Gotthardläitig

Sit em 1939 gaat ä 220-kV-Hochspannigsläitig überä Gottert. Si isch hüt für 380 Kilovolt uusgläit und füehrt vu Airolo uf Mettlä bi Eibu. Buuherr sind di Zäntraalschwiizerische Chraftwärch gsii. Im Gottertmassiiv hätme tüpischi Gebirgsmaschte, sogenannti Deltamaschte, iigsetzt. Je nach Gländ hets für jede vu denä drii Doppeldräht und auf für ä Blitzableiter ä äigene Mascht. Susch chännti's passiere, ass zwii Dräht zämechänd. Das gebti meeterhöchi Flamme, und mer müesti de Strom abstellä.

Ab Amschtäg isch s de ä gwündlechi Läitig. Si füehrt wi d Lukmanierläitig dur s Urnerland und denn em Urnersee nache. Di zwii Läitige tangiered de Rigi zwüschä Ingäbool und Immäsee. Si ändet beed im Unterwärch vu Mettlä (wie d Laitige vo Bängge und vo Innerkirche) und wärdet hüt vu d'r Alpiq beuufsichtiget.