Georgie Lamon

Us der alemannische Wikipedia, der freie Dialäkt-Enzyklopedy

Dr Georgie Lamon (* 11. Novämber 1934 z Lens VS, Schwyz; † 16. Jänner 2016 z Ouagadougou, Burkina Faso) isch e Schwyzer Manager, Autor un Politiker (SP) gsii.

Läbe[ändere | Quälltäxt bearbeite]

Dr Georgie Lamon stammt us ere Familie mit acht Chinder. Är het zerscht z Frankrych studiert, speter derno Hailpedagogik an dr Universitet Frybùrg. Är het d Walliser Sektion vu dr Schweizerischen Vereinigung für geistig Behinderte (ASA) glaitet un si bis zue syre Pänsionierig anne 1997 fir di beruefli Integration vu Behinderte engaschiert (Office romand d'intégration professionnelle pour handicapés, ORIPH, speter ORIF).[1]

In dr 1980er Johr isch er Vorsitzer vu dr SP z Siders gsii un verantwortli fir d Effetligkaitsarbet un d Mitglidszytschrift vu dr SP im Wallis. Är isch vu 1989 bis 2001 Mitglid im Walliser Große Rot gsii. Dr Lamon isch derzue Vorsitzer vu dr Frynd vu sym Haimetort Lens VS gsii, wun er e Huffe Schrifte driber vereffetligt het.[2]

Syter aafangs 1990er Johr het er si fir e Projäkt zue dr Alfabetisierig un Bildig vu Chinder im weschtafrikanische Burkina Faso engaschiert. Am 16. Jänner 2016 isch er in dr burkinische Hauptstadt Ouagadougou, näben anderen Opfer zämme mit em Jean-Noël Rey, Opfer vun eme islamistische Terroraaschlag wore.[3]

Dr Georgie Lamon isch mit dr Marie-Hélène († 2005) ghyrote gsii. si hän zämme zwai Chinder ghaa.

Wärch[ändere | Quälltäxt bearbeite]

  • Lens, mon village: la vie associative: reflets et souvenirs. Editions à la Carte Sierre, 2006, ISBN 2-88464-722-8.
  • Autour du manoir de Lens: histoire contes et légendes. Editions à la Carte Sierre, 2009, ISBN 978-2-88464-950-6.
  • Lens, mémoire d'un village: contes, légendes et pensées. Editions à la Carte Sierre, 2009, ISBN 978-2-88464-995-7.
  • Lens et ses demeures inspirées: document à l'usage des Centre scolaires et du public. Editions à la Carte Sierre, 2010, ISBN 978-2-940457-57-1.
  • mit Jean-Luc Theytaz: Le patrimoine de la Commune de Lens. Editions à la Carte Sierre, 2012, ISBN 978-2-88924-022-7.
  • mit Claire-Lise Thimon-Jordan: Portes de Lens et autres récits. Editions à la Carte Sierre, 2013, ISBN 978-2-88924-128-6.
  • Lens au fil du temps. Editions à la Carte Sierre, 2014, ISBN 978-2-88924-198-9.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Jean-Noël Rey et Georgie Lamon abattus à Ouagadougou. In: L’Hebdo. 16. Jänner 2016. (franzesisch)
  2. Ouagadougou: Georgie Lamon, une vie au service des autres. In: Le Nouvelliste. 17. Jänner 2016. (franzesisch)
  3. Ex-Post-Chef Rey bei Terror-Attentat in Burkina Faso getötet. In: Aargauer Zeitung. 16. Jänner 2016.


Dä Artikel basiert uff ere fräie Übersetzig vu dere Version vum Artikel „Georgie_Lamon“ vu de dütsche Wikipedia. E Liste vu de Autore un Versione isch do z finde.