Achdorf (Blumberg)

Us der alemannische Wikipedia, der freie Dialäkt-Enzyklopedy
Hops zue: Navigation, Suech

47.837238.50107Koordinaten: 47° 50′ 14″ N, 8° 30′ 4″ O

Achdorf
Gemeinde Blummbärg
Wappe vo Achdorf
Flechi: 1214 hadep1
Iiwooner: 557
Postleitzahl: 78176
Vorwahl: 07702
Achdorf (Baden-Württemberg)
Achdorf

Lage von Achdorf in Baden-Württemberg

Bligg uff Achdorf (2012)

Bligg uff Achdorf (2012)

Achdorf isch èn Ortsdeil von èrè Gmeind am öschtlichschtè Punkt vum Wuètèdal. Sie isch am 1. Januar 1972 dè Gmeind Blummbärg (Schwarzwald-Baar-Chreis, Badè-Württèbärg) aagliderèt worrè.

Gliderig[ändere | Quälltäxt bearbeite]

Zum Hauptort Achdorf ghöred d Ort Aselfingè un Überachè im Wuètèdal un d Ort Eschach un Opferdingè im Krottèbachdal, èm sognanntè Obberdal. Im ehemõligè Gebièt vo Achdorf sin diè Wüschtungè Helzèhofè un Katzaunschtaigi südlich vo Achdorf, Weschbach un Müllifingè weschtlich vo Aselfingè, Bachreuthòf un Dampfhuusè nördlich vo Aselfingè im Aubachdal, Zimmerè un Keglingè im Dreiegg Opferdingè, Eschach un Berringè im Waald. Diè Wüstungè sin hüt no Bschtanddeil vo Landschaftsnämmè.

Geografy[ändere | Quälltäxt bearbeite]

Achdorf vo obbè, aagluèget vo dè Buèchbärghüttè im Südoschtè uus

Achdorf lyt im Wuètèdal an èrè Stell, wo s Dal èn breiti Dalsollè uffwyst, èm Dalbeggi, wo mit Wuètèknüè bezeichnèt wörd. Flussobsi vo sellem Beggi erschtreckt sich d Wuètèschlucht, nõch èm Rächtsknick vo öppè 100 Grad, wo d Wuètè bim Wuètèknüè beschrybt, lyget in südweschtlicher Richtig, also flussabsi, d Wuètèflüè. Öschtlich vom Dorf erhebt sich diè link Dalwangè zu dè sognanntè Blummbärger Pfortè. D Pfortè isch diè Stell, wo vor bis zuè nèrè Zit vor ca. 70.000 Johr s Urschtròmdal vo dè Donau gu Oschtè gschtreebt isch. D Wuètè sich bis zu dèmm Zitpunkt also dè Obberlauf vo dè Urdonau gsi. Hüt flüèßt in Gegèrichtig, also nõch Weschtè, s Schleifèbächle vo Blummbärg obbè abbè. D Pfortè bildet èn nidrigè Pass, wo flankyrt wörd vom Eichbärg im Nordè bzw. Nordoschtè vo Achdorf, un èm Buèchbärg im Südè bzw. Südoschtè vo Achdorf.

Gschichtè[ändere | Quälltäxt bearbeite]

D Gründog vom Ort Achdorf gòt ca. uff s Johr 750 zrugg. D Gründig vo dè anderè, hüt no exischtent! Ort, gòt uff d Johr 802 (Aselfingè), 10. Johrhundert (Eschach un Opferdingè) un ca. 1300 (Überachè) zrugg. Genaueri Aagaabè lôn sich dört natürlich nimmi drèffè, well Hischtoriker nu Vomuètigè aaschtellè könned.

D Gmeind Achdorf isch durch villi Händ gangè. Vom 18. Johrhundert bis 1806 hèt d Gmeind zum Kloschter Sankt Bläsy ghört. Vom Johr 1806, nõchdèmm Napoleon Dütschland überrennt hèt, bis is Johr 1972 isch Achdorf è eigèschtändigi Gmeind im Landchreis Donaueschingè gsi. Nõch dè Chreisreform sin Deili vo dè ehemõligè Gmeind èm Landchreis Waldshuèt zuèkeit, wa dè betroffenè Bewooner vom Wyler a dè Wuètèmülli bis hüt missfallè duèt, well s für d Achdorfer un Ewèdinger gu Donaueschingè übber Huusè vor Waald vill nôcher isch wiè uff Waldshuèt.

Infraschtruktur un Wûrtschaft[ändere | Quälltäxt bearbeite]

Achdorf isch stark landwûrtschaftlich brägt; es wörred abber nu no wènnigi Höf im Haupterwèrb gfüürt.

Vokeer[ändere | Quälltäxt bearbeite]

Strõßè[ändere | Quälltäxt bearbeite]

Vo Nord nõch Süd durchschnydet d K 5742 dè Ort. Si vobindet d Ortschaftè Achdorf, Eschach un Opferdingè mit dè Nõchbõrört Fiètzè im Südè, un Huusè vor Waald im Nordoschtè. Dè Strõßèabscnitt Achdorf-Fiètzè stòt ußerdèmm unter Denkmõlschutz un wörd vo dè Yheimischè nit nu wegè dè intresantè Streggèfüürig gèrn als Wellblèchwäg bezeichnèt. D Chreisstrõßè 5747 un 5743 sin d Strõßè vo Achdorf gu Blummbärg bzw. in Richtig Wuètèmülli bis zu dè Chreisgränz, wo obber- un unterhalb vo dè Wuètè bildet wörd, d K5744 vobindet Opferdingè mit Berringè. Ußerdèmm git s meereri Gmeindstrõßè, wo s Achdorfer Dalbeggè mit dè Ort Luusä, Blomegg un Ewèdingè im Landchreis Waldshuèt vobindè.

Baan[ändere | Quälltäxt bearbeite]

Diè im Johr 1890 eröffneti Sauschwänzlebaan het urschprünglich durch d Wuètèflüè übber Achdorf, Huusè vor Waald mit Donaueschingè bzw. mit dè Höllèdalbaan vobundè wörrè. Uffgrund vo dè Wûrtschaftskrisè 1873 hèt diè Badischi Staatsysèbaa d Blaanigè 1875 schlièßlich voworfè. D Streggi im Wuètèdal hèt denn 15 Johr als Èndschtation diènt, bis d Sauschwänzlebaan ca. 3-4 km öschtlich un barallèl zu dè Wuètèflüè übber Fiètzè un Zollhuus uff d Baar gfüürt worrè isch.

Persönlichkeitè[ändere | Quälltäxt bearbeite]

I dè Gmeind Achdorf hèt dè berüümte Dichter Josef Viktor vo Scheffèl (1826–1886) mèngmòl i dè Linde zu Achdorf logyrt, welli hüt Scheffellinde heißt.

Gaschthuus Scheffèllindè

Bolitik[ändere | Quälltäxt bearbeite]

Z Achdorf git s èn Ortsvorschteher, wellè im dotal sechsköpfigè Ortschaftsrõt vo Achdorf vorschtòòt.[1]

Tourismus[ändere | Quälltäxt bearbeite]

Achdorf vofüègt übber è Huus für Feriègäscht, wo Haus des Gastes betitlèt isch. Witerhy fungyrt s Dorf am Wuètèknüè sit dè Widderentdeckig vo dè Wuètèschlucht als touristischi Attraktion als unterè Èndpunkt für Tourè i d Wuètèschlucht. Selli Bosition isch sit dè Eröffnig vo dè Wanderroutè Schluchtèschteig witer gfeschtigèt worrè, well diè 2. Etappè diräkt am Aafang durch Achdorf durrè füürt.

Fuèßnotè[ändere | Quälltäxt bearbeite]

  1. Ortschaftsrat Achdorf Websitè vo Blummbärg mit èm Ortschaftsrõt vo Achdorf
Information icon.svg Dä Artikel basiert uff ere fräie Übersetzig vu dere Version vum Artikel „Achdorf_(Blumberg)“ vu de dütsche Wikipedia.

E Liste vu de Autore un Versione isch do z finde.