S Gfächt bim Rothethurm

Us der alemannische Wikipedia, der freie Dialäkt-Enzyklopedy
S Gfächt bim Rothethurm
Deil vo: Franzoseniifall

Charte zur Helvetische Revoluzioon 1798
Datum 30. April 1798
Ort Rothethurm im Kanton Schwyz, Schwiz
Usgang Schwyzer Siig
Konfliktparteie
FrankreichFrankreich Frankriich Schwyz Land Schwyz
Befählshaber
General Schaueburg Alois vo Reding
Truppesterki
12'000 Maa 4'000? Maa
Verlust
? ?

S Gfächt bim Rothethurm isch e milidäärischi Usenandersetzig wääred em Franzoseniifall zwüschen em Land Schwyz und Frankriich gsi. Si het am 2. Mai 1798 im Bezirk Schwyz im Kanton Schwyz stattgfunde.

Vorgschicht[ändere | Quälltäxt bearbeite]

Noch dr Niiderlaag im Gfächt bi Wollerau am 30. April, wo aber dr Vormarsch vo de Franzoose gstoppt het, häi sich d Schwyzer zerst wmol zruggzooge. Vor em Gfächt bi Schindellegi isch dr Kommandant vo de Schwyzer Drubbe dr Major Balthasar Bellmont uf em Wääg zum Chriegsroot z Rothethurm vo sine äigene Lüt umbrocht worde, wil er e Verrööter und e Feigling sig.

Wo d Franzoose am 2. Mai gege die schwache schwyzerische Vorboste aagruckt si, si d Schwyzer ooni Füerig doogstande. Si häi d Franzoose aber äinewääg bi Schindellegi chönne uf Wollerau zruggdränge, bis dr Landeshauptmä Reding aachoo isch und iine befoole het sich zruggzzieh, wil Äisiidle gfalle sig und sich die schwache Hüfe uf em Jostebärg wurde zruggzie und dorum d Schwyzer Drubbe chönnte abgschnitte oder iikesslet wärde. D Schwizer häi sich uber d Sihl zruggzooge und d Brugg zerstöört und si in d Wälder bim Rothethurm.

Dr Lauf vom Gfächt[ändere | Quälltäxt bearbeite]

No am gliiche Daag, am 2. Mai, häi d Franzoose under em General Freyssinet in dr Hochebeni vo Rothethurm uf d Schwyzer under em Aloys Reding gwartet, wo dur e zwäits Batallioon und dr Landsturm versterkt worde si. Dä het sini Manne, wo vo Fraue und Chinder understützt worde si, in Kampf gfüert mit de Wort: «Mir flüchte nit, mir stärbe». Im Gfächt isch es de Schwyzer glunge, d Franzoose uf dr Altmatt z schloo, au wenn die mee Drubbe gha häi.

D Folge[ändere | Quälltäxt bearbeite]

Zwar isch am 3. Mai z Arth no kämpft worde, aber drotz iire Erfolg het s für d Schwyzer kä Hoffnig me gee. Si si müed vom Chrieg gsi, und d Franzoose si drotz groosse Verlust immer no übermächdig gsi. In dere verzwiiflete Laag het dr Reding de Schwyzer dr Root gee, Friide z mache. Am 4. Mai isch die nöiji helvetischi Verfassig vo de Schwyzer aagnoo worde.[1]

S Gedänkschiesse[ändere | Quälltäxt bearbeite]

Sit 1948 organisiert dr Fäldschützeveräin Rothethurm jedes Joor e historischs Schiesse zum Aadänke as Gfächt bim Rothethurm. In dr Pfarrchille Rothethurm wird e Gedänkgottesdienst zum Gedächtnis an d Gefallene abghalte.[2]

Fuessnote[ändere | Quälltäxt bearbeite]

  1. Gemeinde Rothenthurm: Schlacht am Rothenthurm
  2. Historisches Gedenkschiessen am Rothenthurm Archivlink (Memento vom 8. März 2016 im Internet Archive)
Dä Artikel basiert uff ere fräie Übersetzig vum Artikel „Gefecht_bei_Rothenthurm“ vu de dütsche Wikipedia. E Liste vu de Autore un Versione isch do z finde.