Erwin Sellering

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Erwin Sellering (2013)
Erwin Sellering (2011)

Dr Erwin Sellering (* 18. Oktober 1949 z Sprockhövel, Nordrhy-Weschtfale) isch e dytsche Bolitiker (SPD) un syt em 6. Oktober 2008 Minischterbresidänt vu Mecklenburg-Vorpommern. Dodervor isch er syt 2006 Sozialminischter un vu 2000 bis 2006 Justizminischter vum Land gsii.

Am 30. Mai 2017 het dr Sellering sy Ruggdritt vu allne bolitische Ämter us gsundhaitlige Grind aagchindet.[1]

Läbe un Beruef[ändere | Quälltäxt bearbeite]

Dr Sellering chunnt us eme broteschtantisch-konservative Elterehuus; syy Vater isch Presbyter gsii un as langjehrig Mitglid vu dr CDU kommunalbolitisch engagiert.

Noch em Abitur am Gymnasium Waldstraße z Hattingen het dr Sellering e Studium vu dr Rächtswisseschafte an dr Ruprecht-Karls-Universität Heidelberg, dr Ruhr-Universität Bochum un dr Westfälische Wilhelms-Universität Münster absolviert, wun er 1975 mit em erschte juristische Staatsexame abschlosse het. Noch em Referendariat het er 1978 di zwoot juristisch Staatsbriefig bstande un isch no im nämlige Johr zum Richter uf Prob ernännt wore. Anne 1981 isch er zum Richter am Verwaltigsgricht Gelsenkirchen ernännt wore. Im Johr 1994 isch dr Sellering vorsitzende Richter am Verwaltigsgricht Greifswald wore. Vum Jänner bis Novämber 1996 isch er as wisseschaftlige Mitarbaiter an dr zweet barlementarisch Untersuechigsuusschuss vum Landdag Mecklenburg-Vorpommern abgordnet wore. Im Dezämber 1996 isch er schließli zum Vizebresidänt vum Verwaltigsgricht Greifswald ernännt wore.

Vum 10. Novämber 1998 bis 30. Juni 2000 isch er as Abdailigslaiter in d Staatskanzlei vum Land Mecklenburg-Vorpommern abgordnet wore.

Dr Erwin Sellering het anne 2010 s zwait Mol ghyrote, d Volkswirti Britta Braun. Är het mit ihre ne Chind. Us dr erschte Eh mit dr Antje Heinrich-Sellering sin zwai Chinder fiirigange.

Bolitischi Karriere[ändere | Quälltäxt bearbeite]

Bartei[ändere | Quälltäxt bearbeite]

Syter anne 1994 isch dr Sellering Mitglid vu dr SPD. Syt 1996 ghert er em SPD-Landesvorstand z Mecklenburg-Vorpommern aa un isch syt 2003 stellvertretende SPD-Landesvorsitzende gsii. Am 14. April 2007 isch er zum Vorsitzende vum Landesverband gwehlt wore. Dodervor isch dr Sellering Vorsitzende vum SPD-Chraisverband Greifswald un dr SPD-Regionalgruppe Vorpommern gsii.

Abgordnete[ändere | Quälltäxt bearbeite]

Syt 2002 isch er Mitglid vum Landdag vu Mecklenburg-Vorpommern. Är isch anne 2002 as diräkt gwehlter Abgordnete vum Wahlchrais Greifswald un 2006 iber d Landeslischt in dr Landdag yyzoge.

Effetligi Ämter[ändere | Quälltäxt bearbeite]

Am 20. Septämber 2000 isch dr Sellering as Justizminischter in d Landesregierig vu Mecklenburg-Vorpommern, wu vum Minischterbresidänt Harald Ringstorff gfiert woren isch, beruefe wore. No dr Landdagswahl 2006 het dr Ringstorff ihm am 7. Novämber 2006 d Laitig vum Minischterium fir Soziales un Gsundhait iberdrait.

Am 6. Oktober 2008 isch dr Sellering in s Amt vum Minischterbresidänt gwehlt wore as Noofolger vum Ringstorff, wu dää zruckdrätten isch. Bi dr Abstimmig im Landdag vu Mecklenburg-Vorpommern het er 40 vu 45 meglige Stimme vu dr Koalitionspartner SPD un CDU iberchuu. Bi dr Landdagswahl 2011 het d SPD dytligi Stimmegwinn verbuecht un isch mit 35,6 Prozänt wider sterkschti Bartei wore. Am 25. Oktober 2011 isch dr Sellering mit 42 von 70 Stimme im Amt bstetigt wore. No dr Landdagswahl 2016 isch er am 1. Novämber 2016 wurde er mit 41 vu 71 Stimme im Amt bstetigt wore.

Plattdytsch[ändere | Quälltäxt bearbeite]

Bi dr Ereffnig vu dr 7. Norddeutschen Tage het dr Sellering gsait:

„Hier steht ganz im Mittelpunkt, was unsere norddeutsche Heimat so unverwechselbar und liebenswert macht: die Lebensart im Norden, die niederdeutsche Kultur, die plattdeutsche Sprache“. [...] Es ist wichtig, dass wir diese Kultur an junge Menschen weitergeben. [...] Ich freue mich, dass Plattdeutsch inzwischen in vielen Kitas und Schulen ganz selbstverständlich dazu gehört. Und ich werbe dafür, dass es noch mehr werden.“

Erwin Sellering: 10. Juni 2011

Literatur[ändere | Quälltäxt bearbeite]

  • Erwin Sellering, in: Internationales Biographisches Archiv 48/2011 vom 29. November 2011, im Munzinger-Archiv (Artikelaafang frei abruefbar)

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Ministerpräsident Sellering kündigt Rückzug an. In: regierung-mv.de, Prässmitdailig vum 30. Mai 2017.
Information icon.svg Dä Artikel basiert uff ere fräie Übersetzig vum Artikel „Erwin_Sellering“ vu de dütsche Wikipedia.

E Liste vu de Autore un Versione isch do z finde.