Blommegg
| Blommegg Stadt Stüèlingè
| |
|---|---|
 | |
| Höhe: | 665 m |
| Flechi: | 657,969 ha |
| Iiwooner: | 219 (2001) |
| Iigmäindig: | 1. Januar 1973 |
| Postleitzahl: | 79780 |
Blommegg (amtlich Blumegg) isch dè nördlichschtè Ortsdeil vo dè Stadt Stüèlingè im Landchrais Waldshuèt z Badè-Württèbärg
Geography
[ändere | Quälltäxt bearbeite]
Blommegg lyt im nördöschtlichè Albgau uff èm Ewèdinger Bärg, Desèll Bärg hèt uugfäär d Form von èm rächtwinkligè Dreiegg, dè rächte Winkel lyt nordöschtlich vo Ewedingè. Blommegg lyt ca. 3 km südlich vo Ewèdingè. 2 km nordöschtlich lyt s Wüètèknüè bi Achdorf. Vo Achdorf öschtlich a Blommegg vorby volauft d Wuètè i dè Wuètèflüè, s Dorf Blommegg lyt uumittelbar obberhalb vo dè rächte Flüè, welli dõrum au Blommegger Flüè heisst. Graad am Rand, uff eim vo dènnè Felsè, lyt d Ruinè vo dè Blommegger Burg. Dè Bach Wylergrabbè, wo vo Luussä hèr obbè abbè chunnt, mündet am Sudèndi vom Blommegger Flüè i d Wuètè, sellèrè Sènki sait mò Blomegger Wyler. Im Wyler lyt diè ehemôlig Luusämer Mülli, è Gaschthuus sowiè dirèkt a dè Baantrassè vo dè Sauschwänzlebaan dè Baanhof Luussä-Blommegg. I dè Umgebig liget d Dörfer Ewèdingè (5 km), Grimmelzofè (2,5 km), Achdorf (3 km), Füètzè (2,5 km) un weschtlich im Wylergrabbè Dal unnè Luussä (3 km).
Nammè
[ändere | Quälltäxt bearbeite]Dè Nammè Blommegg bezièt sich uumittelbar uff d Hèrrschaft vo dè Hèrrè un Ritter vo Blommegg. Voewigt hèn sich selli im Ortswappè vo Blommegg, wo vom hèrrschaftlichè Wappè übbernõ worrè isch.
Gschichtè
[ändere | Quälltäxt bearbeite]Ort
[ändere | Quälltäxt bearbeite]
1880 hèt mò Muerräscht un è Münzè vom Kaiser Domitian uss dè Römerzit entdeggt. Im 13. Johrhundert sin èrè Sitèlinniè vo dè Hèrrè vo Blummbärg d Hèrrè un Ritter vo Blommegg entschprungè. 1645 isch d Burg Blommegg uff Bfèèl vom Louis de Nogaret de La Valette, èndgültig gschliffè worrè, nõchdèm si schu im Buèrèchrièg 1577 bschädiget worrè isch. Blommegg isch namensgäbbend für s St. Bläsische Amt Blommegg innerhalb vo dè Reichshèrrschaft Bõõdorf gsi, dezuè hèn d Dörfer Achdorf, Aselfingè, Dillèdorf, Eschach, Ewèdingè, Füètzè, Grimmelzofè, Luussä, Opferdingè un Übberachè ghört. È Füèrsbrunscht hèt im Johr 1820 25 Hüüser vonichtet, nu 6 Hüüser un d Kirchè sin dèvu cho. Dè große Dichter Scheffell isch oft z Gascht in Blommegg gsi, well er z Achdorf öfter logyrt hèt. Dè Scheffel hèt i sinèrè Dichtung Juniperus s Wuètèdal un d Blommegger Burg besungè.
Am 1. Januar 1973 hèt sich Blomegg freiwillig i d Stadt Stüèlingè ygmaindè lõ. Hintergrund defür, d Eigèständigkeit uffzgää, isch d Gmaindsreform z Baddè-Württebärg gsi, wo am Aafang vo dè 1970er Johr schu aakündigt worrè un bis zum 1. Januar 1975 vollzogè worrè isch. Für è chlys Dorf wiè Blommegg isch d Ygmaindig zwangsläufig gsi. Um sich wènnigschtens d Großgmaind uussuèchè z chönnè, hèt Blommegg zwei Johr devor dè Stadt Stüèlingè aagschlossè. Adminischtryrt wörd Blommegg sit 1975 vum Stüèlinger Stadtrõt, wo Blommegg ein Sitz zuèschtòt, ußerdemm cha dè Blommegger Ortschaftsrõt resp. dè Ortsvorschteher vo Blommegg im Stadtrõt Vorschläg unterbreitè.
Kirchè
[ändere | Quälltäxt bearbeite]
D Kirchè vo Blomeegg lyt z mits im Dorf dinnè, dört wo dè Rank vo dè Ortsdurchfaart isch. Kirchèpatrôn isch dè Hl. Benedikt.
Vokeer
[ändere | Quälltäxt bearbeite]Blommegg lyt a dè K 6511, selli Landschtrõõß zwygt vo dè Luusämer Landschtrõõß im Wyler dunnè ab, gòt in Serpentinè dè Buggel uè nordöschtlich gu Blommegg, I dè Dorfmitti bi dè Kirchè macht si èn Rank nõch Nordweschtè uff Ewèdingè. Èn halbè Kilometer nõch èm Ortsuusgang Richtig Ewèdingè gòt rächts dè Wäg i d Wuètèschlucht abbè, wo mò z Achdorf witer nõch Blummbärg un Eschingè chunnt. Vo 1899 bis Èndi vo dè 1950er-Johr hèt Blommegg im Wyler unnè èn Baanhof gha, d Station Im Wyler, welli spôter in Luusä-Blommegg umbenamst worrè isch. Urschrünglich hèt d Sauschwänzlebaan sogar durch d Wuètèflüè gò söllè, un dõmit dirèkt a Blommegg vorby, uss dènnè Blään isch abber nüt worrè.
Weblingg
[ändere | Quälltäxt bearbeite]
Commons: Blumegg (Stühlingen) – Sammlig vo Multimediadateie