1529

1529
Mit dr Kappeler Milchsuppe wird dr erscht Landfride vu Kappel bsiglet.

Was isch bassiert?[ändere | Quälltäxt bearbeite]

8. Februar: No dr Fasnet bräche z Basel Uurueje uus, wu in eme Bildersturm kulminiere. D Zimft zwinge dr Rot schließli zue dr Yyfierig vu dr Reformation.
20. Februar: Dr Rot vu dr em Luthertum ufgschlossene Freie Rychsstadt Stroßburi schafft di Hailig Mäss ab.
1. April: Noch eme Bschluss vum Große Rot ibernimmt d Stadt Basel vu dr Chilche d Bildig.
19. April: Uf em Rychtsdag z Speyer drätte sechs Firschte un 14 Rychsstedt as Verdrätter vu dr proteschtantische Minderhait uf gege d Verhängig vu dr Rychsacht gege dr Martin Luther un gege d Ächtig vu syne Schrifte, was Protestation zu Speyer gnännt wird.
8. Juni: Wu ne Underwaldner as Landvogt in Bade yygsetzt woren isch, erklert Züri dr katholische innere Ort Lozärn, Uri, Schwyz, Underwalde un Zug dr Chrieg.
26. Juni: Mit em erschte Landfride vu Kappel ändet dr Erscht Kappelerchrieg zwische reformierte un katholische Ort vu dr Eidgnosseschaft ohni Kampfhandlige. Är hebt dr Bund vu dr fimf altglaibige Ort (Lozärn, Schwyz, Unterwalde, Uri un Zug) mit em Habsburger Herrscher Ferdinand I. uf un sicheret ene Glaubesfreihait zue. No dr Legänd wird dr Fride mit dr Kappeler Milchsuppe bsiglet.
3. Oktober: Im Ramme vum Marburger Religionsgspräch entstehn d Marburger Artikel. Im evangelische Nachtmohlstryt chunnt s din aber nit zuen ere Verständigung zwisch em Martin Luther un em Ulrich Zwingli.

4. Februar: Ludwig Hätzer, Schwyzer Publizischt un Bibelibersetzer, Märtyrer vu dr Daiferbewegig

Commons: 1529 – Sammlig vo Multimediadateie