Räbbau

Räbbau bezäichnet d Kultivierig vo Rääbe zum Druube chönne günne, wo mä drus mäistens Wii macht. Dr Wii wird in Chäller häärgstellt. Alli Aarbäite und Iirichdige, wo für d Härstellig vo Wii brucht wärde, wärde in dr Önologii (Chällerwirtschaft) behandlet. Zum Räbbbau ghööre d Gschicht vo de Rääbe und vom Wii, d Verbräitig und die wirtschaftligi Bedütig vo dr Rääbe, d Orgaan vom Räbstock, d Räbsorte und d Züchdig, d Vermeerig vo de Rääbe, Nöiaalaage, Pflanzig, Pflääg (Räbschnitt, Erziejig, Boodepflääg und Düngig) und dr Pflanzeschutz (Nützling, Chrankhäite, Schäädling, und sutigi Schädige), Brodukzionsmethoode im Räbbau, Usbildigsmööglikäite.

Gschicht[ändere | Quälltäxt bearbeite]

Charte vo Mesopotaamie mit de Flüss Öifrat und Tigris

Mä nimmt aa, ass dr Räbbau in dr Gebiet zwüschen em Kaspische Meer und em Persische Golf ufchoo isch. Scho 5000 v. d. Z. si im hütige Georgie Rääbe kultiwiert worde wie au im hütige Irak. Das het sich uf dr ganz Noochi Oste usbräitet, und denn vo Griecheland us im 7./6. Jh. v. d. Z. uf Gallie.

S Alter vo dr eltiste Wiiprässi, wo mä gfunde het, wird uf 6000 Joor gschetzt und d Doonchrüeg, wo mä mit ere gfunde het, bewiise, dass sich d Wiibrodukzioon scho denn im e guet entwicklete Stadium befunde het.

Liddratuur[ändere | Quälltäxt bearbeite]

Karl Bauer, Ferdinand Regner, Barbara Friedrich: Weinbau. 12. Uflaag. avBuch, Wien 2018, ISBN 978-3-8404-8503-9.
Edgar Müller, Hans-Peter Lipps, Oswald Walg: Weinbau. 3. Uflaag. Eugen Ulmer, 2008, ISBN 978-3-8001-1241-8.
Oswald Walg: Taschenbuch der Weinbautechnik. 2. Uflaag. Fachverlag Fraund, 2007, ISBN 978-3-921156-78-0.
Karl Bauer, Rudolf Fox, Bernd Ziegler: Moderne Bodenpflege im Weinbau. Eugen Ulmer und Österreichischer Agrarverlag, 2004, ISBN 3-7040-2009-5, D ISBN 3-8001-4608-8.
Dieter Hoppmann: Terroir, Wetter – Klima – Boden. Verlag Ulmer, Stuttgart 2010, ISBN 978-3-8001-5317-6.

Weblingg[ändere | Quälltäxt bearbeite]

Commons: Weinbau – Sammlig vo Multimediadateie

Fuessnoote[ändere | Quälltäxt bearbeite]