Brislech
| Brislach | |
|---|---|
 | |
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Laufen |
| BFS-Nr.: | 2782 |
| Poschtleitzahl: | 4225 |
| Koordinate: | 608406 / 251768 |
| Höchi: | 373 m ü. M. |
| Flächi: | 9,39 km² |
| Iiwohner: | 1701 (31. Dezämber 2022)[1] |
| Website: | www.brislach.ch |
| Charte | |
 | |
| Dialäkt: Baseldütsch |
Brislech (amtlich: Brislach) isch e politischi Gmeind im Bezirk Laufe im Kanton Basel-Landschaft in dr Schwiiz.
Geographii[ändere | Quälltäxt bearbeite]
Brislech isch e ländligi Gmeind, wo öbbe 20 Kilometer südwestlig vo dr Stadt Basel lit, am Aafang vom Lützeldal. D Flechi vom Gmeindigebiet bedräit 939 Hektare, drvo si 53 % Landwirtschaftsflechi, 39 % Wald und 8 % Siidlige.
Wappe[ändere | Quälltäxt bearbeite]
S Wappe us em Johr 1946 zeigt zwei roti, krüzti Liliestäb uf goldigem Grund. S Wappe het dr Familie "vo Ramstei" ghört, wo ursprünglig "vo Brislech" gheisse hai (vgl. au mit de Wappe vo Bretzwil, Nunnige, Zullwil und Zwinge).
Gschicht[ändere | Quälltäxt bearbeite]
Zum erste Mol wird Brislech im Johr 1144 as Brislacho urkundlig erwähnt. Bis zum Ändi vom 19. Johrhundert isch s e reins Buuredorf gsi, wo s Hüüser nume dr Dorfstross nooch gha het. Öbbe e Dotzed Landwirtschaftsbedriib si no übrig bliibe, und die meiste von ene si usserhalb vom Dorfchärn. S rästlige Dorf bestoht zum grösste Deil us Wohnquartier und vereinzelte Undernähme. 1994 het Brislech as eini vo 13 Gmeinde im Laufedal vom Kanton Bärn zum Kanton Basel-Landschaft gwächslet. In de letzte 15 Johr isch d Bevölkerig vom Dorf um 40 Prozänt gwachse.
Wirtschaft[ändere | Quälltäxt bearbeite]
Wichtigi Erwärbszwiig si s Chliigwärb und d Landwirtschaft. Z Brislech befindet sich e wichtigs elektrischs Underwärk, wo under Anderem d Stadt Basel mit Energii beliifert. Über d Zueständigkeit vo de elektrische Aalage wie Underwärk und Übertragigsleitige het s rächtligi Broblem gee, wil dr Bezirk Laufe vom Kanton Bärn an dr Kanton Baselland gangen isch.
Weblingg[ändere | Quälltäxt bearbeite]
Commons: Brislach – Sammlig vo Multimediadateie- Offizielli Website vo dr Gmeind Brislech
- Daniel Hagmann: Brislach. In: Historisches Lexikon vo dr Schwiiz.
Fuessnote[ändere | Quälltäxt bearbeite]
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
