Freiamt (Schwiz)

Us der alemannische Wikipedia, der freie Dialäkt-Enzyklopedy
Dä Artikel bschäftigt sich mit de Region Freiamt im Kanton Aargau. För witeri Bedütige lueg under Freiamt.
die Freje Ämter 1712

S Freiamt (frühner Freiji Ämter) isch ä Region in dr Schwiiz und lit im Südoste vom Kanton Aargau. Es umfasst s Gebiet zwüsch em Lindebärg und em Heitersbärg, vo dr Ändmoräne bi Othmarsinge bis zur Rüüss be Tüetu. Hüte wird s Gebiet vo de beide Bezirk Brämgarte und Muri as Freiamt bezeichnet.

s Wappe vom Freiamt

Dene ländlige Gegende im Rüüss- und Bönzdal sait mä im Volksmund ufgrund vo der mehrheitlig katholische Bevölkerig au dr „schwarz Ärdteil“. Brämgarte, Muuri, Sëis, Villmärge und Wohle ghöre zu de wichtigste Ortschafte vom Freiamt; än anders Balligsgebiet isch d Region rund um ä Mutschälle.

Bis hüt isch Brämgarte di äinzig Freiämter Schtadt, es hed scho im Mittelalter sis Stadträcht öbercho. Letschti hed aber de Gmeindrot vo Wole, de grööschte Freiämter Gmeind, gfonde, mer müessi os Wolen au e Schtadt mache. Bi de Abschtimmig im Mai 2009 isch s Volch aber degäge gsi.[1]

S Freiamt lit in erä zentrale Lag im Mittelland. In erä halbe Stund chunnt mä im Auti noch Zöri, Zug und Lozärn.

Urschprünglich isch s Freiamt es Untertanegebiet vo der Alte Eidgenosseschaft gsii, dänn esch s ir Helvetik zum Kanton Aargau cho.

Weblink[ändere | Quälltäxt bearbeite]

  • Freiamt d Portalsiite für s Freiamt

Fuessnote[ändere | Quälltäxt bearbeite]

  1. Wettingen und Wohlen werden nicht Städte Artikel uf blick.ch vom 17. Mai 2009
Dä Artikel basiert uff ere fräie Übersetzig vum Artikel „Freiamt_(Schweiz)“ vu de dütsche Wikipedia. E Liste vu de Autore un Versione isch do z finde.