndinger un dr Heinz Siebold, dr Uli Führe, Goschehobel, d Colette Greder, d Carola Horstmann, dr Markus Manfred Jung, dr Claude Mesmer, dr Max Mundwiler, dr Stefan Pflaum, dr Martin Schley un dr Ruedi Stuber, aber au jungi Musiker, Schuelklasse, Chinderschuele, Drachtegruppe un Musikschuele. Derzue git s Vordreg, e Gottesdienscht un e Chunschtuusstellig.
Wäg dr Koronavirus-Pandemy het s zwische 2020 un 2022 kaini Mundartdäg gee. Im Johr 2023 het mer derno wider e MundArtTag gmacht.
Termin syt 2010[ändere | Quälltäxt bearbeite]
- 2010: 18. bis 20. Juni: 1. Mundarttage Bad Bellingen
- 2011: 3. bis 5. Juni: 2. Mundarttage Bad Bellingen
- 2012: 15. bis 17. Juni: 3. Mundarttage Bad Bellingen
- 2013: 5. bis 9. Juni: 4. Mundarttage Bad Bellingen
- 2014: 4. bis 8. Juni: 5. Mundarttage Bad Bellingen
- 2015: 12. bis 14. Juni: 6. Mundarttage Bad Bellingen
- 2017: 13./14. Mai: 7. Mundarttage Bad Bellingen
- 2018: 8. bis 10. Juni: 8. Mundarttage Bad Bellingen
- 2019: 11./12. Mai: 9. Mundarttage Bad Bellingen
- 2023: 14. Mai: MundArtTag Bad Bellingen