Zürcher Stadtrat
De Stadtrat isch d Regierig vo de Stadt Züri.
Es ghöret nüün Mitgliider dezue, wo all vier Johr diräkt vom Volch mit em Majorzverfahre gwählt werdet. Wenn en Stadtrat underzwüsche zruggtritt, dänn gits e Wahl zwüschet em Johr.
Dr Zürcher Stadtraat gits sid ane 1798, aso dr Helvetik. Sid der Ygmeindig vo de Nochbergmeinde ane 1893 het er nüün Mitgliider.
Im Septämber 2018 het’s – wie früener au scho mol – en Abstimmig gää über en Iniziatyve, wo hätt welle d Zahl vo de Stadträät uf sibe verchlynere.[1] Die Idee isch nid durecho; i käm einzige Stadtchreis isch e Mehrheit drfüür gsi.[2]
Departemänt
[ändere | Quälltäxt bearbeite]D Stadträät und Stadträätinne sind Vorsteher vo de folgende Departemänt:
- Presidialdepartemänt
- Schuel und Sport
- Polizei
- Tüfbou und Entsorgig (TEZ)
- Hochbou
- Industrielli Betriib (Erdgas Zürich AG, EWZ, VBZ, WVZ)
- Soziaals
- Gsundhäit und Umwält
- Finanze
der Stadtraat sid 2006
[ändere | Quälltäxt bearbeite]I dr Legislaturperiode 2006 bis 2010 sin sit dr Stadtratswal am 12. Februar 2006 die Politiker im Stadtrat vo Züri gsi:
- Ruth Genner (Grüeni), Tüfbou und Entsorgig
- Gerold Lauber (CVP), Schuel und Sport
- Elmar Ledergerber (SP), Stadtpresidänt, Presidaldepartemänt
- Esther Maurer (SP), Polizei
- Robert Neukomm (SP), Gsundhäit und Umwelt
- Kathrin Martelli-Kenner (FDP), Hochbau
- Martin Vollenwyder (FDP), Finanze
- Andres Türler (FDP), Industrielli Betriib
- Martin Waser (SP), Soziadepartemänt
I der Legislaturperiode 2014–2018 sinds gsi:
- Corine Mauch (SP), Stadtpräsidentin, Präsidialdepartemänt
- Daniel Leupi (Grüeni), Finanze
- Richard Wolff (Alternativi Lischte), Sicherheitsdepartemänt
- Claudia Nielsen (SP), Gsundheits- und Umwältdepartemänt
- Filippo Leutenegger (FDP), Tüfbou- und Entsorgigsdepartemänt
- André Odermatt (SP), Hochbou
- Andres Türler (FDP), Departemänt vo de Industrielle Betriib
- Gerold Lauber (CVP), Schuel- und Sport
- Raphael Golta (SP), Sozialdepartemänt
Am 4. Merze 2018 isch d Wahl vom Stadtraat für d Zyt vo 2018 bis 2022 gsi. Dr Raat isch sider eso zämegsetzt:
- Corine Mauch (SP), Stadtpräsidentin, Präsidialdepartemänt
- Daniel Leupi (Grüeni), Finanze
- André Odermatt (SP), Hochbou
- Raphael Golta (SP), Sozialdepartemänt
- Karin Rykart (Grüeni), Sicherheit
- Richard Wolff (Alternativi Lischte), Tüüfbou und Entsorgig
- Filippo Leutenegger (FDP), Schuel und Sport
- Anreas Hauri (GLP), Gsundheit und Umwält
- Michael Baumer (FDP), Industrielli Betriib
Weblink
[ändere | Quälltäxt bearbeite]- Mitglider vom Zürcher Stadtrat uf stadt-zuerich.ch
Fuessnoote
[ändere | Quälltäxt bearbeite]- ↑ Daniel Fritzsche: Weshalb Zürich bis heute an neun Stadträten festhält, uf nzz.ch, abgrüeft am 25. März 2019
- ↑ Gemeindeabstimmung 23. September 2018. Volksinitiative «Mehr Geld für Zürich: 7 statt 9 Stadträtinnen und -räte» uf stadt-zuerich.ch