Châtel-Saint-Denis
| Châtel-Saint-Denis | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Vivisbach |
| BFS-Nr.: | 2325 |
| Poschtleitzahl: | 1618 |
| UN/LOCODE: | CH CSD |
| Koordinate: | 558757 / 152991 |
| Höchi: | 809 m ü. M. |
| Flächi: | 47.9 km² |
| Iiwohner: | 8163 (31. Dezämber 2022)[1] |
| Website: | www.chatel-st-denis.ch |
| Charte | |
 | |
Châtel-Saint-Denis (Freiburger Patois ) isch e Gmeind vom Distrikt Vivisbach im Kanton Friburg.
Früener het me fürs Stedtli de dütsch Ortsname Kastels Sankt Dionys bruucht.
Geografii
[ändere | Quälltäxt bearbeite]Châtel-Saint-Denis liit uf der Wasserscheide zwische de Yzugsgebiet vo dr Rhone und em Rhy. Der Bach Veveyse de Châtel flüsst gäge Südweschte in Gämfersee und do dermit is Gebiet vo dr Rhone, und dr Bach Tatrel, wo en Sytebach vo der Broye isch, flüsst gäge Norde is Gebiet vo der Aare und dodrmit vom Rhy. I de Hügel weschtlech vom Dorf liit der See Lac de Lussy. I de Bärge uf der Südsyte isch s Naturschutzpiet midem See Lac des Joncs.
Im Sytedaal vo der Veveyse de Châtel stoot s Feriedorf Les Paccots. Zu dr Gmeind ghöre no d Dörfer Fruence, Prayoud, Villard, Prautey, La Frasse und Le Chaussin.
Im Oschte lyt d Gränze vom Gmeindbann vo Châtel-Saint-Denis uf der Bärgchetti vom Moléson. D Gipfel vo dem Bärgzug heisse Teysachaux, Dent de Lys (2014 Meter über Meer), Folliu Borna und Vanil des Artses.
D Nochbergmeinde vo Châtel-Saint-Denis sind Semsales, Haut-Intyamon und Remaufens im Kanton Friburg und Blonay, Saint-Légier-La Chiésaz, Corsier und Maracon im Kanton Waadt.
Gschicht
[ändere | Quälltäxt bearbeite]Im 11. Joorhundert isch uf emene Felse über em Spitz zwüsche der Veveyse de Châtel und dr Veveyse de Fégire e Burg bout worde, wo ane 1244 zu der Herrschaft vo de Grafe vo Savoie cho isch. Ane 1296 het der Graf Amadeus V. vo Savoie nid wyt dervo ewägg dr Märt vo Châtel-Saint-Denis gründet. Die alti Burg isch derno nümm bewoont gsi. Scho 1336 isch Châtel-Saint-Denis e chlyni Stadt gsi. Ane 1461 het d Stadt Friburg dr Ort übernoo, und 1574 het si d Landvogtei vo Kastels-Sankt-Dionys ygrichtet.
D Pfarrei vo Châtel-Saint-Denis isch s erschte Mol inere gschichtleche Kwelle vo 1228 erwäänt.
Durs s Dorf goot die alti Hauptstrooss vo Vivis uf Bulle und sid 1981 d Autobahn A12 vo Bärn uf Vivis. 1901 isch d Ysebaanstreki vo Palézieux-Gare uf Châtel-Saint-Denis, 1903 die vo Châtel-Saint-Denis uf Bulle und 1904 die vo Vivis uf Châtel-Saint-Denis in Betriib cho.
Sache zum Aaluege
[ändere | Quälltäxt bearbeite]- d Pfarrchile vom Heilige Dionysius (die isch im Verzeichnis vo de Kulturgüeter, wo nazionali Bedüütig händ)
- d Rochus-Chappele
- d Chappele Notre-Dame-du-Scex
- d Chappele vom Sankt Bläsi,
- d Chappele vo der Maria im Schnee z Les Paccot
- dr Baanhof
Yywoner
[ändere | Quälltäxt bearbeite]Quela: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 2339 | 2381 | 2316 | 2346 | 2271 | 2509 | 2708 | 2545 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 2553 | 2885 | 2908 | 2666 | 2842 | 3141 | 3797 | 4389 |
De Uusländeraateel isch 2010 bi 24,3 % gläge.[3]
Religion
[ändere | Quälltäxt bearbeite]71,7 % va de Yywoner si im Jaar 2000 römisch-katholisch gsii, 12,4 % evangelisch-reformiert.[3]
Spraach und Tialäkt
[ändere | Quälltäxt bearbeite]Bi de Vouchszelig 2000 hii va de 4389 Yywoner 89,1 % Franzöösisch aus Hùùptspraach aaggää, 2,7 % Tüütsch ù 8,2 % anderi Spraache.[3]
De aut frankoprovenzalisch Patois hii im Jaar 2000 na iigene Aagabe na 56 va de 4389 Yywohner ggredt.
Weblink
[ändere | Quälltäxt bearbeite]
- Website vo dr Gmeind Châtel-Saint-Denis
- Jean-Claude Vial: Châtel-Saint-Denis (Gemeinde).. In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- 1 2 3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012