Uli Führe

Dr Ulrich „Uli“ Führe (* 22. Meerz 1957 z Löörech) isch e dytsche Kumpenischt un Musiker. Z Siidbaade chänt mer en vor allem as alemannische Sänger un Liedermacher.

Lääbe

Dr Uli Führe isch z Haage, z Chränzech, z Löörech, z Fryburg un z Kilchzaarte ufgwagse. Noch em Abituur anne 1978 het er Zivyldienscht glaischtet im hailpedagoogische Chinderhaim Tüllinger Höhe un derno vu 1980 bis 1985 Schuelmusik (Hauptfach Gyyge, Laischtigsfach Gsang) un Popularmusik (Hauptfach Gitarre) z Stuttgart studiert. Anne 1987 het er s Zwait Staatsexaame fir Schuelmusik gmacht.

Är schafft as freie Kurslaiter in dr Beraich Stimmbildig fir Choorlaiter*ne un -sänger*ne, Musikerzieher*ne un Liedpedagaogik fir Erzieher*ne un Leerer*ne.

Vu 1982 bis 1998 het er Leerufdreeg fir Musikpedagoogik z Stuegart, z Fryburg un z Baasel ghaa. Vu 1997 bis 2014 het er an dr Musikhooschschuel Fryburg Improvisation unterriichtet. Im Joor 2014 het er e Brofässuur an dr Musikhoochschuel Robert-Schumann z Düsseldorf ghaa.

Är läbt z Buechebach / Unteribental.

Syter anne 1976 dritt er mit alemannische Lieder uf, vor allem z Bade-Wirttebärg, im Elsass un dr Schwyz. Är dritt ellai uf, zum Dail au im Trio mit em Michael Summ – Keyboard un dr Monika Ecker – Cello. Är schrybt aigeni, vylmol ironischi Lieder, het aber au scho Gediicht vu alemannische Dialäktautoore vertoont, zem Byschpel vum Markus Manfred Jung, em Manfred Marquardt un em Johann Peter Hebel.

Anne 1983 het er iber syni Lieder gsait:

„Angeregt wurde ich durch irische und bretonische Liedersänger, die in ihrer eigenen Sprache (im Dialekt) sangen. Das gab es in Baden in diesem Rahmen nicht. An unsere überlieferten Lieder wollte ich mit eigenen Texten anknüpfen und heutige Sicht ausdrücken, und das in der Mundart. Hier ist für mich die Verbindung von Herz, Kopf und Mund am innigsten ausgeprägt. Mit Humor und Ernst, mit leisen, feinen Tönen und lautem, derbem Gezeter, mit politischer Meinung und privaten Ansichten möchte ich so recht ein Bild unserer Wesensart und meiner eigenen Person malen.“

– Jung 1983

Im Wettbewärb „aktion junge mundart“ vum „Alemannische Gesprächskreis im Regierungspräsidium Freiburg“ anne 1976 het er en erschte Bryys fir syni Lieder iberchuu. Anne 1987 het er e Chlaichunschtbryys vum Land Bade-Wirttebäärg iberchuu, 1996 d Hebelplakette vu dr Stadt Singen, 2007 e Jooresbryys vu dr dytsche Schallplattekritik, 2010 dr Hebeldank un 2016 d Johann-Peter-Hebel-Plakette.

Vu 1987 bis 1999 het er as freie Autor fir dr SWF bzw. dr SWR gschafft, unter anderem as „Ernst Hirnholzer“, speeter as „Hubertus Mooskopf“. Är isch Mitgliid vum Fryburger Rundfunkkabarett gsii.

Dr Führe spiilt syt vyl Joor au in Band. Anne 1976 het er d Folkgruppe Kum Geselle Min grindet mit em Bernd Siegele un dr Beate Wohlleber, wu Lieder vum Mittelalter iber historischi Mundartlieder bis zue neie dytschsproochige Lieder gsunge het.

Vu 1982 bis 1985 isch er Mitgliid im Ensemble Musicantica Viva gsii (Susanne Peter – Blockfleete; Jochen Woll – Tenor; Carmen Ehinger – Taschteinschtrumänt; Uli Führe – Bariton, Gambe un Lut), wu si in dr Hauptsach uf dr Friebarock kunzäntriert het. Nääbe Programm mit Schütz, Schein un Scheidt het s Ensemble au fir e SWF-Produzioon d Neikumpesizioon vu s Uli Führes A98 no Täxt vum Johannes Kaiser gspiilt.

Anne 1985 het er s Ensemble Trisam grindet, wu vor allem Folk un alti Musik gspiilt het, aber au Kumpesizioone vum Uli Führe. Mitgliider sin gsii: Susanne Peter – Blockfleete; Ulrike Winkler – Gyyge, Blockfleete; Ro Kuijpers – Percussion; Armin Bereuter – Gambe, Bass; Uli Führe – Gsang, Gitarre, Gyyge, Harpfe, Gambe, Dulcimer.

Iber sy umfangryych Wäärch het dr Markus Manfred Jung in dr Laudatio zue dr Verleijig vu dr Johann-Peter-Hebel-Plakette 2016 gsait:

„Wie schafft de Ma des alles, frooge si sich e bizzi verschrocke über die gwaltigi Kreativität. Sag mer s emool eso. Wenn er öbbis macht, däno goht er de Sach uf de Grund, iine in s Wese, in s Wesentlichi. Un macht denn genau des, was nötig isch, um des Wese uusezhole, un numme des. Un däzue in re große Ernschthaftigkeit un mim e Füür, wo mer sich dra wärme cha, we mer mit em zämme schaffe darf. Er spart sich die große Umweg un Ablenkige im Lebe. Weli des sin, wüsse mir jo alli selber ganz guet. Er zieht sich gern zruck, vor allem, wenn er sich intensiv uf d Mensche iiglo hät bi de Arbet. Er goht ällei in d Natur, suecht si Waldläuferkatharsis, wien er s selber nennt. S Schaffe isch für ihn nit s Schaffe für e Lohn oder Ghalt, - un mänkmool spürt er des au dütlich am eigne Geldbüttel -, sondern e Schaffe für en eigni Idee, für öbbis, wo in em mudret oder singt, murrt oder jublet. De Uli Führe isch kei Mensch für de mainstream, kei Mensch für de Hauptstrom, er grabt sich siini eigne Bäch, Flüss un Ström, als Komponischt un nit zletscht au unbeirrt in de alemannische Mund-Art. Er denkt siini Sache nit vo de Wirkung her, sondern vo de Absicht, vo de innre Notwendigkeit. De Uli Führe isch kei Mensch für de small talk, aber ein für die große, tiefe Gschprööch, über d Kunscht, d Kultur, s Lebe, de Mensch. Er isch e tiefe Noochdenker, e iifüehlsame, treue, sensible Mitdenker voller Mitgfüehl, un e gwaltig kreative Vorusdenker.“

– Markus Manfred Jung, Huuse, 7. Mai 2016

Dr Führe isch ghyroote gsii mit dr Susanne Peter, si hän zäme zwai Chinder, e Doochter un e Suun. Mittlerwyli sin dr Führe un d Peter gschiide.

Wäärch

Note fir Choor

1989 Hallo Django / Jazzkanons mit W. Rizzi, Heft und MC, Fidula-Verlag
1992 Swing & Latin, mit W. Rizzi und Joachim Fischer, Heft und CD, Fidula- Verlag
1997 Celtic Folksongs, Chorsätze für SSA, SATB, Helbling Kanonhefte
1997 Er und Sie, Jazzige Madrigale nach Texten v. R. Gernhardt, SATB, Fidula
1998 Lieder für Zeitgenossen, Chorsätze nach Texten von Mascha Kaléko, Helbling
2000 The Lady of Riga, Kanons und Chorsätze, Fidula Verlag
2003 Ukulala, Chorlieder für Sopran, Alt, Männer, Fidula Verlag
2004 Alesimada, 22 neue Jazz-Kanons, Fidula Verlag
2004 Bye Bye Love, für Sopran, Alt, Männer; Chor in der Schule; Klett Verlag
2006 Der Männer – Boogie – Blues, Chorlieder für vierstimmigen Männerchor, Carus Verlag
2006 Der Mond ist eine Frau, Chorlieder für 3-4-stimmigen Frauenchor, Carus Verlag
2008 Flüsse wie du, eine Popchorkantate für SAM, Carus Verlag
2008 Summa Summarum, 17 Chorlieder für gemischten Chor, Fidula, Verlag
2009 Du schaffst Licht, ein geistliches Chorheft für SAM, Helbling Verlag
2009 Hie und da, ein Chorliederbuch für SAM, Fidula Verlag
2010 4 Volkslieder, Frauenchor SS(A)A, Carus Verlag
2010 Aber ich weiß, Frauenchor SAA und Klavier, Text: Rose Ausländer, Carus Verlag
2010 Ich zähl die Stunden, für SATB, Sonette: Shakespeare/Biermann, Carus Verlag
2010 Nachts auf dem Sternenfeld, Frauenchor SSAA u. Klavier, T.: Führe, Carus Verlag
2010 Singet dem Herrn, 7 Psalmvertonungen für SATB und SAAB, Helbling Verlag
2010 So weit der Himmel ist, 8 Psalmvertonungen für SATB und SAAB, Helbling Verlag
2010 Wenns uns gut geht, 21 neue Jazz-Kanons, Fidula Verlag
2012 Nach den Menschen mach ich Affen, Heine – Chorlieder SATB, Fidula Verlag
2013 Dank sei dir Vater, kanonische Motette, SATB, Carus Verlag
2013 Psalm 150, Motette, SAM, Verlag St. Barbara
2013 Süßer Mond, Chorlieder für 3-4-stimmigen Frauenchor, Fidula Verlag
2015 My trembling heart, Chorlieder für gemischten Chor, Fidula-Verlag
2015 Warum soll ich das tun? Weihnachtssingspiel für SATB
2017 Frag einmal die Philosophen, Jazz-Kanons, Fidula-Verlag
2018 Kauf dir einen bunten Luftballon, Schlager der 20er- und 30er-Jahre, Bosse Verlag
2018 Schöpf Wasser des Lebens, Pfingstkantate SATB, Selbstverlag
2018 Tango Animato, Chorlieder für vierstimmigen Männerchor, Verlag Ferrimontana

Stimmbildig

1999 Stimmicals 1, Spaß beim Einsingen, Fidula
2001 Stimmicals 2, Spaß beim Einsingen, Fidula

Note / CD fir Chinder-/Juugedchoor

1992 Mammon und Fantasie, Schultheaterstück mit Jörg Ehni, Klett
1994 Der Bär auf dem Försterball, Schultheaterstück mit Jörg Ehni, Klett
2001 Am Himmel geht ein Fenster auf, Weihnachtsmusical für Kinderchor & Klavier
2006 Die Birkennase & Die tollen Trolle, 2 Minimusicals für Grundschule, Fidula Verlag
2006 Die Made, 8 Kinderchorlieder nach Heinz Erhardt mit Klavier, Fidula Verlag
2008 Die Moorgespenster, Sprechchöre für Kinder, Fidula Verlag
2008 Die Moorgespenster, Sprechchöre für Kinderchor, Fidula Verlag
2008 Ein Kind und ein König, Weihnachtsmusical, Fidula Verlag
2008 Frostianer und Frühlingsbote, eine Kinderchorliedergeschichte, Fidula Verlag
2008 Gilgamesh, Musical für Kinder, Carus Verlag
2008 Wunderhund, Elefant, Mause Klaus, Minimusicals für Kinder, Carus Verlag
2009 Der Elemaushund, 3 Kindermusicals, Text Jörg Ehni, Carus Verlag
2009 Die Heinzelmännchen, Chorliedergeschichte für Kinderchor, Carus Verlag
2009 Die Klassenfahrt zum Mond, ein Kindermusical, Fidula Verlag
2009 Horri / Das Monsterhaus, Kindermusical, Fidula Verlag
2010 Der Weihnachtsgast, ein Weihnachts-Musical, Helbling Verlag
2010 Die Siebenschläfer, ein Frühlings-Musical, Helbling Verlag
2010 Luzi hat was gegen Weihnacht, ein Musical, Text: Jörg Ehni, Fidula Verlag
2011 Die Grille und die Ameise, ein Herbst-Musical, Helbling Verlag
2011 Die Schule ist aus, ein Sommer-Musical, Helbling Verlag
2011 Randolfo und der eine Ton, Text: Babette Dieterich, Fidula Verlag
2012 Die goldene Gans, ein Märchenmusical, Helbling Verlag
2012 Don Quichotte, Jugendmusical, Text: Jörg Ehni, Carus Verlag
2012 Hans im Glück, ein Chormärchen, Fidula Verlag
2014 Jorinde und Joringel, ein märchenhaftes Musical, Helbling Verlag
2015 Das tapfere Schneiderlein, ein märchenhaftes Musical, Helbling Verlag
2016 Der gestiefelte Kater, ein märchenhaftes Musical, Helbling Verlag
2016 Wenn einer fragt, Das Luther-Musical, Carus-Verlag
2018 Sterntaler, ein Märchenhaftes Musical, Helbling Verlag
2019 Der Drachenkämpfer, ein Kindermusical, Fidula-Verlag
2020 Anton träumt sich gesung. Kindermusical
2020 Mensch, ich spinn, e Umweltmusical

Lieder fir Chinder

2016 Toll-Platsch, 22 Lieder nach Texten von Erwin Grosche, Fidula Verlag
2014 Äffchen Bob, Lieder für Kinder, Fidula Verlag
2007 Feuerzutz und Luftikant, Lieder für Kinder, Fidula Verlag
2002 Kroko Tarrap, 33 Zirkuslieder für Kinder, Fidula Verlag
1999 Mikado, Liederbuch für die Grundschule mit weiteren Autoren, Klett Verlag
1996 Mobo Djudju, 33 Lieder für Kinder, Fidula Verlag

CD mit alemannische Lieder un Lyrik

1980 I will nit, LP mit Bernd Siegele, alemannischi Liäder
1982 Chrutt unter der Huut, LP, alemannischi Liäder.
1984 D’Gränze chasch vergesse, LP mit dr Susanne Peter, alemannischi Liäder,
1986 Arie Nr. 9, MC
1992 Chlungi Halunki CD, Liederbestenliste des SWR
1993 Der schwangere Ratsherr. Schauenburg-Verlag Lahr
1997 D’Staumacher, zäme mit em Martin Schley
1998 D’Fledermus, zäme mit em Michael Summ.
2006 Ikarus, 22 Texte nach M. M. Jung. Ein alemannischer Zyklus
2009 Himmel us Stei. Alemannische CD mit 18 Liedern
2010 Splitter Sprooch Spiegel, alemannische Lyrik (M.M.Jung) und Musik
2012 Dank Hebel, alemannische Lieder nach Hebeltexten
2012 Woni gang und stand, ein grenzüberschreitendes al. Liederbuch mit Stefan Pflaum, Braun Verlag Karlsruhe
2015 drill di, Texte: W. Wurth, Drey-Verlag, Gutach
2015 fedreliicht, Texte: M.M.Jung, Drey-Verlag, Gutach
2018 Muul uf, 20 alemannische Lieder, Selbst-Verlag
2019 Wenn i e Rebstock wär, Markus Manfred Jung Texte, Uli Führe Musik
2020 Unter mine Fiäß, Carola Horstmann Texte, Uli Führe Musik

Trisam/Instrumental CD

1997 Mondstein, Spirit of Folk
2000 Wie ein vorbeiziehender Fluss, Spirit of Folk
2001 Zeitlose Freude CD Barockmusik für Meditation des Tanzes
2004 Tanzhaus, Folkloretanzmusik, Fidula Verlag
2007 Verwandlung, Spirit of Folk, Rondo

Inschtrumäntalnote

2017 Jazzy Pieces II, leichte Klavierstücke, Helbling Verlag
2016 Piano Map, 10 leichte Klavierstücke, Helbling Verlag
2016 Jazzy Pieces, leichte Klavierstücke, Helbling Verlag
2015 Tastenlabor, Improvisationsschule für Klavier, mit DVD, Helbling Verlag
2002 Sally’s Songs, 12 Blockflötentrios für S,S/A,A, Fidula Verlag
1991 Oh Susanna, 3-5 stimmige Sätze für Folkloretänze, Fidula Verlag

Heerspiil fir Chinder

vum Uli Führe, em Hugo Rendler un em Michael Summ

2008 3. Guggu, Ina’s Geburtstag, KinderMusikHörSpiel; Fidula Verlag
2007 2. Guggu in der Stadt, KinderMusikHörSpiel; Fidula Verlag
2007 1. Guggu und das Schnuppertuch, KinderMusikHörSpiel; Fidula Verlag

Gediicht in Anthologie

D Hailiecher, 1987
Alemannische Gedichte von Hebel bis heute, 1989
weleweg selleweg, 1996
Grenzelos
I mog di mog di mig di, 2009

Eerige

1976: Bryys vum Regierigsbresidium Fryburg
1986: Chlaichunschtbryys vum Land Baade-Wirttebäärg
1999: Johann-Peter-Hebel-Medaille, Singe
2010: Hebeldank vum Hebelbund Löörech
2016: Hebelplakette, Huuse
2017: Alemannering vum Obermarkgräfler Chorverband

Weblink

Commons: Uli Führe – Sammlig vo Multimediadateie

Websyte vum Uli Führe
dr Uli Führe uf dr Websyte vu dr Muettersproch-Gsellschaft
dr Uli Führe uf LEO-BW.de
dr Uli Führe uf autoren-bw.de
Künstlerinnen & Künstler uf dr Websyte vum Projäkt „Mundart in der Schule“
Markus Manfred Jung: Laudatio für Uli Führe zur Überreichung der Hebel-Plakette am 7. Mai 2016 in Hausen im Wiesental