Michael Kretschmer

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Michael Kretschmer (2017)

Dr Michael Kretschmer (* 7. Mai 1975 z Görlitz) isch e dytsche Bolitiker (CDU) un syt em 13. Dezämber 2017 Minischterbresidänt vum Freistaat Sachse. Derzue isch er syt em 9. Dezämber 2017 Vorsitzer vum CDU-Landesverband Sachse. Dervor isch er syt 2005 Generalsekreter vu dr sächsische Union un vu 2009 bis 2017 stellverdrättende Fraktionsvorsitzer vu dr CDU/CSU-Bundesdagsfraktion gsii, vu Septämber 2013 bis Septämber 2017 au Vorsitzer vu dr sächsische Landesgruppe.

Lääben un Beruef[ändere | Quälltäxt bearbeite]

No dr Mittlere Ryfe 1991 an dr Erich-Weinert-Oberschuel z Görlitz het dr Kretschmer bis 1995 en Uusbildig zum Biroinformationselektroniker gmacht. Anne 1998 het er uf em zweete Bidligswäg d Fachhochschuelryfi gmacht un derno Wirtschaftsingenieruwäse an dr Hochschuel fir Tächnik un Wirtschaft z Dresden studiert. 2002 het er dr Abschluss as Diplom-Wirtschaftsingenieur (FH) gmacht.

Dr Michael Kretschmer isch ledig un Vater vu zwee Sihn.

Bolitik[ändere | Quälltäxt bearbeite]

Bartei[ändere | Quälltäxt bearbeite]

Dr Kretschmer isch 1989 in di Christlich-Demokratische Juged yydrätte in het vu 1993 bis 2002 em Landesvorstand vu dr Jungen Union Sachsen un Niderschlesien aaghert, vu 1995 bis 2001 isch er Landesschatzmaischter vu dr JU gsii. Vu 1994 bis 2000 isch er stellverdrättende Vorsitzer vum CDU-Chraisverband Görlitz gsii un het syt 2003 em CDU-Landesvorstand z Sachsen aaghert. Am 23. April 2005 isch er zum Generalsekreter vu dr sächsische CDU gwehlt un syterhär meefach im Amt bestetigt wore.

Abgordnete[ändere | Quälltäxt bearbeite]

Vu 1994 bis 1999 het dr Kretschmer em Stadtrot vu Görlitz aaghert. Syt 2008 isch er Mitglid vum Chraisdag vum Landchrais Görlitz. Vu 2002 bis 2017 isch dr Kretschmer Mitglid vum Dytsche Bundesdag gsii. Vu 2005 bis 2009 isch er stellverdrättende Vorsitzer vu dr Arbetsgruppe Bildig un Forschig vu dr CDU/CSU-Bundesdagsfraktion gsii. Vu 2009 bis 2017 isch er stellverdrättende Vorsitzer vu dr CDU/CSU-Bundesdagsfraktion gsii mit dr Ufgabeberych Bildig un Forschig un Chunscht, Kultur un Medie.

Dr Kretschmer isch diräkt gwehlte Abgordnete vum Wahlchrais Löbau-Zittau – Görlitz – Niesky im Bundesdag gsii. Bi dr Bundesdagswahl 2013 het er dert 49,6 % vu dr Erschtstimmen iberchuu. Dr Kretschmer isch Mitglid in dr Dytsch-Polnische, dr Dytsch-Tschechische un dr Dytsch-Russische Barlemäntariergruppe vum Bundesdag gsii, wu alli bilaterali Kontakt zue andere nationale Barlemänt pfläge.[1] Bi dr Bundesdagswahl 2017 het dr Kretschmer syn Bundesdagsmandat verlore, wel in sym Wahlchrais dr Tino Chrupalla (AfD) diräkt gwehlt woren isch un är nitr uf dr Landeslischt uv dr CDU kandidiert ghaa het.[2][3]

Minischterbresidänt[ändere | Quälltäxt bearbeite]

Am 18. Oktober 2017 isch er vum Stanislaw Tillich as Noofolger im Amt vum sächsische Minischterbresidänt vorgschlaa wore.[4] Vum Sächsische Landdag isch er am 13. Dezämber 2017 mit 69 vu 126 Stimmen in s Amt gwehlt un derno veraidigt wore.

Sunschtigs Engaschmänt[ändere | Quälltäxt bearbeite]

Vu 2005 bis 2016 isch dr Michael Kretschmer Mitglid vum Verwaltigsrot vum Diakoniewärch Oberlausitz e. V. gsii[5] As Bundesdagsabgordnete isch dr Kretschmer bis Septämber 2017 Mitglid vum Senat vu dr Helmholtz-Gmainschaft gsii un het si dert fir d Ferderig vu Bildig un Forschig yygsetzt.[6] Am 22. Augschte 2017 isch dr Michael Kretschmer zum Bresidänt vum Sächsische Volkshochschuelverband e. V. gwehlt wore.[7]

Weblink[ändere | Quälltäxt bearbeite]

 Commons: Michael Kretschmer – Sammlig vo Multimediadateie

Fueßnote[ändere | Quälltäxt bearbeite]

  1. Deutscher Bundestag: „Parlamentariergruppen“ in: Archivierte Kopie. Archiviert vom Original am 2008-12-19. Abgrüeft am 2008-12-15.
  2. Landesliste der sächsischen CDU für die Bundestagswahl 2017. CDU-Landesverband Sachsen. Abgrüeft am 2017-11-30. (de-DE)
  3.  Ticker zur Bundestagswahl 2017. In: mdr.de. 24. September 2017 (http://www.mdr.de/sachsen/ticker-bundestagswahl-sachsen-100.html, abgrüeft am 13. Dezember 2017). Ticker zur Bundestagswahl 2017 (Memento vom 1. Dezämber 2017 im Internet Archive)
  4.  mdr.de: Sachsens Regierungschef Tillich tritt ab | MDR.DE. (http://www.mdr.de/sachsen/sachsen-ministerpraesident-tillich-kuendigt-ruecktritt-an-100.html, abgrüeft am 13. Dezember 2017). MDR.DE /{{{2}}} {{{2}}}Vorlage:Webarchiv/Wartung/Linktext_fehltVorlage:Webarchiv/Wartung/Nummerierte_Parameter
  5. Michael Kretschmer: Mitgliedschaften. In: [1] (Site cha nüme abgrüeft wärde; Suche im Webarchiv)[2] [3] Vorlage:Toter Link/www.michaelkretschmer.de
  6. Michael Kretschmer: Mitgliedschaften. In: Archivierte Kopie. Archiviert vom Original am 2010-07-17. Abgrüeft am 2009-01-14.
  7. Michael Kretschmer ist Präsident des SVV. 2017-03-22. Abgrüeft am 2017-09-27. (de)


Information icon.svg Dä Artikel basiert uff ere fräie Übersetzig vu dere Version vum Artikel „Michael_Kretschmer“ vu de dütsche Wikipedia.

E Liste vu de Autore un Versione isch do z finde.