San Francisco

Us der alemannische Wikipedia, der freie Dialäkt-Enzyklopedy
San Francisco
Spitzname: The City by the Bay, Frisco, San Fran
San Francisco mit dr Golden Gate Bridge im Vordergrund
San Francisco mit dr Golden Gate Bridge im Vordergrund
Faane vo San Francisco
Faane
D Laag in Kalifornien
Basisdate
Gründig: 29. Juni 1776
Staat: USA
Bundesstaat: Kalifornien
County:

San Francisco County

Koordinate: 37° 47′ N, 122° 25′ WKoordinate: 37° 47′ N, 122° 25′ W
Zitzone: UTC-8
Iiwohner:
– Metropolregion:
805.235 (Stand: 2010)
4.335.391 (Stand: 2010)
Bevölkerigsdichti: 6.654,8 Iiwohner je km²
Flechi: 600,7 km² (ca. 232 mi²)
davon 121,0 km² (ca. 47 mi²) Land
Höchi: 16 m
Poschtleitzahle: 94101–94112, 94114–94147, 94150–94170, 94172, 94175, 94177
Vorwahl: +1 415
FIPS:

06-67000

GNIS-ID: 277593
Website: www.sfgov.org
Bürgermeister: Ed Lee

Historischi Charte vo San Francisco, 1888

San Francisco [ˌsæn fɹənˈsɪskoʊ], offiziell City and County of San Francisco, isch e Stadt und e Metropolregioon im US-Bundesstaat Kalifornie an dr Westküste vo de Veräinigte Staate vo Amerika. Mit 805.235[1] Iiwohner isch si die viertgrössti Stadt vo Kalifornie. Im globaale Vergliich gältet si näben äänlig groosse Stedt wie etwa Frankfurt am Main oder Amsterdam als middelgroossi Wältstadt.

Dr Naame vo dr Stadt chunnt us em Schbaanische. San Francisco isch noch em Häilige Franziskus, also em Franz vo Assisi, benennt. E Spitznaame für d Stadt, wo bi de Iiwooner lang verpöönt gsi isch aber in de letzte Joor immer mee akzeptiert wird, isch Frisco[2].

San Francisco lit in dr Nööchi vo dr San-Andreas-Verwärfig und s Risiko für Ärdbeebe isch hooch. Am 18. April 1906 isch s bis jetzt schwerste Ärdbeebe bassiert, won e Sterki vo 7,8 uf dr Richterskala ghaa het. Öbbe 3000 Mensche si im Beebe und in de Füür druf umchoo und drei Viertel vo San Francisco si zerstöört oder stark beschäädigt worde.

Zu de Seenswürdikäite ghööre s Fisherman’s Wharf-Kwardier mit sine Bäize, d Golden Gate Bridge, d Lombard Street, dr Wulkechratzer Transamerica Pyramid, s eltiste Bauwärk in dr Stadt, d Mission Dolores, s Gwärb- und Woongebiet Presidio, und Haight-Ashbury, wo in de 1960er Joor vo dr Hippiebeweegig in dr ganze Wält bekannt gmacht worden isch.

Weblingg[ändere | Quälltäxt bearbeite]

 Commons: San Francisco – Sammlig vo Multimediadateie

Fuessnoote[ändere | Quälltäxt bearbeite]

  1. Statistike vo dr US-Censusbehörde Archivlink (Memento vom 3. Mai 2011 im Internet Archive)
  2. sfgate.com: Frisco als Spitzname