Stephan Weil

Us der alemannische Wikipedia, der freie Dialäkt-Enzyklopedy
dr Stephan Weil 2013

Dr Stephan Weil (* 15. Dezämber 1958 z Hamburg) isch e dytsche Bolitiker (SPD) un syt em 19. Februar 2013 Minischterbresidänt vu Nidersachse. Vu November 2006 bis Jänner 2013 isch er Oberburgermaischter vu dr Landeshauptstadt Hannover gsii.

Läben un Bolitik[ändere | Quälltäxt bearbeite]

Dr Weil läbt syt 1965 z Hannover, wun er 1977 s Abitur am Kaiser-Wilhelm-Gymnasium[1] absolviert het. No sym Zivildienscht het er 1978 e Jurastudium z Göttingen aagfange, wun er 1983 mit em Erschte Juristische Staatsexame abgschlosse het. Anne 1986 het er noch em Referendariat s Zwait Juristisch Staatsexame abglait.[2] No syre Hochzyt 1987 het dr Weil as Aawalt z Hannover gschafft. Ab 1989 isch er Staatsawalt un Richter gsii un het au im Nidersächsische Justizminischterium gwirkt. Ab 1994 het dr Weil as Minischterialrot im Nidersächsische Justizminischterium gschafft. Dr Weil isch Vorsitzende vu dr Juso z Hannover un Vorsitzende vum Stadtverband vu dr SPD Hannover gsii. Vu 1997 bis Ändi Oktober 2006 isch er Stadtchämmerer gsii isch.

Im Mai 2006 isch dr Weil zum Oberburgermaischterkandidat vu dr SPD gwehlt wore un het am 10. Septämber unter anderen gege dr CDU-OB-Kandidat Dirk Toepffer un di grien OB-Kandidati Ingrid Wagemann kandidiert. Är isch im erschte Wahlgang mit absoluter Mehrhait diräkt gwehlt wore. Dr Stephan Weil het am 1. Novämber 2006 d Noofolg vum Herbert Schmalstieg aadrätte, wu 34 Johr im Amt gsii isch.

Syt em 29. Jänner 2008 stellt sich dr Stephan Weil all Monet live im Färnseh dr Froge vu dr Burger. All dritte Dunnschtig im Monet wird d Sändig Warum Herr Weil uf em Lokalsänder h1 uusgstrahlt.

Am 18. Septämber 2011 het dr Stephan Weil bekannt gee, ass er sich um d Spitzenkandidatur vu dr SPD Nidersachse bi dr Landdagswahl 2013 bewirbt. Dr Kandidat isch am 27. Novämber 2011 in eme Mitgliderentschaid bstimmt wore, wu näb em Weil au dr domolig nidersächsisch SPD-Landesvorsitzende Olaf Lies kandidiert gha het.[3] Dr Stephan Weil het d Wahl mit 53,3 Brozänt vu dr Stimme gwunne.[4] Die Wahl het s vu ihm gfiert rot-grien Lager mit aire Stimm Vorsprung gegeniber dr bishärige Regieriskoalition us CDU un FDP unter em David McAllister gwunne.

Am 20. Jänner 2012 isch er zum Landesvorsitzende vu dr nidersächsische SPD gwehlt wore.[5] Im Merz isch er aistimmig as SPD-Diräktkandidat fir dr Landdagswahlkreis Hannover-Buchholz ufgstellt wore.[6] Uf em Landesbarteidag z Hameln isch dr Stephan Weil am 7. Juli 2012 mit 98,95 Brozänt uf Blatz 1 vu dr Landeslischt zue dr nidersächsische Landdagswahl am 20. Jänner 2013 gwehlt wore. Die Wahl het sii Wahlbündnis us SPD un Griene mit einem Sitz Vorschprung vor de Regierigskoalition vo CDU un FDP unter em David McAllister gwunne. Am 19. Februar isch er mit 69 vu 137 Stimme zum Minischterbresidänt gwehlt wore.[7]

Bi dr vorzogene Neiwahl vum Landdag am 15. Oktober 2017 het di rot-grien Kolaition iri Meehait verlore. Dr Weil het dodruf e Koalition mit dr CDU bildet un isch am 22. Novämber 2017 vum Landdag as Minischterbnresidänt widergwehlt wore, mit 104 vu 137 Stimme.

Zur Landdagswahl am 9. Oktober 2022 isch dr Weil wider as Spitzekandidat aadrätte. D SPD het no dr Wahl wider e Koalition mit dr Griene chenne bilde, dr Weil isch am 8. Novämber 2022 mit 82 vu 145 Stimmen as Minischterbresidänt widergwehlt wore.

Privat[ändere | Quälltäxt bearbeite]

Dr Weil isch ghyrote mit dr Rosemarie Kerkow-Weil, dr Bresidänti vu dr Hochschuel Hannover, un het e Suhn. Är isch Mitglid vum Rotary International.[8] As Hobby gälte ihm Fueßball, Laufe, Wandere, Läse. Är isch Fan vum Fueßball-Club Hannover 96. Hit läbt er z Hannover-Kirchrode un isch Mitglid im SPD-Ortsverain Kirchrode-Bemerode-Wülferode.[9]

Anderi Ämter[ändere | Quälltäxt bearbeite]

  • Bresidiumsmitglid vum Dytsche Stedtedag
  • Ufsichtsrotsvorsitzende vu dr „Verkehrs- und Versorgungsgesellschaft mbH Hannover“
  • Ufsichtsrotsvorsitzende vu dr „Deutsche Messe AG“
  • Bresidänt vum „Verband kommunaler Unternehmen e. V.“
  • Vorsitzende vu dr „Sozialdemokratischen Gemeinschaft für Kommunalpolitik in der Bundesrepublik Deutschland e. V. (SGK)“
  • Mitglid im Kuratorium vu dr Robert-Enke-Stiftung
  • Verwaltigsrotsvorsitzende vu dr Sparkasse Hannover

Weblink[ändere | Quälltäxt bearbeite]

 Commons: Stephan Weil – Sammlig vo Multimediadateie

Fueßnote[ändere | Quälltäxt bearbeite]

  1. Welche Schule für mein Kind?, Verlagsbeilage der Hannoverschen Allgemeinen Zeitung vom 12. Januar 2011, S. 4
  2. Läbelauf uf dr Websyte vum Stephan Weil, abgruefen am 8. Novämber 2011
  3. Ich will Ministerpräsident werden! (html) ndr.de, 18. September 2011, abgruefen am 19. September 2011.
  4. Hannovers OB Weil gewinnt SPD-Mitgliederentscheid (Site cha nüme abgrüeft wärde; Suche im Webarchiv)[1] [2] Vorlage:Toter Link/www.osradio.de, osradio
  5. Stephan Weil, der 95,5-Prozent-Mann, HAZ
  6. Das SPD Damenduell ist entschieden, HAZ
  7. Nachfolger von McAllister: Weil zum Ministerpräsidenten in Niedersachsen gekürt In: Spiegel Online vum 19. Februar 2013.
  8. Stefanie Kaune. Rotarisches Netzwerk, in: Hannoversche Allgemeine Zeitung vom 12. November 2010, S. 17
  9. Umfrag:Stephan Weil, Neue Presse


Dä Artikel basiert uff ere fräie Übersetzig vu dere Version vum Artikel „Stephan_Weil“ vu de dütsche Wikipedia. E Liste vu de Autore un Versione isch do z finde.