Jean-Noël Rey

Us der alemannische Wikipedia, der freie Dialäkt-Enzyklopedy
dr Jean-Noël Rey

Dr Jean-Noël Rey (* 23. Dezämber 1949 z Siders; † 16. Jänner 2016 z Ouagadougou, Burkina Faso; haimetbrächtigt z Chermignon, Mollens un z Montana) isch e Schwyzer Beamte, Manager un Bolitiker (SP) gsii.

Läbe[ändere | Quälltäxt bearbeite]

Dr Rey het anne 1978 an dr Universitet Gämf mit ere Dissertation zue dr schwyzerische Gwärkschaftsbewegig promoviert[1] zum Dr. sc. éc. et soc.

Noodäm er persenlige Mitarbaiter vum domolige Bundesrot Otto Stich gsii isch, isch dr Rey 1990 zum Generaldirektor Postdepartement PTT ernännt wore.[2] Är isch dr letscht as Beamten aagstellt Generaldirektor vu dr Schwyzerische Poscht gsii.[3] Är isch 1998 entloo wore, wu unter anderem Vorwirf wäge Vätterliswirtschaft ufchuu sin. Zuen ere Verurdailig isch s aber nit chuu.[4] 2001 isch dr Rey Generaldirektor vu dr Schwyzer Niderlossig vum Paketverdailer DPD wore.[4] Anne 2004 isch er vu däre Stell zruggdrätte.[5] 2013 isch er zum Verwaltigsrotsbresidänt vu dr Handelschammere Schwyz-Frankrych gwehlt wore.[6] Är isch derzue au in e baar Verwaltigsret ghockt.[7]

Dr Jean-Noël Rey isch im Jänner 2016 bi me Terroraaschlag im weschtafrikanische Burkina Faso im Alter un 66 Johr umbrocht wore.[3]

Dr Rey isch in ere zwote Eh ghyropte Vater vu zwia Chinder gsii.[7]

Bolitischi Ämter[ändere | Quälltäxt bearbeite]

Dr Rey het dr Sozialdemokratische Bartei vu dr Schwzy aaghert. In dr 47. Legislaturperiod (2003–2007) isch er Mitglid vum Nationalrot gsii. Anne 2007 het dr Unterwalliser uf dr Lischt vu dr SP Oberwallis kandidiert,[8] het aber d Widerwahl nit gschafft.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Titelyydrag vu dr Dissertation (Memento vom 16. Jänner 2016 im Internet Archive), NEBIS, abgruefen am 17. Jänner 2016.
  2. Job am Katapult in Die Weltwoche vum Jänner 2009
  3. 3,0 3,1 Ex-Post-Chef Jean-Noël Rey (†66) unter den Opfern, Blick.ch, 16. Jänner 2016, abgruefen am 17. Jänner 2016.
  4. 4,0 4,1 Gefeuerter PTT-Chef Jean-Noël Rey wird wieder Postdirektor, News.ch, 6. Juni 2001, abgruefen am 17. Jänner 2016.
  5. Jean-Noël Rey: «Ich bin für die Post-Initiative, aber gegen ein Postmuseum», Handelszeitung, 13. Juli 2004, abgruefen am 17. Jänner 2016.
  6. Jean-Noël Rey neu VR-Präsident der Handelskammer Schweiz-Frankreich, 1815.ch, 19. Juni 2013, abgruefen am 17. Jänner 2016.
  7. 7,0 7,1 Patrik Müller: Er rappelte sich immer wieder auf. Archivlink (Memento vom 17. Jänner 2016 im Internet Archive) Nooruef in Schweiz am Sonntag vum 17. Jänner 2016, abgruefen am 17. Jänner 2016.
  8. Streit innerhalb der Walliser SP hat Folgen, NZZ Online, 17. Juli 2007, abgruefen am 17. Jänner 2016.
Dä Artikel basiert uff ere fräie Übersetzig vu dere Version vum Artikel „Jean-Noël_Rey“ vu de dütsche Wikipedia. E Liste vu de Autore un Versione isch do z finde.