Kanton Waldstätte

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Ziitgenössischi Charte vo der Helvetische Republik
Charte vo der Helvetische Republik

Dr Kanton Waldstätt isch e Kanton vo dr Helvetische Republik gsi, wo zwüsche 1798 und 1802/03 bestande het.

Wo d Kantonsgränze in dr Helvetische Republik 1798 neu feschtgleit worde si, het me d Kantön und Republike vo dr Innerschwiiz, wo dr neu Einheitsstaat abglehnt hai, zum Kanton Waldstätte verschmulze. Das sind d Gebiet im Süde und im Oschte vom Vierwaldstettersee gsi. Dodrdur isch dr politisch Iifluss vo dr Innerschwiiz dütlig chliiner worde, wo noch em erste Entwurf für e Kantonsiideilig im Verheltnis zur Bevölkerigszahl überproportional usgfalle wer, wil im helvetische Senat jede Kanton vier Abgeordneti het döfe stelle. Anstatt vo de 16 Sitz für d Kantön Zug (mit Freiamt und Bade), Schwyz (ohni March mit Gersau), Underwalde (Ob- und Nidwalde, Ängelbärg) und Uri (ohni d Leventina, mit Ursere), wie s ursprünglig vorgeseh gsi isch, isch d Innerschwiiz vo numme vier Senatore representiert gsi.

D Bezeichnig «Waldstätt» het uf die gmeinsami Bezeichnig vo de Urkantön Uri, Schwyz und Underwalde zrugggriffe, wo sit em Middelalter gläufig gsi isch.

Dr Kanton Waldstätt isch scho in de spötere Verfassigsentwürf vo Malmaison und mit dr Zweite Helvetische Verfassig vo 1802 wider ufdeilt worde. Ändgültig isch dr Kanton aber erst dur d Mediationsakte vo 1803 ufghobe worde.

Dr Kanton Waldstätt het us dene Territorie, Republike und Kantön vo dr Alten Eidgenosseschaft bestande:

Hauptort vom Kanton Waldstätt isch dr Ort Schwyz gsi.

Weblink[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vu dere Version vum Artikel „Kanton_Waldstätte“ vu de dütsche Wikipedia.

E Liste vu de Autore un Versione isch do z finde.