Knabekantorey Basel

Knabekantorey Basel

http://www.knabenkantorei.ch/
Sitz:	Basel / Schwiiz
Träger:	eigeständig
Gattig:	Gmischte Chor
Gründig:	1927
Gründer:	Hermann Ulbrich
Leiter/-in:	Oliver Rudin
Stimme:	80 (SATB)

Dialäkt: Baseldytsch

D Knabekantorey Basel (KKB) isch e Schwyzer Knabekoor us Basel; är isch us de "Singknabe vo dr evangelisch-reformierte Kirche Basel-Schtadt", wo 1927 gründet worde sin, entstande. Hütt isch dr Koor konfessionell neutral. Gsunge wärde gaischtligi und wältligi Wärgg.

A cappella Uffdritt, Gottesdienst, grossi Orchesterkonzärt, d'Mitwirkig bi unzählige Produktione'n im Theater Basel und Uffdritt bi verschiedene renommierte Musigfestivals fülle dr abwäxxligsryych Kaländer vo de junge Sänger. Als Kulturbotschafterin isch d'KKB regelmässig uff Konzärtreise'n in Europa und Übersee unterwäggs. An internationale Wettbewärb het dr koor so scho kenne divärsi Usszeichnige'n und Bryyse'n abhole. D'Sänger griege'n e fundierti musikalischi Ussbildig und wärde'n individuell betreut und gförderet.

Scho 1938 het dr Koor in dr Urufffiehrig vo Jeanne d’Arc au bûcher vom Arthur Honegger in Basel unter em Dirigat vom Paul Sacher mitgwirggt. Sytt 2017 stooht d'KKB unter dr Laitig vom Oliver Rudin

Uffbau

Dr Koor bischtoht us rund 45 Knabe- sowie 35 Männerschtimme. D Sänger setze e wäsentlige Dail vo ihrere Freyzytt yy: Nääbe de Broobe kömme Gottesdienscht, Kunzärt, Kunzärtraise, Radio- und Färnseh-Uffnahme wie au CD-Yyschpielige drzue. Zer Vertiefig vom Repertoire findet jöörlig e Koorlagr schtatt.

D Knabeschtimme wirgge regelmässig an Opereufffiehrige vom Theater Basel mit. D KKB isch usserdäm Gaschtgäberkoor vom bikannte und erfolgryyche Europäische Jugendkoorfeschtywal.

Männerstimme vo dr Knabekantorey

D Männerschtimme sind in dr Regel ehemooligi Knabeschtimme, wo uff e langjöörigi Koorerfahrig zruggluege könne.

In de letzte Joohr hän d'Männerstimme einigi Brojäggt elai duuregfiert:

Zur hunderte Jööhrig vom Änd vom eerste Wältkrieg 2018 hän d' Tenöör und Bäss vo dr KKB s Schauspyyl "Im Nebel" uffgfiehrt, e'n Adaption vom Antikriegsgedicht "Zuginsfeld" vom Otto Nebel. Uff dr Erfolg sin si denn mit däre Broduggtion uf Berlin graist, wo sie sie im Theater im Delphi uffgfiert hän.

Im Mai 2022 sin d Männerstimme uf Ängland greist, hän z London konzertiert, und am Internationale Männerkoorfestival in dr Cornwall (Cornwall International Male Choral Festival) di zweithöggschti Bewärtig erreicht. Usserdäm hän si dr "John Langdon Cup" als beste Koor uss dr Jugendkategorie, und dr "Kelwood Cup" für di unterhaltsamsti Vorfiehrig gwunne.

E glainers Männerensemble beständig uss 14 Sänger isch im Februar 2023 nach Berlin zum Choralspace-Festival greist.

Im Oggtober 2023, wärde d Männerstimme vo dr KKB an de European Choir Games (Europäischi Chorspiel) in Schwede teilnää.

D KKB international

D Knabekantorei isch bishär z Franggryych, z Belgie, z Holland, z Ängland, z Dytschland, z Pole, z Russland, in de USA und z Ungarn uffträtte. 1995 het dr Koor uff synere Dytschland-Tournee in de Schtedt Ulm, Wiesbade, Göttige, Hannover und Franggfurt am Main kunzärtiert. 1996 het d Kunzärtrais uff Finnland und Eschtland gfiehrt. 1998, zum 70-Joor-Jubileum, het e Rais nach Sydafrigga schtattgfunde. Im Septämber 1999 isch d KKB z Tschechie uff Tournee gsi. Im Herbscht 2000 het dr Koor Berlin, Potsdam und Poznan beraist. E groossi, üsserscht erfolgryychi Jubileums-Kunzärtrais het im Summer 2002 dr Koor durch Brasilie gfiehrt. Im Mai 2005 isch me z Bulgarie, im Herbscht 2004 und 2006 nomol z Dytschland go Kunzärt gä. Syt denn hets, mit Ussnahm vom Pandemiejoor 2022 jöhrlig mindistens ei Konzärtrais stattgfunde. Drnäbe het dr Koor uff Yylaadig an bedüttende Musiggfeschtywal dailgno.

Reiseziel nach Joor (no unvollständig)

2019

Wissrussland
Berlin (nur d'Männerstimme)

2022

Ängland: London/Cornwall (nur d'Männerstimme)
Slovenie, Östriich, Italie

2023

Berlin (nur d'Männerstimme)

Repertoire

D'Lyteratur längt vo dr Renaissance bis zer Modärni. Schwärpünggt bilde d Ufffiehrige vo Oratorie, Mässe und Kantate vo de Komponischte Bach, Händel, Wolfgang Amadeus Mozart, Mendelssohn Bartholdy odr Benjamin Britten.

Dirigänte

Hermann Ulbrich (1927–1970)
Markus Ulbrich (1970–1980)
Klaus Knall (1980–1983)
Beat Raaflaub (1983–2007)
Markus Teutschbein (2007–2016)
Rolf Herter, ad interim (2016-2017)
Oliver Rudin (2017-

Presidänte

Gerhard Winkler (1983–1994)
Jürg Rauschenbach (1994–2003)
Kuno Hämisegger (2003–2008)
Werner Schniepper (2008–2017)
Peter Küng (2017-

Webling

Knabenkantorei Basel