Morcote

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Morcote
Wappe vo Morcote
Basisdate
Staat: Schwiiz
Kanton: Tessin (TI)
Bezirk: Luganow
Kreis: Carona
BFS-Nr.: 5203i1f3f4
Poschtleitzahl: 6922
Koordinate: 714607 / 87012Koordinate: 45° 55′ 30″ N, 8° 54′ 58″ O; CH1903: 714607 / 87012
Höchi: 272 m ü. M.
Flächi: 2.8 km²
Iiwohner: 723 (31. Dezämber 2018)[1]
Website: www.morcote.ch
Morcote

Morcote

Charte
Charte vo Morcote
w

Morcote (lombardisch Murcò, dytsch veraltet Marchon) isch e Gmai im Kanton Tessin in dr Schwyz. Si ghert zum Chrais (circolo) Carona im Bezirk Lugano.

Geografi[ändere | Quälltäxt bearbeite]

Morcote lyt zeh Kilometer sidweschtlig vu Lugano am Luganersee vis-à-vis vum italienische Porto Ceresio, am Fueß vum 822 Meter hoche Monte Arbòstora. Nochbergmaine sin Brusino Arsizio, Lugano, Vico Morcote un di italienische Gmaine Brusimpiano un Porto Ceresio.

Gschicht[ändere | Quälltäxt bearbeite]

Morcote isch zum erschte Mol anne 926 as Murcao (1353 Murchoe, 1453 Murchote) gnännt wore. Im Hochmittelalter und bis wyt is 19. Johrhundert ine isch es e wichtigs Ort fir d Schiffahrt un d Fischerei gsi, und vo syre Burg us hed mr dr Verchehr uf em See yberwacht. Noch em Pestjohr 1432 hän z Morcote nume no siibe Familie gläbt. 1517 isch es an di Alt Aidgnosseschaft chu. Zue dr Gmai het bis 1588 au Vico Morcote ghert un vu 1803 au 16 Carabietta. Bi me Ärdrutsch anne 1862 sin siibe Hyyser im See versunke. Hitte läbt Morcote vum Fremdeverchehr.

Verwaltig[ändere | Quälltäxt bearbeite]

Dr Burgermaischter (Sindaco) vu Morcote isch dr Fausto Bizzini.

Bevelkerigsentwicklig[ändere | Quälltäxt bearbeite]

Quälle: Bundesamt für Statistik 2005[2]

Johr 1850 1860 1870 1880 1888 1900 1910 1920
Yywohner 481 493 461 542 524 515 535 513
Johr 1930 1941 1950 1960 1970 1980 1990 2000
Yywohner 493 513 593 597 553 604 700 754

Dialekt[ändere | Quälltäxt bearbeite]

Dr lombardisch Dialäkt vu Morcote ghert zum Comasco-Lecchese.

Böuwärch[ändere | Quälltäxt bearbeite]

  • Bfaarchilche S. Maria del Sasso /(13. Jh., 1462 nei böue, 1758 umböue)
  • Bättkapäll S. Antonio Abate (vor 1591 gweit)
  • Kapäll S. Antonio da Padova (1676)
  • Monumentalfridhof (1750)

Lyt[ändere | Quälltäxt bearbeite]

  • Domenico Rossi (1657–1737), Architekt z Venedig
  • Gaspare Fossati (1809–1883), Architekt
  • Gerhard Winkler (1906–1977), dytsche Schlagerkomponischt (Capri-Fischer), hät e Villa z Morcote als Summerresidänz gha
  • Richard Winkler (1898–1972), dytsche Induschtrielle, hät e Feriehus z Morcote gah
  • Giorgio Massari (1687–1766), Architekt vu Venedig
  • Peter Alexander (1926–2011), öeschtrychische Sänger, Schauspiler un Showmaster, hät e Feriehus z Morcote gha
  • Eugen d’Albert (1864–1932), dytscher Komponischt un Pianischt, isch uf em Fridhof vo Morcote begrabe

Literatur[ändere | Quälltäxt bearbeite]

  • Virgilio Gilardoni: Il Romanico. Catalogo dei monumenti nella Repubblica e Cantone del Ticino. La Vesconta, Casagrande S.A., Bellinzona 1967, S. 319, 437–438, 582.
  • Kunstführer durch die Schweiz. Vollständig neu bearb. Ausgabe. Hrsg. von der Gesellschaft für Schweizerische Kunstgeschichte. Band 2. GSK, Bern 2005, ISBN 3-906131-96-3, S. 750–754.
  • Simona Martinoli und andere: Guida d’arte della Svizzera italiana. Edizioni Casagrande, Bellinzona 2007.
  • Giuseppe Negro: Morcote. In: Historisches Lexikon vo dr Schwiiz.
  • Adolf K. Placzek: Macmillan Encyclopedia of Architects. 1982, S. 613–614.
  • Celestino Trezzini: Morcote. In: Historisch-Biographisches Lexikon der Schweiz, Band 5: Monopole – Neuenkirch. Attinger, Neuenburg 1921, S. 159.

Weblink[ändere | Quälltäxt bearbeite]

 Commons: Morcote – Sammlig vo Multimediadateie

Fueßnote[ändere | Quälltäxt bearbeite]

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 31. August 2019, abgruefen am 22. Dezember 2019.
  2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)