Corine Mauch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Corine Mauch

D Corine Mauch (* 28. Mai 1960 z Iowa City, USA; vo Düüfedaal und Züri) isch e Schwiizer Politikeri vo de SP und sid 2009 d Stadtpresidänti vo Züri.

ires Läbe[ändere | Quälltäxt bearbeite]

D Corine Mauch isch i de USA als schwiizerisch-amerikaneschi Dobbelbürgeri uf d Wält choo. Iry Mueter isch d Ursula Mauch, wo für de Kanton Aargäu vo 1979 bis 1995 Nazionalrääti gsi isch, ire Vater de Ingeniöör Samuel Mauch. Si isch i de USA und im Aargäu uufgwachse und hät a de ETH Züri Agrarökonomy und als zwäits Studium a de Uni Züri Sinology studiert und dän na a de Uni Lausanne de Master i de Politik- und Verwaltigswüssechaft gmacht.

Si hät zerscht as Umwältbeuufträiti bi de Stadt Uuschder, für di Schwiizerisch Gselschaft für Umwältforschig und Ökology, bim Büro Interface Politikstudien Luzern und as Projäktläiteri bi de Parlamäntsdienscht vo de Schwiizerische Bundesversamlig z Bärn gschaffet.

i de Politik[ändere | Quälltäxt bearbeite]

D Corine Mauch isch sid 1999 für d SP im Gmäindraat vo Züri gsi. Am 2. Dezämber 2008 hät d SP sii as Kandidati fürs Amt vom Stadtpresidänt nominiert. Ane 2009 isch si im zwäite Waalgang vo de Zürcher und Zürcherine zur Stadtpresidänti gweelt worde.[1] Und da drmit isch si au d Läiterin vo dr stedtischen Exekutyve, em Stadtraat vo Züri.

Bi de Stadtratswaale ane 2010, 2014 und 2018 häpme se i dem Amt bestätiget.

Lueg au[ändere | Quälltäxt bearbeite]

Weblink[ändere | Quälltäxt bearbeite]

 Commons: Corine Mauch – Sammlig vo Multimediadateie

Fuessnoote[ändere | Quälltäxt bearbeite]

  1. Zürichs erste Stadtpräsidentin heisst Corine Mauch. In: swissinfo.ch, 29. März 2009