Horus

Us der alemannische Wikipedia, der freie Dialäkt-Enzyklopedy
Dr Gott Horus mit dr Dobbelchrone vo Ober- und Underägypte
Dr Horus isch ä Gott us dr altägyptische Mythologii. Är het s ägyptische Königtum symbolisiert und alli Pharaone hai sich as si Nochfolger gseh. Si Name isch in Hieroglyphe as ä Falk
G5
(MdC Umschriibig Hr.w)[1], im Altägyptische au
HHr
r
und in Sargteggscht mänggisch
N31i
gschriibe worde.

Horus-götter[ändere | Quälltäxt bearbeite]

In Ägypte wird jedi Gschicht in ä baar verschiidene Versione verzellt. So wird in einere Dradition dr Horus as dr Brueder vom Osiris und Seth agluegt und es wird ihm dr Name dr Älteri Horus (griechisch: Haroeris) gä; in erä andere isch er dr Sohn vom Osiris. D Grieche hai em denn Harsiese, Horus-Sohn vo dr Isis, gsait und er isch noch em Dod vom Osiris im Nildelta im enä Verschdeck vo siiner Mueter Isis ufzoge worde, bis er sich am Mörder vo siim Vater, em Seth, het chönne räche.

Herrscher vo Ägypte[ändere | Quälltäxt bearbeite]

Siit de früehschte hischdorische Ziite isch dr Horus d Verkörperig vom ägyptische Königdum gsi. In dr Mythologii hai noch em Dod vom Osiris dr Seth und dr Horus d Herrschaft über s Land beaschbrucht. Im Kampf zwüsche beide het dr Horus es Aug verlore und s Land isch deilt worde. In Oberägypte het dr Seth gregiert und in Underägypte dr Horus. Noch andere Mythe isch dr Horus dr Herrscher über ganz Ägypte gsi und im Seth si d Wüeschdegebiet und s Uusland Untertan gsi.

Dr Horus Semataui (griechisch Harsomtus) isch dr Sohn vo dr Göttin Hathor (ihre Name bedütet „Huus vom Horus“) gsi. Semataui bedütet „Vereiniger vo de zwei Länder“, was a Zuename vo de Pharaone worden isch.[2]

Quelle[ändere | Quälltäxt bearbeite]

  • Manfred Lurker, Lexikon der Götter und Symbole der alten Ägypter, Scherz 1998, S.101f.

Fuessnote[ändere | Quälltäxt bearbeite]

  1. Erman, Adolf & Grapow, Hermann, 1926–1953. Wörterbuch der aegyptischen Sprache im Auftrage der deutschen Akademien. 6 vols. Leipzig: J. C. Hinrichs'schen Buchhandlungen. (Neue Auflage Berlin: Akademie-Verlag GmbH, 1971) 3, 122-123.13
  2. Barbara S. Lesko, The Great Goddesses of Egypt, University of Oklahoma Press 1999, S.93

Weblingg[ändere | Quälltäxt bearbeite]

 Commons: Horus – Sammlig vo Multimediadateie