Peter Tschentscher

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Peter Tschentscher, 2018

Dr Peter Tschentscher (* 20. Jänner 1966 z Bremen) isch e dytsche Dokter un Bolitiker (SPD) un syt em 28. Meerz 2018 Eerschte Buurgermaischter vu dr Freien un Hansestadt Hamburg. Vu Oktober 2018 bis Septämber 2019 isch er in däre Funkzioon turnusgmääß Vorsitzer vu dr Minischterbresidäntekumferänz gsii.[1] Vu Meerz 2011 bis Meerz 2018 isch er Finanzsenaator unter em Olaf Scholz gsii.[2]

Häärchumft, Uusbildig un Beruef, Privaats[ändere | Quälltäxt bearbeite]

Dr Tschentscher isch as zweete vu vier Siin vun eme Holzchaufmann un ere Schnyydermaischteri z Bremen uf d Wält chuu. Anne 1985 het er sy Abituur am Gimnasium Eversten z Oldenburg gmacht un derno sy Ziviildienscht im Rettigsdienscht z Wittmund (Oschtfriisland) glaischtet. An dr Universiteet Hamburg het er Humaanmediziin studiert un derno ne Ufböustudium in Molekulaarbiology. Anne 1990 isch dr Tschentscher Stipendiaat vu dr Friedrich-Ebert-Stiftig woore. 1994 het er sy Stuudium mit eme Staatsexaame in Mediziin abgschlosse, 1995 isch er mit ere Aarbet zur „Immunchemische Unterscheidung hochhomologer Proteinstrukturen am Beispiel der Schwangerschaft-spezifischen Glykoproteine“ zum Doktor vu dr Mediziin promoviert woore.

Vu 1994 bis 2006 het dr Tschentscher as Assischtänzdokter in dr Beryych Laboratooriumsmediziin Inneri Mediziin, Transfusioonsmediziin un Mediziinischi Mikrobiology gschafft. Anne 2003 isch er as Kliinische Cheemiker un 2006 as Fachdokter fir Laboratooriumsmediizin anerkänt woore. 2008 het er si an dr Mediziinische Fakulteet vu dr Universitet Hamburg habilitiert un d Venia legendi as Privaatdozänt fir s Fach Kliinischi Chemy un Laboratooriumsmediizin iberchuu. Am 14. Novämber 2008 het er sy Aadrittsvoorlääsig am Universiteetsklinikum Hamburg-Eppendorf (UKE) ghalte. Vu 2008 bis zue syre Beruefig als Senaatoor im Meerz 2011 het er as Ooberdokter im Zäntrum fir Diagnoschtik vum UKE gschafft.

Dr Peter Tschentscher isch evangeelisch, ghyroote un het e Suun. Sy Frau isch kadoolisch.[3]

Bolitik[ändere | Quälltäxt bearbeite]

Bartei- un Kommunalbolitiker[ändere | Quälltäxt bearbeite]

Dr Tschentscher isch syter anne 1989 Mitgliid vu dr SPD un isch vu 2007 bis 2018 Vorsitzer vum SPD-Chraisverband Hamburg-Nord gsii, ain vu syne Voorgänger deert isch dr Helmut Schmidt gsii.[4][5] Vu 1991 bis 2008 isch er Mitgliid in dr Bezirksversammlig Hamburg-Nord gsii un ab 1999 Vorsitzer vu dr SPD-Frakzioon. Deert isch er unter anderem im Huushalts- un Wiírtschaftsuusschuss un im Juugedhilfuusschuss gsii.[6]

Mitgliid vu dr Hamburgische Buurgerschaft (2008 bis 2011)[ändere | Quälltäxt bearbeite]

Im Februar 2008 isch er bi dr Buurgerschaftswahl iber d Landeslischt vu dr SPD in di Hamburgisch Buurgerschaft yyzooge. Innerhalb vu dr Buurgerschaft isch er Mitgliid im Huushaltsuusschuss un Fachsprächer fir Huushaltsfrooge vu syre Frakzioon gsii.[7] Derzue het er as ain vu drei stellverdrättende SPD-Frakzioonsvorsitzer amtiert.

Am 12. Mai 2010 isch dr Tschentscher as Vorsitzer vum Barlamäntarische Untersuechigsuusschuss „Elbphilharmonie“ yygsetzt woore un het dooderzue sy Mitgliidschaft im Untersuechigsuusschuss HSH-Nordbank ufgee.[8]

Finanzsenaatoor (2011 bis 2018)[ändere | Quälltäxt bearbeite]

Am 23. Meerz 2011 isch er zum Finanzsenaatoor vu dr Freien un Hansestadt Hamburg ernännt woore un vu dr Buurgerschaft bsteetigt woore.[9] Sy Buurgerschaftsmandat ruet syterhäär no Artikel 39 vu dr Verfassig dr Freien un Hansestadt Hamburg. Au no dr Buurgerschaftswaal 2015 isch er as Senaatoor un Präses vu dr Finanzbeheerde im Amt bliibe.

Eerschte Buurgermaischter (syt 28. Meerz 2018)[ändere | Quälltäxt bearbeite]

Am 10. Meerz 2018 het iin dr SPD-Landesvorstand as Noofolger vum Olaf Scholz im Amt vum Eerschte Buurgermaischter voorgschlaa, wu as Bundesfinanzminischter in d Bundesregierig unter dr Chanzleri Angela Merkel gwächslet isch. Uf em usseroordelige Landesbarteidaag vu dr SPD Hamburg am 24. Meerz 2018 isch er vu dr Delegierte mit 95,2 % vu dr Stimme as Kandidaat zur Wael vum Eerschte Buurgermaischter nominiert woore.[10][11] Är isch am 28. Meerz 2018 mit 71 vu 121 Stimme dur di Hamburgisch Buurgerschaft gweelt woore.[12]

Schrifte[ändere | Quälltäxt bearbeite]

  • Peter Tschentscher: Reformmodell der Finanzministerkonferenz führt zu extremen Grundsteuerbewertungen und übermäßigen Belastungen in Metropolregionen. In: ifo schnelldienst. 18/2016, München
  • Peter Tschentscher: Immunchemische Unterscheidung hochhomologer Proteinstrukturen am Beispiel der Schwangerschaft-spezifischen Glykoproteine. Dissertation. Hamburg 1994.
  • P. Tschentscher, C. Wagener, M. Neumaier: Distinction of highly homologous pregnancy-specific glycoprotein (PSG) isoforms by differential absorption of antisera with recombinant PSG fusion protein domains. In: Journal of Immunological Methods. 170(2), 1994, S. 247–254.
  • P. Tschentscher, C. Wagener, M. Neumaier: Sensitive and specific cytokeratin 18 reverse transcription-polymerase chain reaction that excludes amplification of processed pseudogenes from contaminating genomic DNA. In: Clinical Chemistry. 43(12), 1997, S. 2244–2250.
  • C. Wagener, M. Neumaier, P. Tschentscher: Patentschrift: Verfahren zum Nachweis von Cytokeratinen. Deutsches Patentamt 1998. DE19716346 C 19981119.
  • P. Nollau, C. Fischer, P. Tschentscher, C. Wagener: Enrichment of mutant alleles by chromatographic removal of wild type alleles: a new principle for the detection of alleles with unknown point mutations at excess of wild type alleles. In: Clinical Chemistry and Laboratory Medicine. 37(9), 1999, S. 877–881.
  • P. Tschentscher, C. Heeschen, C. Hamm, C. Wagener: High background levels compromise the use of cardiac troponin I RNA detection in peripheral blood as a diagnostic tool in cardiology. In: International Journal of Clinical and Laboratory Research. 30(1), 2000, S. 13–15.
  • C. Fischer, J. Büthe, P. Nollau, S. Hollerbach, K. Schulmann, W. Schmiegel, C. Wagener, P. Tschentscher: Enrichment of mutant KRAS alleles in pancreatic juice by subtractive iterative polymerase chain reaction. In: Laboratory Investigation 81(6), 2001, S. 827–831.
  • S. Spethmann, C. Fischer, C. Wagener, T. Streichert, P. Tschentscher: Nucleic acids from intact epithelial cells as a target for stool-based molecular diagnosis of colorectal cancer. In: International Journal of Molecular Medicine. 13(3), 2004, S. 451–454.
  • P. Tschentscher, C. Wagener: Kolorektales Karzinom: Frühdiagnose durch Nachweis von Tumor-DNA im Stuhl. In: Deutsches Ärzteblatt. 103(10), 2006, S. A 623-628.
  • F. Klebig, C. Fischer, S. Petri, H. Gerull, C. Wagener, P. Tschentscher: Limitations in molecular detection of lymph node micrometastasis from colorectal cancer. In: Diagnostic Molecular Pathology. 16(2), 2007, S. 91–95.
  • Peter Tschentscher: Molekulare Diagnostik zur Früherkennung von Tumorerkrankungen – Nachweis tumorspezifischer Nukleinsäuren am Beispiel des kolorektalen Karzinoms. Habilitationsschrift. Hamburg 2008.

Weblink[ändere | Quälltäxt bearbeite]

 Commons: Peter Tschentscher – Sammlig vo Multimediadateie

Fueßnote[ändere | Quälltäxt bearbeite]

  1. Hamburg übernimmt Vorsitz der Ministerpräsidentenkonferenz. Abgerufen am 17. Mai 2019.
  2. Jetzt live: Hamburg hat einen neuen Bürgermeister. In: NDR.de. Abgerufen am 28. März 2018.
  3. Weihnachts-Erinnerungen: „Die Berliner von Oma habe ich geliebt“ uf bild.de, abgruefen am 16. Februar 2020.
  4. Andreas Dey: Peter Tschentscher: Der Aufklärer. Abgerufen am 19. April 2018.
  5. Jens Meyer-Wellmann: SPD Hamburg-Nord wird jetzt von einem Ehepaar geführt. Abgerufen am 23. Juli 2018.
  6. http://www.spd-fraktion-hamburg.de/no_cache/wir-ueber-uns/abgeordnete/hamburg/g/128.html (Memento vom 7. Augschte 2010 im Internet Archive)Vorlage:Webarchiv/Wartung/Linktext_fehlt
  7. http://www.spd-fraktion-hamburg.de/no_cache/wir-ueber-uns/abgeordnete/hamburg/g/128.html (Memento vom 7. Augschte 2010 im Internet Archive)Vorlage:Webarchiv/Wartung/Linktext_fehlt
  8. dpa/lno: Elbphilharmonie-Ausschuss nimmt Arbeit auf. In: Die Welt. 12. Mai 2010, abgerufen am 15. Mai 2010.
  9. Mäldig uf NDR 90.3 am 23. Meerz 2011.
  10. Hamburger SPD kürt Leonhard und Tschentscher. Abgerufen am 23. Juli 2018.
  11. Marco Carini un Katja Kutter: Der Einwechselspieler. In: taz nord. 10. Meerz 2018, S. 44.
  12. Tschentscher zum neuen Bürgermeister gewählt. In: faz.net. 28. März 2018, abgerufen am 18. März 2018.


Information icon.svg Dä Artikel basiert uff ere fräie Übersetzig vu dere Version vum Artikel „Peter_Tschentscher“ vu de dütsche Wikipedia. E Liste vu de Autore un Versione isch do z finde.