Degersheim SG
| Degersheim | |
|---|---|
 |
|
| Basisdate | |
| Staat: | Schwiiz |
| Kanton: | St. Galle (SG) |
| Wahlkreis: | Wil |
| BFS-Nr.: | 3401 |
| Poschtleitzahl: | 9113 |
| UN/LOCODE: | CH DGS |
| Koordinate: | 732766 / 24834947.37269.1966800Koordinate: 47° 22′ 21″ N, 9° 11′ 48″ O; CH1903: 732766 / 248349 |
| Höchi: | 800 m ü. M. |
| Flächi: | 14.48 km² |
| Iiwohner: | 3887 (31. Dezämber 2011)[1] |
| Website: | www.degersheim.ch |
 Degersheim SG |
|
| Karte | |
 |
|
Tëgersche (IPA: [ˈtɛg̊ərʃːə]) isch e Gmaind im Undertoggeburg im Kantoo Sanggale und ghört politisch zum Wahlchrais Wiil.
Inhaltsverzeichnis |
Name [ändere]
De offiziell Name Degersheim isch e falschi verhochdütschig vom iihaimische Name Tëgersche (837: Tegerasgai "Grosse Eschewald") und het nie die fränkisch Ortsnameendig -heim ghaa. Bis 1806 het d Gmaind no dr Name Tegerschen trait. Us dem Grund werd im Woppe vo Tegersche au e geeli Esche uf schwarzem Grund abbildet. Di recht Hälfti vom Woppe zaigt degege e schwarzes Chrütz uf geelem Grund; da Chrütz isch vom Sigel vo de Ammane vo Tegersche öbernoo wore. D Farbe gääl und schwarz sind vom toggeborger Woppe öbernoo wore.
.jpg)
Geografii [ändere]
Zu de Gmaind ghöret s Dörfli Wolfertschwil und de Wailer Maggenau mit de Zisterzienserinne-Abtei Maggenau. De högschti Punkt isch bi de Tegersche Exklave Obergampe, wo uf 1'061 m ü. M. liit. D Gmaind grenzt a Oberuzwil, Floowil, Herisau, Schwellbronn, Neckertal und Lütischborg.
Bevölkerig [ändere]
D Bevölkerig hät früener vorallem vo de Landwertschaft und Holzverarbaitig, e wiili lang au vo de Stickerai, gläbt. Hüt gits näbet de Land- und Forschtwertschaft au e chli Industrii. D Gmaind hät Endi 2005 öpa 3830 Iiwohner zelt, devo sind 647 Uslender, 43% katolisch und 34% reformiert gsi.
Sehenswördigkaite [ändere]
Do wär emol di reformiert und di katolisch Cherche im Dorf Tegersche, di katolisch Cherche z Wolfertschwil und natürlich bim Chloster Maggenau d Verena-Kapelle. Si hät Grundmuure, wo us em 12./13. Joorhunder sind und si stoht, wie au s Chloster sälber, under Dänkmolschutz.
Fuessnote [ändere]
Weblinks [ändere]
Allmänd (Commons): Degersheim – Sammlig vo witere Multimediadateie
