Blaue
| S BL im Lemma isch s offiziell Chürzel vom Kanton Basel-Landschaft und wird bruucht, zum Verwächslige mit Yträäg vom Name Blauen vermyde, wo öppis anders meined. |
| Blauen | |
|---|---|
 | |
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Laufen |
| BFS-Nr.: | 2781 |
| Poschtleitzahl: | 4223 |
| Koordinate: | 605887 / 255471 |
| Höchi: | 533 m ü. M. |
| Flächi: | 7,13 km² |
| Iiwohner: | 702 (31. Dezämber 2022)[1] |
| Website: | www.blauen.ch |
 Blaue im Winter (März 2006) | |
| Charte | |
 | |
| Dialäkt: Baseldütsch |
Blaue (amtlich: Blauen) isch e politischi Gmeind im Bezirk Laufe im Kanton Basel-Landschaft in dr Schwiiz.
Geographii
[ändere | Quälltäxt bearbeite]Blaue lit uf ere Terrasse am Südhang vom Hügelzug Blaue (837m). Nochbergmeinde si Dittige, Zwinge, Nenzlige, Pfäffige, Ettige und die beide Solodurner Gmeinde Hofstette-Flüeh und Metzerle. S Gmeindigebiet isch 713 Hektare gross, drvo si 34 % Landwirtschaftsflechi, 60 % Wald und 6 % Siidlige.
Wappe
[ändere | Quälltäxt bearbeite]E goldigs Schild mit eme schwarze Querbalke und drüber e schwarze, fünfzackige Stärn isch s Wappe vo de Herre vo Rothbärg. Dr Stärn het me spöter drzuedo.
Gschicht
[ändere | Quälltäxt bearbeite]Scho zur Römerzit het s e Stross ge, wo s Birsdal über e Blattebass in dr Nöchi vom hütige Dorf mit Basel verbunde het. S Dorf isch as Blakwan zum erste Mol im Johr 1147 erwähnt worde. 1408 si d Herre vo Rotberg und Ramstei Bsitzer vom Ort gsi. 1462 isch Blaue as Deil vo dr Vogtei Zwinge under d Herrschaft vom Basler Fürstbischof gfalle. 1490 isch Blaue in s Burgrächt mit Solodurn und 1525 ins Burgrächt mit dr Stadt Basel cho. 1792-93 isch Blaue Deil vo dr Raurakische Republik gsi, vo 1793 aa hai s d Franzose bsetzet und 1815 isch s dur en Entscheid vom Wiener Kongräss eidgenössisch und em Kanton Bärn zuegschlage worde. 1994 het Blaue as eini vo 13 Gmeinde im Laufedal vom Kanton Bärn zum Kanton Basel-Landschaft gwächslet.
Bevölkerig
[ändere | Quälltäxt bearbeite]59 % vo dr Bevölkerig si römisch-katholisch und 18% reformiert. Dr Usländeraadeil bedräit 6,0 %.
Bevölkerigsentwicklig:
- 1771: 201 Iiwohner
- 1850: 337 Iiwohner
- 1900: 292 Iiwohner
- 1950: 394 Iiwohner
- 2000: 660 Iiwohner
- 2010: 692 Iiwohner
Wirtschaft
[ändere | Quälltäxt bearbeite]D Gmeind bietet verschiidnigi örtligi Dienstleistige und e baar lokali Undernähme.
Verchehr
[ändere | Quälltäxt bearbeite]D Gmeind isch über e Bostautilinie mit dr Ussewält verbunde. Mit dere chunnt mä zur Interregio-/S-Bahn-Haltstell Laufe oder zur die S-Bahn-Station Zwinge an dr Juralinie.
Sehenswürdigkeite
[ändere | Quälltäxt bearbeite]
- Dr Dorfchärn
- D Pfarrchille St. Martin us em Johr 1745
- D St.-Wendelins-Kapälle im Hofguet Chliiblaue us em Johr 1666 (Am 20. Oktober isch dr Namensdag vom heilige Wendelin. Isch s e Sunndig, so findet denn e Buurewallfahrt mit Gottesdienst statt. Fallt dr 20. Oktober nit uf e Sunndig, findet s Fest am Sunnig druf statt).
- S Naturschutzgebiet Blaueweid
Weblingg
[ändere | Quälltäxt bearbeite]
Commons: Blaue – Sammlig vo Multimediadateie- Offizielle Website vo dr Gmeind Blaue
- Daniel Hagmann: Blauen. In: Historisches Lexikon vo dr Schwiiz.
Fuessnote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
|
Dä Artikel basiert uff ere fräie Übersetzig vu dere Version vum Artikel „Blauen_BL“ vu de dütsche Wikipedia. E Liste vu de Autore un Versione isch do z finde. |