Anna Netrebko

Us der alemannische Wikipedia, der freie Dialäkt-Enzyklopedy
D Anna Netrebko

D Anna Jurjewna Netrebko (russisch Анна Юрьевна Нетребко, wiss. Transliteration Anna Jur’evna Netrebko; * 18. Septämber 1971 z Krasnodar, Russischi SFSR, Sowjetunion) isch e russischi Operesängeri (Sopran).

Lääbe[ändere | Quälltäxt bearbeite]

D Anna Netrebko isch d Dochter vum e Geolog un ere Ingenieuri. Si het am Rimski-Korsakow-Konservatorium z Sankt Petersburg Gsang studiert. Wu si 1993 dr Glinka-Gsangswettbewärb z Moskau gwunne ghaa het, isch si 1994 vum Mariinski-Theater z Sankt Petersburg fescht engaschiert wore. Dert het si as Susanna in Le nozze di Figaro vum Mozart debütiert. Noch eme Gaschtspiil vum Mariinski-Theater z San Francisco, wu si d Ljudmila in Ruslan un Ljudmila vum Glinka gsunge het, isch mit ihre Karriere bal ufezues gange. Si het bal an dr wichtigschte Operehyyser vu dr ganze Wält gsunge, an dr Metropolitan Opera z New York, an dr Wiener Staatsoper, an dr Mailänder Scala, an dr Semperoper z Dresden, bi dr Salzburger Feschtspiil. Mit dr Roll vu dr Donna Anna in Don Giovanni unter em Dirigänt Nikolaus Harnoncourt het si ab 2002 ihre ändgiltige Durbruch ghaa.

Anderi wichtigi Gsangsrolle, wu si gsunge het, sin d Natascha in Chrieg un Fride vum Prokofjew, d Donna Anna in Don Giovanni vum Mozart, d Adina in L’elisir d’amore vum Donizetti, d Gilda in Rigoletto vum Verdi, d Titelroll in Lucia di Lammermoor vum Donizetti, d Juliette in Romeo et Juliette vum Charles Gounod, d Norina in Don Pasquale vum Donizetti, d Amina in La sonnambula vum Bellini, d Titelroll in Manon Massenet, d Antonia in Hoffmanns Erzählungen vum Offenbach, d Titelroll in Anna Bolena vum Donizetti, d Mimi in La Bohème vum Puccini, d Violetta Valery in La traviata vum Verdi, d Leonora in Il trovatore vum Verdi, d Titelroll in Giovanna d’Arco vum Verdi.

Syt 2015 isch si ghyrote mit em aserbaidschanische Tenor Yusif Eyvazov. Mit ihrem friejere Partner, em italiänische Bariton Simone Alberghini, het si ne Suhn. Syt 2006 isch si au eschtrychischi Staatsburgeri.

Diskografy[ändere | Quälltäxt bearbeite]

CD[ändere | Quälltäxt bearbeite]

  • 1998 D Verlobig im Chloschter
  • 2002 D Liebi zue dr drei Orasche
  • 2003 Opera Arias
  • 2004 Sempre Libera
  • 2005 Violetta – Arien un Duette us La traviata
  • 2005 La traviata – Dt. Grammophon
  • 2006 Das Mozart-Album
  • 2006 The Russian Album
  • 2007 Duets – (Mit Rolando Villazon)
  • 2007 Le nozze di Figaro – vu dr Salzburger Feschtspiil 2006
  • 2007 Opera
  • 2008 Souvenirs – Album (DE: #18)
  • 2008 La Bohème (konzertanti Ufnahm zäme mit em Rolando Villazón, München 2007)
  • 2009 I Capuleti e i Montecchi (u. a. mit dr Elina Garanca, live us em Wiener Konzerthaus 2008)
  • 2009 Anna – The best of Anna Netrebko
  • 2010 In the Still of Night – Netrebko, Barenboim
  • 2010 Rossini: Stabat Mater – Netrebko, DiDonato, Brownlee, d’Arcangelo
  • 2013 Verdi – Netrebko, Noseda, Orchestra del Teatro Regio di Torino
  • 2015 Tschaikowsky: Iolanta – Netrebko, Markov, Kowaljow, Slovenian Philharmonic Orchestra, Villaume

DVD[ändere | Quälltäxt bearbeite]

  • 1995 As Ljudmila in Ruslan un Ljudmila vum M. Glinka
  • 1998 As Louisa in D Verlobig im Chloschter vum S. Prokofiev
  • 2002 Porträt in The Woman, The Voice
  • 2006 As Violetta Valery in La traviata vum G. Verdi (Livemitschnitt vu dr Salzburger Feschtspiil 2005)
  • 2005 As Adina in L’elisir d’amore vum G. Donizetti (Livemitschnitt vun ere Produktion vu dr Wiener Staatsoper 2005)
  • 2006 Das Waldbühnenkonzert aus Berlin, A. Netrebko, R. Villazón, P. Domingo
  • 2007 As Susanna in Le nozze di Figaro vum W. A. Mozart (Livemitschnitt vu dr Salzburger Feschtspiil 2006)
  • 2007 I puritani (Live-Mitschnitt vu dr Met im Jänner 2007)
  • 2008 Baden-Baden Operngala (Live-Mitschnitt vom August 2007, mit E. Garanca, R. Vargas, L. Tezier)
  • 2008 As Manon in Manon (Berliner Staatsoper 2007 zäme mit em Rolando Villazón)
  • 2009 As Mimi in La Bohème (Opernfilm 2008, mit R. Villazón; Reschy: Robert Dornhelm)
  • 2009 As Lucia in Lucia di Lammermoor (Metropolitan Opera 7. Februar 2009 mit em Piotr Beczala as Edgardo)
  • 2011 As Norina in Don Pasquale (Metropolitan Opera, 13. November 2010, musikalischi Laitig James Levine)

Literatur[ändere | Quälltäxt bearbeite]

Weblink[ändere | Quälltäxt bearbeite]

 Commons: Anna Netrebko – Sammlig vo Multimediadateie