Christiaan Roothebärger

Us der alemannische Wikipedia, der freie Dialäkt-Enzyklopedy
Dialäkt: Baseldütsch

Dr Christiaan Roothebärger (* 11. Mai 1868 z Buggs, Kantoon Sanggalle; † 21. Septämber 1938 z Baasel) isch e Schwizer Leerer, Richder und Politiker gsi.

Lääbe und Wärk[ändere | Quälltäxt bearbeite]

Familiengrab auf dem Friedhof Wolfgottesacker. Rothenberger war mit Anna Pilliod, geborene Klein (1862–1951) verheiratet und war der Schwiegersohn von Wilhelm Klein-Schabelitz (1825–1887) Politiker
S Familiegraab uf em Friidhof Wolfgottesacker

Dr Roothebärger het s Leererpadänt z Sanggalle überchoo und het vo 1889 aa z Rolle, Yverdon und Gämf, und vo 1894 aa z Baasel Underricht gee. An dr Uni Baasel het er Gäisteswüsseschafte studiert und 1897 bromowiert. Denn het er a Rächtsstudium z Gämf, Baasel und Bäärn gmacht und daas 1900 erfolgriich abgschlosse.

Dr Roothebärger isch vo 1901 Apfikaat und vo 1902 bis 1922 Richder am Baasler Stroofgricht gsi. As freisinnige Politiker isch er vo 1805 bis 1920 im Baasler Grossroot und vo 1908 bis 1919 im Nazionaalroot gsässe. Si Iniziatiive für en äidgenössischi Invaliideversicherig (IV) und Alters- und Hinderlasseneversicherig (AHV) het am 24. Mai 1925 mee as 40% vo de Stimme üüberchoo. Am 6. Dezämber 1925 häi die Stimmberächtigte mit ere klaare Meerhäit dr Ardikel 34quater BV aagnoo, wo dr Inhalt von em gsi isch, ass en AHV müess gründet wärde und d Kompetänzgrundlaag für en Invaliideversicherig (IV) gschaffe het.

Dr Roothebärger isch mit dr Anna Pilliod, gebooreni Klein (1862–1951), verhürootet gsi und eso dr Schwiigersoon vom Wilhelm Klein-Schabelitz gsi. Er isch im Familiegraab vo de Kleins uf em Friidhoof Wolfgottesacker z Baasel beärdiget.

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Christian_Rothenberger“ vu de dütsche Wikipedia. E Liste vu de Autore un Versione isch do z finde.