Wil SG

S SG im Lemma isch s offizielle Chürzel vom Kanton St. Gallen und wird verwendet, um Verwechslige mit gliichluutende Iiträäg z vermiide.

BW

Wappe
Basisdate
Kanton:	St. Galle
Bezirk:	Wil
BFS-Nr.:	3425
PLZ:	9500
Koordinate:	47.466664 n. Br. 9.049996 ö. L.
Höchi:	571 m ü. M.
Flächi:	7.62 km²
Iwohner:	18.000 (31. Dezämber 2010) [2]
Website:	www.stadtwil.ch
Karte
fwwww

Wil isch e chlineri Stadt und Hoptort vom Waalchrais Wil im Kanton Sangalle mit öpe 18'000 Iwohner.

Gschicht

Will wärend meh als 500 Joor z Wil Fürschtäbt vom Chloschter Sangalle residiert händ, haisst Wil au Hüt no Äbtestadt. Vor 1226 hät Wil dä Grofe vom Toggeburg ghört und ab 1798 för fööf Johr zum ehemolige Kanton Säntis. Dank de wichtige Vercherslag und em Marträcht, wo Wil dor d Fürschtäbt i de zwaite Hälfti vom föfzääte Johrhundert übercho händ, hät d Stadt en Uufschwung erläbt. No hüt zügt d Altstadt mit em Hof zu Wil vo säbere Zyt. 1984 hät Wil drum au de Wakkerpriis übercho.

Sehenswürdigkaite

• Hof zu Wil, ehemoligi Residänz vo de Fürschtäbt
• Altstadt, mittelalterlich prägt
• Stadtcherche Sankt Niklaus, afangs 14ti Joorhundert
• Pfarrcherche Sankt Peter, (erschti Pfarrcherche z Wil)

Verchehr

Wil isch im Fürschteland en wichtige Chnotepunkt für de Strosse- und Schinäverchehr. Wil hät mit de Autobahn A1 Sangalle-Züri e gueti Wescht-Oscht-Verbindig und mit de Hoptstross vo Chrützlinge dor dä Thurgau und witer dörs Toggeburg uuf, öber Wattwil bis uf Wildhuus, au e wichtegi Nordsüd-Achse.

Blick vo Nordoschte uf d Wiiler Altstadt und de Stadtwaier (rechts)

Persönlichkaite

• Max Peter Ammann, Geburtsort vom Filmregissör
• Kurt Felix, Geburtsort vom Fernsemoderator vom Teleboy und vo Verstehen Sie Spaß?
• Johann Baptist Hilber, Geburtsort vom Musiker, Komponischt und Chorlaiter (1891–1973)

Ainzelnochwiis

Weblink

 Allmänd (Commons): Wil — Witeri Mulitimediadateie zum Artikel

• Offizielli Website vo de Stadt Wil
• Ortsbürgergmaind Wil
• Stadtlexikon, Iiblick i d Gschicht bis is 12ti Joorhundert