Sankt Petersburg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Vorlage:Infobox Ort/Wartung/ISO
St. Petersburg
St. Petersburg (Russland)
St. Petersburg
St. Petersburg
Symbol
Wappe
Wappe
Fahne
Fahne
Basisdate
Staat Russland
Stadt mit Subjektstatus Sankt Petersburg
Höchi 3 m
Flechi 1.431 km²
Iiwohner 4.879.566 (2010)
Dichti 3.409,9 Iiwooner/km²
ISO 3166-2 RU-SPE
Webuftritt www.gov.spb.ru
Politik
Bürgermeister Walentina Matwijenko
d Peter-und-Paul-Kathedrale; sy schtod uf de Peter-Paul-Feschdig ond esch vom Domenico Trezzini erbaut worde
d Peter-und-Paul-Kathedrale; sy schtod uf de Peter-Paul-Feschdig ond esch vom Domenico Trezzini erbaut worde
Lage

59.93333333333330.266666666667Koordinate 59° 56′ N, 30° 16′ O Sankt Petersburg (russisch Санкт-Петербург, Sankt-Peterburg) – oder wie me chly poetisch au seit „s Venedig vom Norde“ – esch die zwöitgröschdi Schtadt vo Russland.

Geografy[ändere | Quälltäxt bearbeite]

Si lyd im Delta vom Floss Newa a de Oschtsee.

Gschicht[ändere | Quälltäxt bearbeite]

Wo de Zar Peter der Grosse s Sompfgebiet a de Newamöndig vo de Schwede eroberet hed, hed er zom d Schtellig sechere agäblich am 16. Mäi 1703 d Ortschaft Sankt Petersburg gröndet. Dank de optimale Lag ond de Nöchi zom Meer esch d Sidlig rasch gwachse, si isch de wechtigscht Marineschtötzponkt vo de Russe worde ond schliesslich au d Hauptstadt vom Zarerych.

D Schtadt esch planmässig öber 100 Insle ond 42 Kanäl, wo 320 Brogge drüberfüered, bout worde, und do debi het de Architekt Domenico Trezzini us Astano, eme Dorf im Tessin (Schwiiz), en wesentliche Teil vo de Planig gleischded. Er hed onder anderem au die markant Kathedrale bout, wo s Patrozinium vo de heilige Peter und Paul het. Si passt met ehrem schpetzige Dach öberhaupt ned zo dr tradizionelle russische Architektur, wie au mängs anders ned i dere Stadt, wil de Zar Peter dr Erscht stark uf Weschteuropa orientiert gsy esch.

Met em Usbroch vom Erschte Wältchrieg het d Schtadt dr nöi Name Petrograd (Petersstadt) übercvho. Bim Usbroch vode Revolution hed mer met em Panzerkreuzer Aurora uf de Wenterpalascht, d Eremitage, gschosse ond en gschdörmt, wil die provisorisch Regierig i dem Gebäude, wo höt eis vo de gröschde Musee uf de Wält esch, tagt hed. Noch em Tod vom Revolutionär Lenin esch d Schtadt zo sine Ehre uf Leningrad ombenennt worde. 1941–1944 het di dütschi Wehrmacht d Schtadt 900 Täg lang belagert. Währed dere Zyyt send öber 470.000 Börger om s Läbe cho. Wäge dem hed Petersburg 1965 de Ehretitel vo de sowjetische Füerig von ere Heldestadt becho.

Noch de Uflösig vo de UdSSR esch d Schtadt 1991 weder uf Sankt Petersburg tauft worde.

Höt läbed öppe 4'900'000 Mönsche z Sankt Petersburg.

Weblink[ändere | Quälltäxt bearbeite]

 Commons: St. Petersburg – Sammlig vo Multimediadateie